Gondia Nursing Colleges SOP: राज्यातील सर्व नर्सिंग कॉलेजेसमध्ये लागू होणार ‘SOP’; आरोग्यमंत्र्यांची घोषणा!

Gondia Nursing College SOP: गोंदिया जिल्ह्यातील शासकीय परिचर्या विद्यालयातील ४५ विद्यार्थिनींना अन्नातून विषबाधा झाली नसल्याचे चौकशी अहवालात स्पष्ट झाले आहे. या पार्श्वभूमीवर राज्यातील सर्व नर्सिंग कॉलेजेसमध्ये 'SOP' लागू करण्याची घोषणा आरोग्यमंत्र्यांनी केली.

• गोंदिया नर्सिंग कॉलेजच्या घटनेनंतर राज्य सरकारचा मोठा निर्णय
• आरोग्यमंत्री प्रकाश आबिटकर यांचे विधानसभेत मोठे वक्तव्य
• ४५ विद्यार्थिनींना अन्नातून विषबाधा झाली नसल्याचे चौकशी अहवालात स्पष्ट

Gondia Nursing College: अलीकडे तरुण तरुणींमध्ये डॉक्टर आणि नर्सिंगची क्रेझ वाढत असल्याचे दिसून येत आहे. त्यांच्या या कलामुळेच आज नर्सिंग महाविद्यालयांमधील विद्यार्थ्यांच्या संख्येत वाढ झालेली दिसून येत आहे. अनेकवेळा विद्यार्थी आपल्या शिक्षणासाठी दूरचा प्रवास करून येत असतात आणि त्यात जेव्हा गोंदिया महाविद्यालयातील विषबाधेसारखा प्रसंग समोर येतो. तेव्हा विद्यालयांच्या प्रशासनातील सुव्यवस्थेवर प्रश्नचिन्ह उपस्थित होते.

राज्यातील सर्व नर्सिंग महाविद्यालयांमध्ये शिस्त, नियमितता आणि विद्यार्थ्यांच्या सुरक्षिततेच्या दृष्टीने प्रमाणित कार्यपद्धती म्हणजेच (SOP-Standard Operating Procedure) लागू करण्यासाठी आवश्यक कार्यवाही करण्यात येणार असल्याची माहिती सार्वजनिक आरोग्य व कुटुंब कल्याण मंत्री प्रकाश आबिटकर यांनी विधानसभेत दिली.

गोंदिया नर्सिंग कॉलेजच्या घटनेनंतर राज्य सरकारचा मोठा निर्णय

गोंदिया जिल्ह्यातील जिल्हा सामान्य रुग्णालयांतर्गत शासकीय परिचर्या प्रशिक्षण विद्यालयातील ४५ विद्यार्थिनींना विषबाधा झाल्याने हा एसओपी लागू करण्याचा निर्णय मंत्री अबिटकरांनी घेतला आहे.

मंत्री आबिटकर म्हणाले की, या घटनेनंतर जिल्हा शल्यचिकित्सक, केटीएस सामान्य रुग्णालय, गोंदिया यांनी गठित केलेल्या त्रिस्तरीय चौकशी समिती तसेच अन्न व औषध प्रशासन, गोंदिया यांच्या अहवालानुसार विद्यार्थिनींना देण्यात आलेल्या अन्नामुळे विषबाधा झाल्याचे आढळून आलेले नाही.

AI vs Doctors: येत्या काळात AI खरोखरच डॉक्टरांची जागा घेणार का? आरोग्य क्षेत्रातील ‘हा’ नवा बदल काय सांगतो?

४५ विद्यार्थिनींना अन्नातून विषबाधा झाली नसल्याचे चौकशी अहवालात स्पष्ट

गोंदिया येथील परिचर्या प्रशिक्षण विद्यालयातील वसतिगृहात विद्यार्थिनींना दिल्या जाणाऱ्या अन्नाची व पिण्याच्या पाण्याची नियमित तपासणी केली जात असून, विद्यार्थ्यांच्या आरोग्य व सुरक्षिततेबाबत आवश्यक ती दक्षता घेतली जात आहे. राज्यातील सर्व नर्सिंग महाविद्यालयांमध्ये अशा घटना टाळण्यासाठी आणि व्यवस्थापनात एकसमानता आणण्यासाठी प्रमाणित कार्यपद्धती (एसओपी) लागू करण्यात येणार असल्याचेही मंत्री आबिटकर यांनी यावेळी सांगितले.

General Dheeraj Seth: पदभार स्वीकारताच लष्करप्रमुख जनरल धीरज सेठ यांच्या ‘या’ कृतीने का जिंकली सर्वांची मने?