राज्यातील १८ हजार शाळांवर संकट कायम, शिक्षकांचे 25 हजार पदे अतिरिक्त

राज्यातील 18 हजार शाळांवर संकट कायम असून शिक्षक विभागाने 20 पेक्षा कमी पटाच्या वर्गांवरील शिक्षकांचे 5 डिसेंबरपर्यंत समायोजम करण्याचा आदेश काढला आहे. तसेच १५ मार्च २०२४ च्या शासन निर्णयाविरोधातील याचिका निकाली काढल्या आह

• राज्यातील १८ हजार शाळांवर संकट कायम
• शिक्षकांचे 25 हजार पदे अतिरिक्त
• कमी पटसंख्येच्या सुमारे १८ हजारांहून अधिक शाळा बंद

मुंबई : राज्यातील शाळांच्या संच मान्यतेसंदर्भात शालेय शिक्षण विभागाने काढलेल्या १५ मार्च २०२४ च्या शासन निर्णयातून राज्यातील बहुसंख्य अनुदानित आणि सरकारी शाळा संकटात सापडल्या आहेत. त्यात ५ डिसेंबरपर्यंत होणाऱ्या संच मान्यतेनंतर शेकडो शिक्षक अतिरिक्त ठरून राज्यातील कमी पटसंख्येच्या सुमारे १८ हजारांहून अधिक शाळा बंद पडतील. त्यामुळे राज्यातील सरकारी अनुदानित शिक्षण व्यवस्थाच धोक्यात येईल, अशी शिक्षक संघटनांनी भीती व्यक्त केली. सरकारच्या या धोरणाविरोधात राज्यातील तब्बल १२हून अधिक शिक्षक शिक्षकेतर कर्मचारी संघटनांनी 5 डिसेंबरला राज्यातील शाळशा बंद ठेवण्याचा इशारा राज्य सरकारला दिला आहे. महाराष्ट्र राज्य शिक्षक सेनेचे अध्यक्ष आणि शिक्षक आमदार ज. मो. अभ्यंकर यांनी राज्यातील शाळा, शिक्षण संस्थाचालक आदींना पत्र लिहून 5 डिसेंबरला सरकारच्या धोरणाविरोधात सर्व शाळांनी बंद करून सरकारपर्यंत आपला निषेध पोहोचवावा, असे आवाहन केले आहे.

अर्ज करेक्शन विंडो आजपासून सुरु! कोणत्या चुका दुरुस्त करता येणार? जाणून घ्या सर्व

कमी होण्याऐवजी शिक्षकांची कामे वाढली

संचमान्यता आणि त्याचे धोरण हे शाळा बंद करण्याच्या दिशेने नेणारे सूत्र आहे. यामुळेच निवृत्त होण्याच्या मार्गावर आलेल्या शिक्षकांवर टीईटी लादली गेली. अवाजवी अशैक्षणिक कामाच्या ओझ्याबाबत सरकार कोणताही धोरणात्मक बदल करीत नाही. ती कामे कमी करण्याऐवजी वाढवत आहे. यामुळे ५ डिसेंबरला शाळा बंद ठेवल्या जाणार आहेत, असं मत शिक्षक सेनेचे राज्य कार्याध्यक्ष जालिंदर सरोदे् यांनी व्यक्त केलं आहे.

शिक्षकांचे २५ हजार पदे अतिरिक्त

१५ मार्च २०२४च्या शासन निर्णयामुळे राज्यातील ५ डिसेंबर २०२५ पर्यंत नववी-दहावीच्या वर्गावरील सुमारे १० हजार शाळांसाठी शिक्षक अथवा शिक्षिका कार्यरत ठेवल्या जातील आणि इतरांना अतिरिक्त ठरविले जाईल. इयत्ता सहावी ते आठवीच्या कार्यरत शिक्षकांपैकी सुमारे सात ते आठ हजार शाळांमध्ये केवळ एक अथवा दोन शिक्षक शिल्लक राहतील. इतर अर्थात अतिरिक्त होतील. पाचवीचा वर्ग शिक्षकाविना चालविण्याची स्थिती किमान चार ते पाच हजार शाळांमध्ये निर्माण होईल. याशिवाय मुख्याध्यापक, उपमुख्याध्यापक आणि पर्यवेक्षकांसह शिक्षकांची २० वे २५ हजार पदे अतिरिक्त ठरतील. राज्यातील २५ ते ३० रात्रशाळा आणि गावतांड्यावरील १८ हजार शाळा बंद होतील.

बाळापूरच्या जि.प. शाळेचे विद्यार्थी बनले ‘जिल्हा चॅम्पियन’; ISRO च्या निवड चाचणीत ५ जणांची यशस्वी निवड