शैक्षणिक धोरणात महत्त्वपूर्ण तरतुदी, मुंबई विद्यापीठाचे कुलगुरू डॉ. रवींद्र कुलकर्णी यांनी केले प्रतिपादन

विद्यार्थी केंद्रस्थानी ठेवून तयार करण्यात आलेले राष्ट्रीय शैक्षणिक धोरण २०२० उच्च शिक्षणात सकारात्मक बदल घडवणारे ठरेल, असा विश्वास मुंबई विद्यापीठाचे कुलगुरू डॉ. रवींद्र कुलकर्णी यांनी व्यक्त केला. ‘मस्ट’ आयोजित कार्यशा

• राष्ट्रीय शैक्षणिक धोरण २०२० मध्ये विद्यार्थी हा केंद्रस्थानी असून त्याच्या सर्वांगीण विकासावर भर देण्यात आला आहे.
• लवचिक अभ्यासक्रम, बहुभाषिक शिक्षण, कौशल्याधारित व डिजिटल शिक्षणामुळे विद्यार्थ्यांसाठी नव्या शैक्षणिक आणि करिअरच्या संधी उपलब्ध होत आहेत.
• शिक्षण क्षेत्रातील सर्व घटकांनी सुसंवाद साधून धोरणाची सकारात्मक अंमलबजावणी केल्यास भविष्यात चांगले परिणाम दिसून येतील.

उच्च शिक्षणाच्या क्षेत्रात विद्यार्थी हा केंद्रस्थानी असून प्रतिभावान युवा पिढीच्या सर्वांगीण विकासासाठी राष्ट्रीय शैक्षणिक धोरणात महत्त्वपूर्ण तरतुदी आहेत. विद्याथ्यांची गरज व आवड लक्षात घेऊन तयार झालेल्या शैक्षणिक धोरणात अनेक सकारात्मक बाबी आहेत. शिक्षण क्षेत्रातील सर्व घटकांनी सुसंवाद साधत त्याचा सकारात्मक विचार केला तर भविष्यात खूप चांगले परिणाम दिसतील, असे प्रतिपादन मुंबई विद्यापीठाचे कुलगुरू डॉ. रवींद्र कुलकर्णी यांनी केले.

12 वी उत्तीर्ण विद्यार्थ्यांसाठी नोकरीची संधी! CBSE कडून सरकारी नोकरीची भरती मोहीम जाहीर , कधी आणि कसा अर्ज करू शकता? जाणून घ्या..

महाराष्ट्र धर्मनिरपेक्ष शिक्षक संघटना (मस्ट) आयोजित ‘राष्ट्रीय शैक्षणिक धोरणः २०२०- विद्यार्थी, शिक्षक व समाजावरील परिणाम व आव्हाने’ या विषयावर आयोजित कार्यशाळेत प्राचार्य, प्राध्यापक, विद्यार्थी व पालक यांना मार्गदर्शन करताना ते बोलत होते.

प्राध्यापक, विद्याथ्यांच्या प्रश्नाचे शंकानिरसन

कार्यशाळेचे उद्घाटन कुलगुरू डॉ. रवींद्र कुलकर्णी यांच्या हस्ते झाले. लवचिक व प्रभावी नव्या शैक्षणिक धोरणाची रचना, बहुभाषिक शिक्षण, कौशल्याधारित अभ्यासक्रम व डिजिटल शिक्षण पद्धती यांविषयी अभ्यासपूर्ण मार्गदर्शन करीत प्राचार्य, प्राध्यापक व विद्यार्थ्यांनी विचारलेल्या अनेक प्रश्नांची उत्तरे देऊन उपस्थितांशी त्यांनी संवाद साधला. राष्ट्रीय शैक्षणिक धोरणाच्या अंमलबजावणीत काळानुरूप अनेक महत्त्वपूर्ण बदल सूचविलेले असून भविष्यात विद्याथ्यांच्या शिक्षण व करिअरच्या दृष्टीने अनेक नव्या संधी उपलब्ध होत आहेत. ‘मस्ट’ चे अध्यक्ष डॉ. विजय पवार यांनी या कार्यशाळेमागची भूमिका प्रास्ताविकातून मांडली.

RBI Summer Internship 2025: बँकिंग करिअरसाठी सुवर्णसंधी, दरमहा ₹20 हजार स्टायपेंड; RBI समर इंटर्नशिपसाठी आजच करा अर्ज

विद्यार्थी, प्राध्यापक आणि शैक्षणिक क्षेत्रातील घटकांना जाणवत असणाऱ्या प्रश्नांबद्दल चर्चा घडवून आणावी आणि योग्य असे मार्गदर्शन मिळावे या हेतूने कार्यशाळेचे आयोजन केल्याचे डॉ. पवार यांनी सांगितले. शिक्षण क्षेत्रातील विविध प्रश्नांबाबत ‘मस्ट’ संघटना सातत्याने प्रयत्नशील असून सर्व घटकांना बरोबर घेऊन कार्य करत असल्याचे त्यांनी नमूद केले, शैक्षणिक धोरणात अत्यंत महत्त्वाचे योगदान दिलेले मुंबई विद्यापीठाचे कुलगुरू डॉ. रवींद्र कुलकर्णी या कार्यशाळेला मार्गदर्शक म्हणून लाभले याबद्दल त्यांनी आनंद व समाधान व्यक्त केले.