BEED
Beed Inspirational Story: मुलांच्या प्रेमापोटी आईचे समर्पण, त्याग आणि पराकाष्टेची भावना वेळोवेळी आपल्या नजरेस पडत असते. अशीच एक यशोगाथा महाराष्ट्राच्या बीड जिल्ह्यातील अंबाजोगाई येथील ४७ वर्षीय रामाबाई रणवीर यांनी आपल्या मुलीच्या शिक्षणासाठी घेतलेल्या जिद्दीची आहे. भारतीय शिक्षण प्रसारक संस्थेच्या खोलेश्वर एज्युकेशनल कॉम्प्लेक्सतर्फे अमृत महोत्सव सोहळ्यानिमित्त ‘अमृत दौड’ या मॅरेथॉनचे आयोजन करण्यात आले होते. ही शर्यत अंबाजोगाईच्या छत्रपती शिवाजी महाराज चौक ते भाग्यनगर चौक अशी पार पडली.
या मॅराथनमध्ये कोणतेही स्पोर्ट्स शूज किंवा ट्रॅक सूट न घालता, साध्या साडीत आणि चप्पल घालून रामाबाईं या स्पर्धेत सहभागी झाल्या. चप्पल वारंवार घसरल्यामुळे त्यांचा वेगावर प्रभाव पडू लागला होता. काहीच क्षणात धावण्याच्या शर्यती दरम्यान चप्पल तुटली. मात्र तरीही त्यांनी हार मानली नाही. त्यांनी चप्पल हातात घेतली आणि रस्त्यावरील टोकदार दगड व खडबडीत मार्गाची पर्वा न करता अनवाणी पायांनीच धावणे सुरू ठेवले.
Azim Premji Scholarship 2026 साठी अर्ज करण्याची आज शेवटची तारीख; पात्र विद्यार्थिनींनी असा करा अर्ज
साडी सावरत आणि अनवाणी पायांनी धावत त्यांनी इतर सर्व स्पर्धकांना मागे सोडत ही मॅरेथॉन जिंकली. या विजयाची दखल म्हणून त्यांना ३,००० रुपयांचे रोख इनाम मिळाले, ज्याचा वापर त्यांनी पूर्णपणे आपल्या मुलीच्या शिक्षणासाठी करण्याचा निर्णय घेतला आहे. एका आईचे आपल्या मुलांच्या भविष्यासाठीचे हे समर्पण सर्वांचे मन जिंकणारे ठरले आहे.
NEET PG २०२६ ची उत्तरतालिका कधी जाहीर होणार? जाणून घ्या मार्किंग स्कीम आणि फेरपरीक्षेचे वेळापत्रक!
आज कित्येक पालक आपल्या मुलांच्या चांगल्या शिक्षणासाठी लाखो करोडोंचा खर्च करताना दिसतात. मात्र त्यात काही पालक असेही आहेत, ज्यांना आपल्या जगण्यासोबतच मुलांच्या शिक्षणासाठी काही हजार रुपयांची रक्कम मिळवणे शक्य नसते. त्यामुळे त्यांना काही हजारांसाठी संघर्ष करावा लागतो. रामाबाई रणवीर यांचे उदाहरण त्यापैकीच एक आहे, जे गरीब परिस्थितीच्या वेदना दाखवते.
.png "Videos"){kind=small}
