Engineering recruitment 2026 : संरक्षण मंत्रालयांतर्गत नोकरीची संधी! प्रकल्प अभियंता पदांसाठी भरती; त्वरित अर्ज करा!

Ordnance Factory Dehu Engineering recruitment 2026 : म्युनिशन्स इंडिया लिमिटेडच्या आयुध निर्माणी देहूरोड (पुणे) येथे केमिकल व मेकॅनिकल ट्रेडसाठी प्रकल्प अभियंता भरती जाहीर झाली आहे.

• आयुध निर्माणी देहूरोड (पुणे) येथे रिक्त पदांसाठी भरती
• शैक्षणिक पात्रता आणि वयोमर्यादा
• इच्छुक उमेदवारांनी ‘या’ अधिकृत संकेतस्थळाला भेट द्यावी

Ordnance Factory Dehu Engineering recruitment 2026 : भारताच्या संरक्षण मंत्रालयांतर्गत येणाऱ्या आणि म्युनिशन्स इंडिया लिमिटेडचा एक महत्त्वाचा घटक असलेल्या आयुध निर्माणी देहूरोड (पुणे) येथे कंत्राटी व निश्चित कालावधीच्या आधारावर विविध रिक्त पदांसाठी भरती प्रक्रिया जाहीर करण्यात आली आहे. या भरती मोहिमेअंतर्गत केमिकल व मेकॅनिकल ट्रेडच्या रिक्त पदांसाठी पात्र आणि इच्छुक उमेदवारांकडून ऑफलाईन पद्धतीने अर्ज मागविण्यात येत आहेत.

सुरुवातीला ‘एक’ वर्षाच्या अवधीकरिता ही नियुक्ती केली जाणार असून, संस्थेची आवश्यकता आणि उमेदवारांच्या व्यक्तिगत कामगिरीच्या आधारावर हा कार्यकाल कमाल चार वर्षांपर्यंत वाढविला जाऊ शकतो. या भरतीमध्ये कार्यकाळ आधारित पदवी व पदविका प्रकल्प अभियंता पदांचा समावेश असून, एकूण रिक्त जागांसाठी प्रवर्गनिहाय पदे निश्चित करण्यात आली आहेत. यामध्ये युआर, ओबीसी, एससी, एसटी आणि ईडब्ल्यूएस प्रवर्गातील उमेदवारांसाठी जागा राखीव ठेवण्यात आल्या आहेत.

MPSC paper leak घोटाळा; २७० पानांच्या व्हॉट्सॲप चॅटने उघड केले ९१ प्रश्नांचे गूढ!

शैक्षणिक पात्रता आणि वयोमर्यादा

शैक्षणिक अर्हतेबाबत बोलायचे तर, संबंधित ट्रेडमधील केमिकल इंजिनिअरिंग पदवी (बी.ई./बी.टेक.) किंवा पदविका, तसेच केमिस्ट्रीसह बीएससी ग्रॅज्युएट्स या पदांसाठी अर्ज करू शकतात. याशिवाय दारूगोळा आणि स्फोटकांची निर्मिती किंवा हाताळणीमध्ये अप्रेंटिसशिप केलेल्या उमेदवारांना निकषानुसार प्राधान्य दिले जाणार आहे. वयोमर्यादेचा विचार केला तर, सामान्य प्रवर्गातील उमेदवारांसाठी वयोमर्यादा ३० वर्षे असून, नियमांनुसार एससी/एसटी उमेदवारांना ५ वर्षे आणि ओबीसी-एनसीईएल उमेदवारांना ३ वर्षांची वयात शिथिलता देण्यात आली आहे.

इच्छुक उमेदवारांनी ‘या’ अधिकृत संकेतस्थळाला भेट द्यावी

उमेदवारांना अर्ज सादर करण्याची अंतिम मुदत एम्प्लॉयमेंट न्यूजमध्ये जाहिरात प्रकाशनाच्या दिनांकापासून २१ दिवसांच्या आत ठेवली आहे. या भरतीची संपूर्ण माहिती, अर्जाचा नमुना आणि अटी व शर्तींसाठी muneshionsindia.in किंवा ddpdoo.gov.in या अधिकृत संकेतस्थळावर भेट द्यावी, असे आवाहन प्रशासनाकडून करण्यात आले आहे.

महत्त्वाची अपडेट! NEET PG 2026 परीक्षेची थेट फायनल आन्सर की येणार; निकालासाठी ‘या’ अधिकृत वेबसाइटवर ठेवा नजर