SCERT Idol Teachers List 2026-27: राज्यातील ‘आयडॉल शिक्षकां’ची यादी जाहीर! ४,४८४ शिक्षकांची निवड; ‘हा’ जिल्हा राज्यात अव्वल

SCERT Idol Teachers List 2026-27: राज्य शैक्षणिक संशोधन व प्रशिक्षण परिषदेने (SCERT) २०२६-२७ साठी राज्यातील ४ हजार ४८४ 'आयडॉल शिक्षकांची' यादी जाहीर केली असून, यामध्ये सर्वाधिक ४८७ शिक्षक एकट्या पुणे जिल्ह्यातील आहेत.

• ‘आयडॉल शिक्षकां’ची यादी जाहीर
• ‘आयडॉल शिक्षक’यादी ४ हजार ४८४ शिक्षक
• पुणे जिल्ह्यातील ४८७ शिक्षकांचा समावेश’
• आयडॉल शिक्षक’ निवडण्यामागील मुख्य उद्देश काय आहे?

SCERT Idol Teachers List 2026-27: महाराष्ट्रातील शाळांचा दर्जा ढासळला असला तरी कित्येक शिक्षक अजूनही विद्यार्थ्यांना यशाच्या शिखरावर पोहचवण्यासाठी धडपडत असतात. याच शिक्षकांच्या कामगिरीला प्रोत्साहन देण्यासाठी आणि गुणवत्तापूर्ण शिक्षणाला चालना देण्यासाठी राज्य शैक्षणिक संशोधन व प्रशिक्षण परिषदेने (एससीईआरटी) २०२६-२७ साठी राज्यातील आयडॉल शिक्षकांची यादी जाहीर केली आहे. यंदा राज्यभरातील ४ हजार ४८४ शिक्षकांची आयडॉल शिक्षक म्हणून निवड करण्यात आली असून, त्यात सर्वाधिक ४८७ शिक्षक पुणे जिल्ह्यातील आहेत.

गुणवत्तापूर्ण शिक्षकांचा सन्मान आणि प्रोत्साहनपर हा सन्मान देण्याचा निर्णय

राज्य शैक्षणिक संशोधन व प्रशिक्षण परिषद सहसंचालक डॉ. कमलादेवी आवटे, समिती प्रमुख तथा शिक्षण आयुक्त सचिंद्र प्रताप सिंह यांनी प्रसिध्दीप्रत्रकाव्दारे माहिती दिली. गुणवत्तापूर्ण अध्यापन करणाऱ्या शिक्षकांचा सन्मान आणि त्यांना प्रोत्साहन देण्यासाठी शालेय शिक्षण विभागाने गेल्या वर्षी आयडॉल शिक्षक, आयडॉल शाळा निवडीचा निर्णय घेतला होता.

Ramayana Movie Cast Education: ‘रामायण’ चित्रपटातील स्टार्स नेमके किती शिकलेत? जाणून घ्या एका क्लिकवर..

उत्कृष्ट आणि नावीन्यपूर्ण कार्य करणाऱ्या शिक्षकांच्या अनुभवाचा व कौशल्याचा उपयोग संपूर्ण शिक्षण विभागासाठी करून घेणे हा या उपक्रमाचा उद्देश आहे. आयडॉल शिक्षकांना राज्य, जिल्हा आणि तालुकास्तरावरील प्रशिक्षणे, कार्यशाळा आणि चर्चासत्रांमध्ये सहभागी करून घेण्यात येणार असून, आवश्यकतेनुसार तज्ज्ञ मार्गदर्शक म्हणून नियुक्त केले जाणार आहे.

MPSC Group C Exam 2026: विद्यार्थ्यांसाठी खूशखबर! MPSC गट-क परीक्षेची पदसंख्या तब्बल…

या यादीत जिल्हा परिषद, महानगरपालिका आणि अनुदानित शाळांचा समावेश

जाहीर झालेल्या यादीत ग्रामीण व शहरी भागातील जिल्हा परिषद, महानगरपालिका आणि अनुदानित शाळांतील शिक्षकांचा समावेश आहे. पुणे जिल्ह्यात ४८७ शिक्षकांनंतर सोलापूर २६०, नाशिक २४५, अहिल्यानगर २३७ आणि सातारा जिल्ह्यातील २२६ शिक्षकांची निवड झाली आहे. तर गडचिरोली ४९, गोंदिया ४६, भंडारा ३५, नंदुरबार २५, परभणी १७ आणि वाशिममधील १६ शिक्षकांचा यादीत समावेश आहे.