
Image
नुकत्याच जारी करण्यात आलेल्या कोरिजेन्डमनुसार, आता ड्युप्लिकेट स्कोरकार्ड केवळ इलेक्ट्रॉनिक स्वरूपात जारी केले जातील. एनटीएने स्पष्ट केले आहे की, हे स्कोरकार्ड ईमेलद्वारे पाठवले जाईल. अर्ज करण्यापूर्वी उमेदवारांनी ‘डिजिलॉकर’ तपासण्याचा सल्ला दिला आहे. त्यामुळे आता अतिरिक्त शुल्क भरण्याची गरज भासणार नाही.
डिजिलॉकर हे भारत सरकारचे विश्वासार्ह डिजिटल प्लॅटफॉर्म असून तिथे जारी केलेल्या कागदपत्रांना डिजिटल स्वरूपात कायदेशीर मान्यता असते. त्यामुळे ड्युप्लिकेट स्कोरकार्ड प्रक्रिया सुरू करण्यापूर्वी डिजिलॉकर खात्यात लॉग इन करून तपासावे. तिथे उपलब्ध असल्यास ते डाउनलोड करावे. यामुळे विद्यार्थ्यांची धावपळही होणार नाही.
एनटीएने कोणत्याही माहितीसाठी आणि अपडेटसाठी nta.ac.in वर भेट देण्याचे आवाहन केले आहे. याशिवाय result@nta.gov.inवर ईमेलही करता येईल. 011-40759000 आणि 1800-180-4747 या हेल्पलाइन क्रमांकावरही मदत घेता येईल. प्रत्यक्ष प्रतीसाठी 200 रुपये भरण्याची गरजही पडणार नाही, याची विद्यार्थ्यांनी नोंद घ्यावी.
बहुतांश महाविद्यालये, विद्यापीठे आणि भरती संस्था ऑनलाईन व्हेरिफिकेशन किंवा डिजिटल प्रत स्वीकारतात. तसेच ते हरवण्याची आणि भिजण्याची भीती राहत नाही. ईमेल आणि डिजिलॉकरद्वारे डिजिटल स्कोरकार्ड मिळाल्याने वेळ आणि पैसा या दोन्हीची बचत होईल. मात्र कोणत्याही परीक्षेचा स्कोरकार्ड आल्यानंतर त्याची पीडीएफ ईमेल ड्राफ्ट, गुगल ड्राइव्ह किंवा डिजिलॉकरमध्ये सुरक्षित ठेवण्याची सवय नक्की असावी. यामुळे अर्ज भरताना ताण येणार नाही.
Ans: नवीन नियमानुसार डुप्लिकेट स्कोरकार्डची कागदी प्रत मिळणार नसून, ते केवळ इलेक्ट्रॉनिक स्वरूपात ईमेलद्वारे पाठवले जाईल; तसेच त्यासाठी पूर्वी आकारले जाणारे २०० रुपये शुल्कही भरावे लागणार नाही.
Ans: अर्ज करण्याची प्रक्रिया सुरू करण्यापूर्वी उमेदवारांनी डिजिलॉकर (DigiLocker) खात्यात लॉग इन करून स्कोरकार्ड उपलब्ध आहे का ते तपासावे; तिथे असल्यास तेथूनच डाउनलोड करता येते.
Ans: अधिक माहिती व अपडेटसाठी nta.ac.in वर भेट देता येईल, तर result@nta.gov.in या ईमेलवर तसेच 011-40759000 आणि 1800-180-4747 या हेल्पलाइन क्रमांकांवर संपर्क साधता येतो.