Training Correction: शिक्षकांसाठी महत्त्वाची बातमी! वरिष्ठ व निवड वेतनश्रेणी प्रशिक्षणातील चुका दुरुस्तीची ‘या’ तारखेपर्यंत संधी

Training Correction 2026 : वरिष्ठ वेतनश्रेणी व निवड वेतनश्रेणी प्रशिक्षण २०२६ साठी ऑनलाइन नावनोंदणी करताना प्रशिक्षण प्रकार आणि प्रशिक्षण गट निवडण्यात झालेल्या चुका दुरुस्त करण्यासाठी शिक्षकांना अंतिम संधी देण्यात आली आहे.

• वरिष्ठ अन् निवड वेतनश्रेणी प्रशिक्षणातील चुका दुरुस्तीची अंतिम संधी
• २५ सप्टेंबरपर्यंत करता येणार प्रशिक्षण प्रकार व गटातील बदल
• अचूक नोंदणी असलेल्यांनी दुरुस्ती करू नये
• वरिष्ठ अन् निवड वेतनश्रेणी प्रशिक्षणासाठी पात्र शिक्षकांना ‘या’ कालावधीत नावनोंदणीची सुविधा उपलब्ध

Senior And Selection Grade Training Correction 2026 : शिक्षकांसाठी महत्त्वाची बातमी समोर आली आहे. वरिष्ठ वेतनश्रेणी व निवड वेतनश्रेणी प्रशिक्षण २०२६ साठी ऑनलाइन नावनोंदणी करताना प्रशिक्षण प्रकार आणि प्रशिक्षण गट निवडण्यात अनेक शिक्षकांच्या चुका झाल्या आहेत. त्यामुळे या चुका दुरुस्त करण्यासाठी शिक्षकांना अंतिम संधी देण्यात आली आहे. २२ ते २५ सप्टेंबर २०२६ या कालावधीत संबंधित प्रशिक्षणार्थींना ऑनलाइन दुरुस्ती करता येणार आहे. अशी माहिती सेवापूर्व उपसंचालक शिक्षण अरुणा यादव यांनी प्रसिद्धीपत्रकाद्वारे माहिती दिली.

‘या’ कालावधीत नावनोंदणीची सुविधा उपलब्ध

वरिष्ठ अन् निवड वेतनश्रेणी प्रशिक्षणासाठी पात्र शिक्षकांना एप्रिल व मे २०२६ तसेच ९ ते २० सप्टेंबर २०२६ या कालावधीत नावनोंदणीची सुविधा उपलब्ध करून देण्यात आली होती. नावनोंदणी करताना काही पात्र प्रशिक्षणार्थ्यांकडून प्रशिक्षणाचा प्रकार किंवा प्रशिक्षण गट निवडताना चुका झाल्याचे निदर्शनास आले. त्यामुळे राज्य शैक्षणिक संशोधन व प्रशिक्षण परिषद, महाराष्ट्र, पुणे यांच्याकडून दुरुस्तीची सुविधा उपलब्ध करून देण्यात आली आहे.

UDISE Plus Student Registration: शाळांसाठी मोठी अपडेट! यु-डायस प्लसमध्ये विद्यार्थ्यांच्या नोंदणीला ‘या’ तारखेपर्यंत मुदतवाढ

अचूक नोंदणी असलेल्यांनी दुरुस्ती करू नये

संबंधित शिक्षकांनी परिषदेच्या संकेतस्थळावरील ‘प्रशिक्षणे’ मेनूमधील ‘वरिष्ठ व निवड श्रेणी प्रशिक्षण’ टॅबमधील लिंकद्वारे आवश्यक दुरुस्ती करावी. मात्र, ज्यांची नावनोंदणी अचूक झाली आहे, त्यांनी कोणताही बदल करू नये. ही दुरुस्तीची अंतिम संधी असून, त्यानंतर पुन्हा संधी दिली जाणार नसल्याचे स्पष्ट करण्यात आले आहे.

Sahil Vakode Suicide Case: चॅटजीपीटीमुळे घात की जातीचा पाश? आयआयटी बॉम्बेच्या विद्यार्थ्याच्या मृत्यूनंतर खळबळ!

ही सूचना आपल्या कार्यक्षेत्रातील शिक्षकांपर्यंत पोहोचवावी, अशा सूचना संबंधित शिक्षण विभागाच्या अधिकाऱ्यांना देण्यात आल्या आहेत.

MPSC गट ‘ब’ नियुक्तीला अचानक ब्रेक! SIT चौकशीचा निष्पाप उमेदवारांना फटका?