UIDAI मध्ये नोकरीची सुवर्णसंधी ! पगार तब्बल 2 लाख रुपयांपर्यंत

सरकारी नोकरीच्या शोधात असणाऱ्या उमेदवारांकरिता भारतीय युनिक आयडेंटिफिकेशन अथॉरिटीमध्ये (UIDAI) मध्ये नोकरीची संधी उपलब्ध झाली आहे. उमेदवाराची निवड झाल्यास तब्बल 2 लाखाहून जास्त पगार मिळू शकतो.

सरकारी नोकरीसाठी प्रयत्न करणाऱ्या उमेदवारांसाठी एक  महत्वाची संधी उपलब्ध झाली आहे.  भारतीय युनिक आयडेंटिफिकेशन अथॉरिटीमध्ये   (UIDAI)  उपसंचालक आणि वरिष्ठ लेखाधिकारी पदांसाठी रिक्त जागा भरल्या जाणार आहेत. ज्यांना या पदाकरिता अर्ज करायचा आहे असे पात्र उमेदवार  UIDAI च्या अधिकृत वेबसाइट uidai.gov.in वर जाऊन अर्ज करू शकतात. 20 जानेवारी 2025 पर्यंत अर्जप्रक्रिया सुरु राहणार आहे.

UIDAI च्या या भरतीप्रक्रियेतून अधिकारी पदे भरली जाणार आहेत. तुम्हालाही या पदांसाठी अर्ज करायचा असेल,  तर पदांसाठी अर्ज करण्यापूर्वी खाली दिलेल्या गोष्टी काळजीपूर्वक वाचा.

कोका-कोलाने 100 शाळांना दिले डिजिटल स्मार्टबोर्डस् ! 15000 हून अधिक विद्यार्थ्यांना होणार फायदा

नोकरीसाठीची पात्रता

UIDAI च्या या भरतीसाठी अर्ज करू इच्छिणाऱ्या कोणालाही अधिकृत अधिसूचनेत दिलेली संबंधित पात्रता असणे आवश्यक आहे.

नोकरीसाठीची वयोमर्यादा

या भरतीप्रक्रियेत सहभाग घेणाऱ्या पात्र उमेदवारासाठी  कमाल वयोमर्यादा अर्जाच्या शेवटच्या तारखेनुसार 56 वर्षे असावी. त्यानंतरच उमेदवार अर्ज करण्यास पात्र ठरु शकतात.

वेतन 

भरतीप्रक्रियेतून निवड झालेल्या अधिकाऱ्यांना 7 व्या वेतन आयोगानुसार वेतनश्रेणी दिली जाणार आहे.

उपसंचालक: वेतन मॅट्रिक्स स्तर-11 अंतर्गत दरमहा रु. 67700 ते रु. 208700
वरिष्ठ लेखाधिकारी: पे मॅट्रिक्स स्तर-10 अंतर्गत दरमहा रु. 56100 ते रु. 177500

अर्ज करण्याची शेवटची तारीख- 20 जानेवारी 2025

अर्ज करण्यासाठी लिंक आणि सूचना

इच्छुक उमेदवारांनी अधिकृत अधिसूचनेमधून अर्ज डाउनलोड करा आणि तो योग्यरित्या भरा. अर्जासोबत सर्व आवश्यक कागदपत्रे जोडा आणि शेवटच्या तारखेपर्यंत खाली दिलेल्या पत्त्यावर जमा करा.

केंद्रीय मंत्रिमंडळाचा मोठा निर्णय ! संशोधन क्षेत्रासाठी ‘वन नेशन वन सबस्क्रिप्शन’ योजनेला मंजुरी

अर्ज पाठवण्याचा पत्ता-

संचालक (मानव संसाधन), युनिक आयडेंटिफिकेशन अथॉरिटी ऑफ इंडिया (UIDAI),प्रादेशिक कार्यालय,ब्लॉक-व्ही, पहिला मजला, हाउसफेड कॉम्प्लेक्स, बेलटोला-बसिष्ठ रोड, दिसपूर, गुवाहाटी – 781006.

युआयडीआएच्या भरती प्रक्रियेसंबंधीची लिंकसाठी इथे क्लिक करा

ज्या उमेदवारांना या नोकरभरतीत सहभागी व्हायचे आहे त्यांनी याकरिता तात्काळ अर्ज करावा.

भारतीय युनिक आयडेंटिफिकेशन अथॉरिटीबद्दल  (UIDAI)

युनिक आयडेंटिफिकेशन अथॉरिटी ऑफ इंडिया (UIDAI) ही संस्था एक वैधानिक प्राधिकरण आहे. जी भारतीय रहिवाशांना आधार क्रमांक जारी करते. या संस्थेचा उद्देश यूआयडीएआयचा उद्देश युनिक आयडेंटिफिकेशन नंबर (यूआयडी) जारी करणे आहे. आधार कार्ड हे कोणत्याही भारतीयासाठी महत्वाचे कागदपत्र आहे जे या संस्थेंद्वारे तयार केले जाते.

UIDAI ची कार्ये

• आधार क्रमांकांची नोंदणी आणि प्रमाणीकरण करणे
• आधारच्या सर्व टप्प्यांचे व्यवस्थापन.
• आधार क्रमांक जारी करण्यासाठी धोरणे, कार्यपद्धती आणि प्रणाली विकसित करणे.
• आधार कायद्याचे पालन सुनिश्चित करणे.
• आधार कायद्याशी सुसंगत असलेले नियम बनवणे.

आधार डॅशबोर्ड
आधार डॅशबोर्ड हे देशभरातील आधार प्रकल्पाच्या कामगिरीचे ऑनलाइन सूचक आहे. हे आधार निर्मिती, डेटा अपडेट, प्रमाणीकरण आणि eKYC व्यवहारांबद्दल तपशीलवार विश्लेषण प्रदान करते.