Europe मधील ‘या’ देशात भारतापेक्षा अधिक स्वस्त आहे शिक्षण, UG-PG डिग्री देणाऱ्या या देशांची नावे वाचून व्हाल अवाक्

उच्च शिक्षणासाठी युरोप हा जगातील सर्वोत्तम भागांपैकी एक मानला जातो. येथे शिक्षण घेण्याचा सर्वात मोठा फायदा म्हणजे युरोपीय देशांमध्ये कमी फी आहे. कोणत्या देशात तुम्ही स्वस्त शिक्षण घेऊ शकता जाणून घ्या

• टॉप ५ युरोपिय देश जिथे मिळते स्वस्त शिक्षण 
• भारतीय विद्यार्थ्यांसाठी उत्तम संधी 
• शिक्षणासाठी कुठे घेऊ शकता प्रवेश 

परदेशात उच्च शिक्षण घेणे सर्वात महाग आहे, कारण शिक्षण शुल्क आणि राहण्याचा खर्च अनेकदा बजेटच्या खर्चापेक्षा जास्त असू शकतो. तथापि, युरोपमध्ये असे अनेक देश आहेत जे शिक्षण शुल्क आकारत नाहीत, ज्यामुळे तेथे शिक्षण घेणे खूपच स्वस्त होते. या देशांमध्ये शिक्षणाचा खर्च भारतातील अनेक खाजगी विद्यापीठांमध्ये पदवी मिळविण्यापेक्षा खूपच कमी आहे, कारण शिक्षण शुल्क वगळल्यानंतर राहण्याचा आणि खाण्याचा खर्च भारतीय विद्यापीठातील शिक्षणापेक्षाही एकूण खर्च कमी करतो. तर, चला पाच युरोपीय देशांवर एक नजर टाकूया जिथे शिक्षण भारतापेक्षाही अधिक परवडणारे आहे.

जर्मनी

या यादीत पहिले स्थान जर्मनीचे आहे, जिथे कोणतेही शिक्षण शुल्क आकारले जात नाही. जर्मन सार्वजनिक विद्यापीठांमध्ये पदवी मिळविण्यासाठी कोणतेही शिक्षण शुल्क नाही. बहुतेक पदवी आणि पदव्युत्तर अभ्यासक्रमदेखील इंग्रजीमध्ये शिकवले जातात. जर्मनीमध्ये पदवी मिळवल्याने उत्कृष्ट नोकरीच्या संधी मिळतात, कारण ते युरोपमधील सर्वात मोठ्या अर्थव्यवस्थांपैकी एक आहे. 

परदेशी शिकणाऱ्या भारतीय विद्यार्थ्यांसाठी खुशखबर! अमेरिकेत शिक्षण पूर्ण केल्यानंतर नोकरी मिळणे होणार सोपे

स्लोव्हेनिया

युरोपमधील सर्वात सुंदर देशांपैकी एक असलेल्या स्लोव्हेनियामध्ये शैक्षणिक शुल्क खूपच कमी आणि परवडणारे आहे. राहण्याचा खर्चदेखील भारतीयांच्या खिशाला परवडणारा आहे. स्लोव्हेनियामध्ये बॅचलरचे अभ्यासक्रम २००० युरोपासून सुरू होतात आणि मास्टर्सचे अभ्यासक्रम ५००० युरोपासून सुरू होतात. शिवाय, पदवी मिळवल्यानंतर तुम्ही येथे कामही करू शकता. यामुळे परदेशी विद्यार्थ्यांमध्ये स्लोव्हेनिया अत्यंत लोकप्रिय होताना दिसून येत आहे, याशिवाय येथे करिअरच्या संधीही चांगल्या आहेत. 

ग्रीस

युरोपियन युनियन देशांतील विद्यार्थ्यांसाठी ग्रीसमध्ये कोणतेही शिक्षण शुल्क नाही, परंतु इतर परदेशी विद्यार्थी १,५०० ते ३,००० युरो दरम्यान पैसे देतात, जे बरेच परवडणारे आहे. ग्रीसमधील अनेक अभ्यासक्रम इंग्रजीमध्ये शिकवले जातात. शिकता शिकता तुम्ही ग्रीसमध्ये अर्धवेळ कामदेखील करू शकता. शिवाय, राहण्याचा खर्चदेखील ग्रीसमध्ये खूपच कमी आहे

एस्टोनिया

युरोपमधील लहान देशांपैकी एक असलेला एस्टोनिया काही युरोपियन देशांतील विद्यार्थ्यांसाठी मोफत शिक्षण शुल्क देतो, तर परदेशी विद्यार्थी १,६०० ते ७,५०० युरो दरम्यान पैसे देतात. एस्टोनिया इंग्रजीमध्ये अनेक अभ्यासक्रम देते, जे त्याच्या लोकप्रियतेचे एक प्रमुख कारण आहे. येथे अभ्यास करण्यासाठी तुम्हाला शिष्यवृत्तीदेखील मिळू शकते. यामुळे तुमचा खर्च अजून कमी होतो आणि चांगले शिक्षण मिळते, याशिवाय तुम्ही नोकरीच्या चांगल्या संधीही मिळतात

भारतात बदलणार शाळेतील अभ्यास! 2026 मध्ये 3 री पासून सुरु होणार AI चा अभ्यास, शिक्षण मंत्रालयाची वेगात तयारी सुरू

पोर्तुगाल

पोर्तुगाल त्याच्या सुंदर समुद्रकिनाऱ्यांसाठी ओळखले जाते. परदेशी विद्यार्थ्यांसाठी शिक्षण शुल्क दरवर्षी ३,००० ते ७,००० युरो पर्यंत असते. राहण्याचा खर्च दरमहा ४०० ते ७०० युरो पर्यंत असतो. यामुळे पोर्तुगाल परवडणारे शिक्षण घेऊ इच्छिणाऱ्या विद्यार्थ्यांसाठी एक आदर्श शहर म्हणून सध्या ओळखले जाते. पोर्तुगीज विद्यापीठांमध्ये इंग्रजी भाषेतही शिक्षण दिले जाते. त्यामुळे भारतीय विद्यार्थी तिथे जाऊन चांगले शिक्षण घेऊ शकतात.