NEET UG 2026 : तुम्हालाही सरकारी मेडिकल कॉलेजमधून MBBS करायचंय? मग NEET UG परीक्षेत किमान ‘इतके’ गुण मिळवणं आहे अनिवार्य

भारतातील सर्व सरकारी वैद्यकीय महाविद्यालयांमधील १५% जागा अखिल भारतीय कोट्याअंतर्गत भरल्या जातात. या कोट्यामध्ये स्पर्धा सर्वात तीव्र असते, कारण देशभरातून गुणवंत उमेदवार इथं अर्ज करतात.

• १५% जागा अखिल भारतीय कोट्याअंतर्गत भरल्या जातात
• कट-ऑफ प्रत्येक राज्यात वेगवेगळा
• NEET UG मध्ये प्रवर्गनिहाय अपेक्षित गुण

NEET UG 2026 Government College Cut Off : भारतातील सर्व सरकारी वैद्यकीय महाविद्यालयांमधील १५% जागा अखिल भारतीय कोट्याअंतर्गत भरल्या जातात. या कोट्यामध्ये स्पर्धा सर्वात तीव्र असते, कारण देशभरातून गुणवंत उमेदवार इथं अर्ज करतात. आकडेवारीनुसार, सर्वसाधारण प्रवर्गासाठी AIQ द्वारे सरकारी जागा मिळवण्यासाठी ६२० ते ६५० दरम्यानचा स्कोर हा एक सुरक्षित पर्याय मानला जातो. जर तुम्ही दिल्लीतील नामांकित महाविद्यालयांना जसे की AIIMS किंवा MAMC यांच्यात प्रवेश मिळवण्याचे टार्गेट ठेवलं असेल तर हा स्कोर ७०० पेक्षा जास्त असणं आवश्यक आहे.

Railway Recruitment : रेल्वेमध्ये नोकरीची सुवर्णसंधी! 2800 पेक्षा जास्त जागांसाठी भरती प्रक्रिया सुरू

कट-ऑफ प्रत्येक राज्यात वेगवेगळा

प्रत्येक राज्यातील सरकारी महाविद्यालयांमधील ८५% जागा त्या राज्याच्या रहिवाशांसाठी राखीव ठेवलेल्या असतात. कट-ऑफ प्रत्येक राज्यात वेगवेगळा असतो. उदाहरणार्थ, उत्तर प्रदेश, राजस्थान, बिहार आणि हरियाणा यांसारख्या राज्यांमध्ये कट-ऑफ खूप जास्त असतो. जिथे सरकारी जागेसाठी ६००-६१५ गुणांची आवश्यकता असू शकते. काही डोंगराळ किंवा दक्षिण भारतीय राज्यांमध्ये, सरकारी महाविद्यालयात प्रवेश मिळवण्यासाठी ५७०-५९० गुण देखील पुरेसे असू शकतात.

NEET UG मध्ये प्रवर्गनिहाय अपेक्षित गुण

शासकीय वैद्यकीय महाविद्यालयांमधील प्रवेशात आरक्षण महत्त्वाची भूमिका बजावते.

अंदाजानुसार:
सर्वसाधारण/ईडब्ल्यूएस: ६१०-६३०+ गुण
ओबीसी: ६००-६२०+ गुण
अनुसूचित जाती: ५००-५२०+ गुण
ST: ४८०-५००+ गुण

टीप: प्रश्नपत्रिकेच्या पातळीनुसार या गुणांमध्ये बदल होऊ शकतो.

NEET UG चा कट ऑफ कसा ठरवला जातो?

NEET UGचा कटऑफ अनेक घटकांवर अवलंबून असतो:
एकूण उमेदवार: उमेदवारांची संख्या वाढल्याने स्पर्धा वाढते.
पेपरची पातळी: जर भौतिकशास्त्र किंवा रसायनशास्त्राचा पेपर कठीण असेल तर सरासरी कट-ऑफ कमी होऊ शकतो.
जागांची संख्या: नवीन वैद्यकीय महाविद्यालये सुरू झाल्यामुळे जागांमध्ये वाढ होते, ज्यामुळे कमी गुण असूनही प्रवेश मिळण्याची शक्यता वाढते.

शासकीय वैद्यकीय महाविद्यालयाचे फायदे

अत्यल्प फी: खाजगी महाविद्यालयांच्या तुलनेत सरकारी मेडिकल कॉलेजची फी खूप कमी असते, ज्यामुळे गरीब व मध्यमवर्गीय विद्यार्थ्यांचे डॉक्टर होण्याचे स्वप्न पूर्ण होऊ शकते.
प्रचंड रुग्णसंख्या आणि अनुभव: सरकारी रुग्णालयांमध्ये रुग्ण संख्या जास्त असल्याने विद्यार्थ्यांना विविध प्रकारच्या आजारांचे रुग्ण पाहण्याची संधी मिळते, ज्यामुळे ‘हँड्स-ऑन’ अनुभव (Practical knowledge) आणि क्लिनिकल कौशल्ये विकसित होतात.
अनुभवी प्राध्यापक (Faculty): येथे उच्चशिक्षित आणि अनुभवी प्राध्यापक असतात, जे संशोधनावर भर देतात.
प्रतिष्ठा आणि मान्यता: सरकारी मेडिकल कॉलेजची पदवी (MBBS) भारतभर आणि परदेशातही अधिक मान्यताप्राप्त आणि प्रतिष्ठित मानली जाते.
नोकरीच्या संधी: सरकारी कॉलेजमधून पास झालेल्या विद्यार्थ्यांना पीजी (PG) ॲडमिशनसाठी आणि सरकारी नोकऱ्यांमध्ये प्राधान्य मिळण्याची शक्यता जास्त असते.

AI Alpha School: एआय अल्फा स्कूल म्हणजे काय? ग्रॅज्युएशनपर्यंत मुलं कोटींमध्ये करणार कमाई, नाहीतर पैसे परत