गुरुवार, 5 नोव्हेंबर 2026
फोटो सौजन्य- सोशल मीडिया
या भरती मोहिमेच्या माध्यमातून एकूण २०० रिक्त जागा भरल्या जाणार असून, त्यामध्ये राज्यानुसार विविध जागांचे वाटप करण्यात आले आहे. यामध्ये महाराष्ट्रासाठी १० जागांवर अप्रेंटिस पदांची भरती केली जाणार आहे. याशिवाय आसाममध्ये ३०, गुजरात आणि राजस्थानमध्ये प्रत्येकी २२, उत्तर प्रदेशमध्ये १४, मध्य प्रदेशमध्ये १२, तर पश्चिम बंगाल, केरळ, कर्नाटक, झारखंड, उत्तराखंड, पंजाब आणि तामिळनाडू या राज्यांतही योग्य त्या रिक्त जागा उपलब्ध करून देण्यात आल्या आहेत. अर्जाची छाननी केल्यानंतर शॉर्टलिस्ट केलेल्या उमेदवारांना कागदपत्र पडताळणीसाठी बोलावले जाईल, ज्याची माहिती उमेदवारांच्या नोंदणीकृत ईमेल आयडीवर पाठवली जाईल.
या पदांसाठी अर्ज करू इच्छिणाऱ्या उमेदवारांचे वय १ एप्रिल २०२६ रोजी किमान २१ वर्षे ते कमाल ३० वर्षांच्या दरम्यान असणे आवश्यक आहे. तसेच नियमांनुसार आरक्षित प्रवर्गातील उमेदवारांना उच्च वयोमर्यादेत सवलत देण्यात आली आहे. शैक्षणिक पात्रतेबाबत बोलताना, उमेदवाराने मान्यताप्राप्त विद्यापीठातून कोणत्याही विषयात नियमित पदवी पूर्ण केलेली असावी. या प्रशिक्षणादरम्यान निवड झालेल्या उमेदवारांना दरमहा १५,००० रुपये विद्यावेतन दिले जाणार आहे, ज्यामध्ये कंपनीचा हिस्सा आणि डीबीटीद्वारे सरकारचा हिस्सा जमा केला जाईल. या भरती आणि अर्जाविषयी अधिक माहितीसाठी उमेदवार नॅशनल इन्श्युरन्स कंपनीच्या किंवा NATS च्या अधिकृत संकेतस्थळाला भेट देऊ शकतात.
Ans: या भरती मोहिमेच्या माध्यमातून देशभरात एकूण २०० ग्रॅज्युएट अप्रेंटिस जागा भरल्या जाणार असून, त्यापैकी महाराष्ट्रासाठी १० जागा आहेत.
Ans: ऑनलाइन अर्ज करण्याची प्रक्रिया ४ नोव्हेंबर २०२६ रोजी सुरू झाली असून, अर्ज करण्याची अंतिम तारीख १८ नोव्हेंबर २०२६ आहे.
Ans: प्रशिक्षण काळात निवड झालेल्या उमेदवारांना दरमहा १५,००० रुपये विद्यावेतन दिले जाईल.
