AI Sathi course Diksha portal: शिक्षकांसाठी एआय साथी कोर्सला मुदतवाढ! आता ‘या’ तारखेपर्यंत घेता येणार प्रवेश

Teachers AI Sathi course Diksha portal: राज्यातील इयत्ता १ ली ते १२ वीच्या शिक्षकांसाठी दीक्षा पोर्टलवरील 'शिक्षकांसाठी एआय साथी' कोर्सला मुदतवाढ मिळाली आहे. शिक्षक ३१ ऑक्टोबर २०२६ पर्यंत प्रवेश घेऊ शकतील.

• ‘शिक्षकांसाठी एआय साथी’ कोर्सला पुन्हा मुदतवाढ
• प्रवेशासाठी ३१ ऑक्टोबरची अंतिम मुदत
• कोर्स पूर्ण करण्यासाठी ३० नोव्हेंबरपर्यंतची मुदत
• राज्यातील इयत्ता १ ली ते १२ वीच्या शिक्षकांना संधी

Teachers AI Sathi course Diksha portal:  राज्यातील इयत्ता पहिली ते १२ वीपर्यंत अध्यापन करणाऱ्या शिक्षकांसाठी दीक्षा पोर्टलवर सुरू करण्यात आलेल्या ‘शिक्षकांसाठी एआय साथी’ या ऑनलाइन कोर्सला पुन्हा मुदतवाढ देण्यात आली आहे. शिक्षकांना कृत्रिम बुद्धिमत्तेच्या वापराबाबत आवश्यक ज्ञान आणि कौशल्य मिळावे, या उद्देशाने हा कोर्स सुरू करण्यात आला आहे.

कोर्स पुर्ण करण्यास मुदतवाढ मिळणार

राज्य शैक्षणिक संशोधन व प्रशिक्षण परिषदेच्या (एससीईआरटी) आयटी आणि प्रसार माध्यम विभागाच्या उपसंचालक ज्योती शिंदे यांनी याबाबत माहिती दिली. यापूर्वी या कोर्सला प्रथम मुदतवाढ देण्यात आली होती. आता सीआयईटी-एनसीईआरटीच्या निर्देशानुसार कोर्सच्या कालावधीस द्वितीय मुदतवाढ देण्यात आली आहे.

Matheran Health Camp: माथेरानमधील विद्यार्थ्यांसाठी धावले डॉक्टर! नगरपरिषद शाळेत यशस्वी आरोग्य शिबिर पार पडले

कोर्स पुर्ण करण्याच्या सुचना

राज्यातील विभागीय उपसंचालक, प्रादेशिक विद्या प्राधिकरण, जिल्हा शिक्षण व प्रशिक्षण संस्था (डीआयईटी), महापालिका प्रशासन अधिकारी, शिक्षणाधिकारी तसेच शिक्षण निरीक्षक यांना आपल्या कार्यक्षेत्रातील शिक्षकांनी निर्धारित मुदतीत कोर्समध्ये प्रवेश घेऊन तो पूर्ण करण्यासाठी आवश्यक कार्यवाही करण्याच्या सूचना देण्यात आल्या आहेत.

COEP आणि ARAI चा ऐतिहासिक निर्णय! देशातील पहिले ‘प्रगत श्रमदक्षता शास्त्र’ संशोधन केंद्र पुण्यात उभारणार

सुधारित वेळापत्रक

शिक्षकांना या कोर्समध्ये ३१ ऑक्टोबर २०२६पर्यंत प्रवेश घेता येणार आहे, तर प्रवेश घेतलेल्या शिक्षकांना ३० नोव्हेंबर २०२६पर्यंत कोर्स पूर्ण करणे बंधनकारक राहणार आहे.