राज्यातील दुष्काळग्रस्त विद्यार्थ्यांना शिक्षण विभागाकडून मोठा दिलासा; दहावी-बारावी परीक्षा शुल्क केले माफ
नीता परब, मुंबई, नवराष्ट्र न्यूज नेटवर्क : महाराष्ट्र राज्य सामाईक प्रवेश परीक्षा कक्षातर्फे शैक्षणिक वर्ष २०२६-२७ साठी मास्टर ऑफ कॉम्प्युटर ॲप्लीकेशन – एमसीए या अभ्यासक्रमाच्या केंद्रीभूत प्रवेश प्रक्रियेची दुसरी यादी जाहीर करण्यात आली. या दुसऱ्या यादीत १६ हजार ९८७ विद्यार्थ्यांपैकी ७ हजार ४०७ विद्यार्थ्यांना प्रवेशाची संधी मिळाली आहे. तसेच दुसऱ्या यादीमध्ये ६ हजार ३२७ विद्यार्थांना त्यांनी दिलेल्या पहिल्या तीनपैकी त्यांच्या एका पसंतीचे महाविद्यालय मिळाले आहे.
राज्यात दुसऱ्या फेरीसाठी एकूण १८ हजार ०९० जागा उपलब्ध होत्या, त्यापैकी विद्यार्थांना दिलेल्या मुदतीत १६ हजार ९८७ विद्यार्थ्यांनी महाविद्यालयाचे पसंतीक्रम भरले होते. त्यामुळे याच विद्यार्थ्यांचा विचार दुसऱ्या कॅप फेरीच्या यादीसाठी करण्यात आला. या विद्यार्थ्यांपैकी ७ हजार ४०७ विद्यार्थ्यांना दुसऱ्या फेरीत विविध पसंतीक्रमाच्या महाविद्यालयामध्ये प्रवेश उपलब्ध झाले आहेत.
दुसऱ्या फेरीत ६ हजार ३२७ विद्यार्थ्यांना त्यांनी दिलेल्या पसंतीक्रमानुसार पहिल्या तीनपैकी एका पसंतीचे महाविद्यालय मिळाले आहे. यांचे हे प्रवेश ऑटो फ्रिज झाले आहेत. या विद्यार्थ्याना या महाविद्यालयात प्रवेश घेणे अनिवार्य आहे. या विद्यार्थ्यांनी जर काही कारणाने हा प्रवेश नाकारला तर या विद्यार्थ्यांना तिसऱ्या व चौथ्या फेरीत उतरता येणार नाही. त्यांना थेट त्यानंतरच्या खुल्या फेरीत म्हणजे संस्थात्मक फेरीत उतरावे लागेल.
ज्या विद्यार्थ्यांना दुसऱ्या फेरीमध्ये महाविद्यालय मिळाले आहे त्या विद्यार्थ्यांनी आता १७ ऑगस्ट पर्यंत मिळालेल्या महाविद्यालयामध्ये प्रत्यक्ष हजर राहून आवश्यक ती कागदपत्रे सादर करून व शुल्क भरून प्रवेश निश्चित करणे आवश्यक आहे. यानंतर १८ ऑगस्टला तिसऱ्या फेरीसाठी तात्पुरत्या रिक्त जागा जाहीर करण्यात येणार आहेत.
.png "Videos"){kind=small}
