JEE Main 2027 Registration: अर्जात चूक झालीय का? टेन्शन फ्री होऊन भरा नवीन फॉर्म; जाणून घ्या महत्त्वाच्या तारखा आणि नियम

JEE Main 2027 Registration: एनटीएने जेईई मेन २०२७ च्या जानेवारी सत्रासाठी परदेशी आणि एनआरआई विद्यार्थ्यांना पासपोर्टद्वारे अर्ज करण्याची परवानगी दिली असून, विनालेट फी अर्ज करण्याची अंतिम तारीख २२ नोव्हेंबर २०२६ आहे.

• अर्ज प्रक्रिया पूर्ण करण्यासाठी पासपोर्टचा उपयोग करता येणार
• ओळख आणि री-केवाईसी अनिवार्य
• चुका सुधारण्यासाठी नवीन अर्ज करण्याची मुभा

JEE Main 2027 Registration: इंजिनिअरिंग प्रवेश परीक्षा जेईई मेन २०२७ (JEE Main 2027) च्या जानेवारी सत्रासाठी अर्ज प्रक्रिया सुरू आहे. या दरम्यान, एनटीएने (NTA) परदेशात राहणारे भारतीय वंशाचे विद्यार्थी आणि इतर उमेदवारांना मोठा दिलासा दिला आहे. ज्या एनआरआई  किंवा इतर उमेदवारांकडे आधार कार्ड, पॅन कार्ड किंवा ड्रायव्हिंग लायसन्स नाही, ते आता त्यांच्या पासपोर्टचा वापर ओळखीचा पुरावा म्हणून करून अर्ज पूर्ण करू शकतात. सोशल मीडियावर एका एनआरआई विद्यार्थ्याने विचारलेल्या प्रश्नाच्या उत्तरात एनटीएने स्पष्ट केले आहे की, आता अर्ज प्रक्रिया पूर्ण करण्यासाठी पासपोर्टचा उपयोग करता येईल. एजन्सीच्या या पाऊलामुळे ओळख दर्शवणाऱ्या कागदपत्रांच्या कमतरतेमुळे नोंदणीमध्ये अडचणींचा सामना करणाऱ्या परदेशी आणि भारतीय उमेदवारांना मोठा दिलासा मिळाला आहे.

ओळख आणि री-केवाईसी अनिवार्य

एनटीएतर्फे जारी करण्यात आलेल्या अधिकृत निर्देशानुसार, जेईई मेन २०२७ च्या नोंदणीसाठी ‘मेरी पहचान’ पोर्टलच्या माध्यमातून लॉगिन करणे अनिवार्य करण्यात आले आहे. याद्वारे उमेदवार तीन मुख्य प्लॅटफॉर्म्सपैकी- जसे की डिजिलॉकर (DigiLocker), ई-प्रमाण किंवा जन परिचय- एकाची निवड करून लॉगिन करू शकतात. एजन्सीने विद्यार्थ्यांना डिजिलॉकरच्या माध्यमातून री-केवाईसी पूर्ण करण्याचा सल्ला दिला आहे. अर्जामधील उमेदवाराचे नाव आणि जन्मतारीख १० वीच्या प्रमाणपत्रात नोंदवलेल्या तपशीलाशी अगदी तंतोतंत जुळली पाहिजे.

National Insurance Apprentice Jobs: सरकारी विमा क्षेत्रात करिअरची सुवर्णसंधी! ‘या’ तारखेपर्यंत अर्ज करण्याची मुदत

चुका सुधारण्यासाठी नवीन अर्ज करण्याची मुभा

एनटीएने आणखी एका नोटिसमध्ये उमेदवारांना मोठी सोय उपलब्ध करून दिली आहे. जर एखाद्या विद्यार्थ्याने आधी भरलेल्या फॉर्ममध्ये कोणतीही चूक केली असेल किंवा चुकीची माहिती नोंदवली असेल, तर तो नवीन फ्रेश अर्ज सादर करू शकतो. नवीन फॉर्म जमा केल्यावर विद्यार्थ्याला एक नवीन ॲप्लिकेशन नंबर दिला जाईल. मात्र, आधी भरलेली परीक्षा फी ना परत केली जाईल ना नवीन फॉर्ममध्ये ॲडजस्ट केली जाईल. ज्या विद्यार्थ्यांना केवळ किरकोळ बदल करायचे आहेत, त्यांच्यासाठी २७ ते २९ नोव्हेंबर २०२६ दरम्यान करेक्शन विंडोची सुविधा उपलब्ध असेल.

जेईई मेन २०२७ सत्र १ च्या महत्त्वाच्या तारखा

• विनालेट फी नवीन अर्ज करण्याची अंतिम तारीख: २२ नोव्हेंबर २०२६
• लेट फीसह अर्ज करण्याची शेवटची तारीख: २३ ते २६ नोव्हेंबर २०२६
• अर्जात सुधारणा करण्याची मुदत: २७ ते २९ नोव्हेंबर २०२६
• परीक्षा तारीख: २० ते २८ जानेवारी २०२७

Train Manager Salary & Vacancy: सरकारी नोकरी शोधताय? रेल्वेत ट्रेन मॅनेजर व्हा आणि कमवा बक्कळ पैसा!

एनआरआई (NRI) अर्जदारांसाठी विशेष सल्ला

एनटीएने एनआरआई विद्यार्थ्यांना सल्ला दिला आहे की, त्यांनी अर्ज करताना आपल्या पासपोर्टवर नोंदवलेले नाव आणि इतर तपशील १० वीच्या मार्कशीटशी काळजीपूर्वक तपासून पहावेत, जेणेकरून परीक्षेच्या वेळी कोणतीही चूक होणार नाही. अर्ज प्रक्रिया किंवा पासपोर्ट संबंधी कोणत्याही तांत्रिक समस्येचे निराकरण करण्यासाठी उमेदवार अधिकृत संकेतस्थळ jeemain.nta.nic.in वर जाऊन संपर्क साधू शकतात किंवा एनटीएच्या हेल्पलाइन नंबर 011-40759000 / 011-69227700 वर संपर्क साधू शकतात.