Career Tips: असा बनवा Resume हमखास व्हाल क्रॅक कराल इंटरव्ह्यू !

एक उत्तम नोकरी मिळवण्यासाठी उत्तम रेझ्युमे असणे फार महत्वाचे असते. हीच बा लक्षात घेत आज आपण एक चांगला रेझ्युमे कसा बनवला पाहिजे? त्याबद्दल जाणून घेऊयात.

फोटो सौजन्य: iStock

Follow Us:

Follow Us:

चांगल्या नोकरीसाठी केवळ शिक्षण आणि कौशल्ये पुरेशी नसतात, तर तुमचं व्यक्तिमत्त्व आणि ते कसे सादर करता हे देखील तितकंच महत्त्वाचं असतं. यामध्ये “रेझ्युमे” म्हणजेच तुमचं व्यावसायिक आत्मचरित्र फार मोठी भूमिका बजावतं. अनेक वेळा नोकरीसाठी अर्ज करताना तुमचा रेझ्युमेच पहिलं प्रभाव टाकतो. म्हणूनच, एक प्रभावी आणि आकर्षक रेझ्युमे तयार करणं आवश्यक आहे.

रेझ्युमे म्हणजे काय?

रेझ्युमे (CV/Resume) हा एक असा डॉक्युमेंट आहे, ज्यात उमेदवाराच्या शैक्षणिक पात्रता, कामाचा अनुभव, कौशल्ये, आणि व्यावसायिक माहिती दिलेली असते. तो पाहूनच कंपन्या उमेदवाराला मुलाखतीसाठी बोलवतात. यामुळेच तुमचा रेझ्युमे जितका स्पष्ट, संक्षिप्त आणि योग्य असतो, तितकी तुमच्या यशाची शक्यता वाढते.

प्रभावी रेझ्युमे तयार करताना लक्षात ठेवाव्या काही टिप्स:

स्वच्छ आणि प्रोफेशनल फॉरमॅट निवडा: एकसंध आणि वाचण्यास सोपा फॉरमॅट निवडा. मोकळा पॅराग्राफ, बुलेट पॉइंट्स आणि विभागांची योग्य रचना ठेवा.

थोडक्यात आणि मुद्देसूद माहिती द्या: अनावश्यक लांब लेखन टाळा. प्रत्येक माहिती स्पष्ट, संक्षिप्त आणि तथ्याधारित असावी.

स्पेलिंग व ग्रामर तपासा: एकही स्पेलिंग किंवा व्याकरण चूक उमेदवाराची प्रतिमा बिघडवू शकते. रेझ्युमे तयार केल्यावर तो पुन्हा वाचून किंवा दुसऱ्याकडून तपासून घ्या.

खोटी माहिती देऊ नका: चुकीची माहिती दिल्यास ती भविष्यात त्रासदायक ठरू शकते. प्रामाणिकपणे तुमचा अनुभव व पात्रता लिहा.

आपली कौशल्ये ठळक करा: नोकरीसाठी लागणारी स्किल्स जसे की कम्युनिकेशन, टीमवर्क, सॉफ्टवेअर टूल्स यांचा स्पष्ट उल्लेख करा.

व्यावसायिक फोटो आणि संपर्क माहिती: जर फोटोची आवश्यकता असेल, तर प्रोफेशनल लूक असलेला फोटो वापरा. संपर्कासाठी योग्य फोन नंबर आणि ईमेल अ‍ॅड्रेस द्या.

फक्त संबंधित माहितीच जोडा: ज्या पदासाठी अर्ज करत आहात त्या अनुषंगाने अनुभव व कौशल्ये नमूद करा.

शैक्षणिक आणि व्यावसायिक प्रवासाचा क्रम: सर्व माहिती नवीनतमपासून जुन्याकडे लिहा म्हणजे मुलाखत घेणाऱ्याला सहज समजते.

एकच रेझ्युमे सगळीकडे पाठवू नका: प्रत्येक जॉब प्रोफाइलसाठी रेझ्युमेमध्ये आवश्यक त्या प्रमाणात बदल करा.

शेवटी, लक्षात ठेवा की रेझ्युमे म्हणजे तुमच्या व्यावसायिक ओळखीचा आरसा आहे. तो जितका स्पष्ट, नेमका आणि प्रभावी असेल, तितका तुमचा यशाचा मार्ग सुकर होईल.

Web Title: How to make resume what things should be added in it

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com