Neeru Dhanda Gold Medal: भारताच्या लेकीने रचला इतिहास! जाणून घ्या नीरू ढांडा किती शिक्षण झाले आहे?

Neeru Dhanda Gold Medal: भारताची स्टार शूटर नीरू ढांडा हिने महिलांच्या ट्रॅप शूटिंगमध्ये सुवर्णपदक जिंकून ऐतिहासिक कामगिरी केली आहे. नीरू ढांडाचे शिक्षण किती झाले आहे? जाणून घ्या.

• भारताच्या नीरू ढांडाने ट्रॅप शूटिंगमध्ये रचला इतिहास
• नीरू ढांडा यांचे शिक्षण
• शूटिंग क्षेत्रातील प्रवास आणि पार्श्वभूमी

Neeru Dhanda Gold Medal: भारताची प्रतिभावान शूटर नीरू ढांडा हिने महिलांच्या ट्रॅप शूटिंग इव्हेंटमध्ये सुवर्णपदक जिंकून नवा इतिहास रचला आहे. आशियाई क्रीडा स्पर्धा २०२६ मध्ये वैयक्तिक स्पर्धेत भारतासाठी हे पहिले सुवर्णपदक ठरले असून, ती आशियाई क्रीडा स्पर्धेच्या महिलांच्या ट्रॅप इव्हेंटमध्ये वैयक्तिक सुवर्णपदक जिंकणारी पहिली भारतीय महिला बनली आहे. याच पार्श्वभूमीवर तीचे शिक्षण किती झाले आहे? जाणून घेऊया.

नीरू ढांडा यांचे शिक्षण

नीरू ढांडा यांच्या शालेय शिक्षण आणि महाविद्यालयीन पदवीबाबत कोणतीही अधिकृत किंवा स्पष्ट माहिती उपलब्ध नाही. परंतु, २०२५ मध्ये झालेल्या ‘खेलो इंडिया युनिव्हर्सिटी गेम्स’च्या ट्रॅप शूटिंग प्रकारात तिने गुरु नानक देव युनिव्हर्सिटीचे प्रतिनिधित्व केले होते. यामध्ये तिने सलग चौथे वैयक्तिक ट्रॅप सुवर्णपदक आपल्या नावावर केले होते.

शूटिंग क्षेत्रातील प्रवास आणि पार्श्वभूमी

हरियाणाच्या जींद जिल्ह्यातील असणाऱ्या २६ वर्षीय नीरूने तिच्या मामे भावापासून (लक्ष्य श्योराण) प्रेरणा घेऊन शूटिंग क्षेत्रात पाऊल ठेवले. लक्ष्यने २०१७-१८ च्या आशियाई क्रीडा स्पर्धेत ट्रॅप शूटिंगमध्ये रौप्य पदक जिंकले होते.

Sports Quota Recruitment 2026: खेळाडूंसाठी खूशखबर! ITBP मध्ये क्रीडा कोटामार्फत कॉन्स्टेबल पदांच्या १२६ जागांवर भरती जाहीर

नीरू ढांडा ही भारतीय सैन्याच्या कॉर्प्स ऑफ मिलिट्री पोलिसमध्ये (Corps of Military Police) नायब सूबेदार पदावर कार्यरत आहे. महिलांसाठी सैन्यात जवान पदाचे मार्ग खुला झाल्यावर ती लष्करात भरती झाली. यानंतर तिची निवड महू येथील आर्मी मार्क्समनशिप युनिटसाठी झाली, जिथे तिने आंतरराष्ट्रीय स्तरावरील खेळाची कठोर ट्रेनिंग घेतली.

Crop Damage Survey: ई-पिक पाहणी केली का? खंडाळा तालुक्यात प्रशासनाकडून नुकसानीची पाहणी सुरू

ऐतिहासिक कामगिरी

११ जुलै २०२६ रोजी इटलीतील लोनाटो येथे पार पडलेल्या स्पर्धेत नीरूने महिलांच्या ट्रॅप प्रकारात सुवर्णपदक पटकावले. क्वालिफिकेशन्समध्ये १२१/१२५ चा स्कोर करत तिने राष्ट्रीय विक्रम नोंदवला होता. ISSF वर्ल्ड कपमध्ये महिलांच्या ट्रॅप वैयक्तिक स्पर्धेत सुवर्णपदक जिंकणारी ती पहिली भारतीय महिला ठरली आहे.