Dasara 2026: डॉ. आंबेडकरांच्या ऐतिहासिक धम्मदीक्षेची गुप्त कागदपत्रे उघड होणार; जाणून घ्या कधी आणि कसा होणार प्रकाशन सोहळा?

Dasara 2026 Publication: भारतरत्न डॉ. बाबासाहेब आंबेडकर यांनी नागपूर येथे घेतलेल्या ऐतिहासिक बौद्ध धम्मदीक्षेच्या स्मृती आणि ऐतिहासिक संदर्भांचे दस्तऐवजीकरण करणारा दुर्मिळ खंड प्रकाशित करण्यात येणार आहे.

• धम्मदीक्षेचा दुर्मिळ दस्तऐवजी खंड दसऱ्याला प्रकाशित होणार
• डॉ. आंबेडकरांच्या ऐतिहासिक वारशाचे जतन
• चंद्रकांतदादा पाटील यांचे अधिकाऱ्यांना निर्देश

Dasara 2026 Publication: भारतरत्न डॉ. बाबासाहेब आंबेडकर यांनी नागपूर येथे घेतलेल्या ऐतिहासिक बौद्ध धम्मदीक्षेच्या स्मृती आणि ऐतिहासिक संदर्भांचे दस्तऐवजीकरण करणारा दुर्मिळ खंड येत्या २० ऑक्टोबर २०२६ रोजी दसऱ्याच्या दिवशी प्रकाशित करण्यात येणार आहे. या खंडात धम्मदीक्षेशी संबंधित दुर्मिळ पत्रव्यवहार, महत्त्वाची कागदपत्रे, निवेदने, संदर्भसाहित्य आणि अन्य ऐतिहासिक दस्तऐवजांचा समावेश केला जाणार आहे.

चंद्रकांत पाटील यांच्या अध्यक्षतेखाली बैठक

उच्च व तंत्र शिक्षण मंत्री चंद्रकांत पाटील यांच्या अध्यक्षतेखाली मंत्रालयात यासंदर्भात बैठक झाली. उपलब्ध दुर्मिळ साहित्याचा शोध, संकलन, वर्गीकरण आणि शास्त्रशुद्ध पद्धतीने जतन करण्याबाबत बैठकीत चर्चा करण्यात आली. संपादन, संकलन, मुद्रण आणि प्रकाशनाची प्रक्रिया वेळेत पूर्ण करण्याच्या सूचना पाटील यांनी अधिकाऱ्यांना दिल्या.

UGC NET 2026 : नॅशनल टेस्टिंग एजन्सीकडून उत्तरतालिका रिलीज, अशी तपासा रेकॉर्डेड रिस्पॉन्स शीट!

ऐतिहासिक महत्त्व अबाधित ठेवण्याचे निर्देश

धम्मदीक्षा हा केवळ धार्मिक परिवर्तनाचा प्रसंग नसून समता, स्वाभिमान, बंधुता आणि सामाजिक न्यायाच्या मूल्यांना नवे अधिष्ठान देणारा ऐतिहासिक टप्पा मानला जातो. त्यामुळे या घटनेशी संबंधित मूळ दस्तऐवज, पत्रव्यवहार आणि अन्य पुरावे भावी संशोधनासाठी महत्त्वाचे ठरणार आहेत. नागपूरमधील धम्मदीक्षा सोहळ्याची पार्श्वभूमी, तत्कालीन सामाजिक वातावरण, नियोजन, पत्रव्यवहार आणि विचारप्रवाह या खंडातून अभ्यासकांसमोर येणार आहे. दस्तऐवजांची सत्यता, संदर्भमूल्य आणि ऐतिहासिक महत्त्व अबाधित ठेवून दर्जेदार संपादन करण्याचे निर्देशही देण्यात आले.

या बैठकीस प्रमुख उपस्थिती

यावेळी बैठकीस उच्च व तंत्र शिक्षण विभागाचे अपर मुख्य सचिव बी. वेणुगोपाल रेड्डी, उच्च शिक्षण संचालक डॉ. शैलेंद्र देवळाणकर, महाराष्ट्र राज्य तंत्र शिक्षण मंडळाचे संचालक तथा तंत्रशिक्षण विभागाचे संचालक डॉ. प्रमोद नाईक, उच्च शिक्षण विभागाचे उपसचिव अशोक मांडे, उपसचिव प्रताप लुबाळ, सहसंचालक डॉ. अर्चना बोन्हाडे तसेच समितीचे सदस्य सचिव व सदस्य उपस्थित होते.

Thane News: सेवानिवृत्त अधिकाऱ्यांसाठी खूशखबर! ठाणे महानगरपालिकेत ‘प्रभारी अधिकारी’ पदासाठी वॉक-इन इंटरव्ह्यू