परदेशी शिकणाऱ्या भारतीय विद्यार्थ्यांसाठी खुशखबर! अमेरिकेत शिक्षण पूर्ण केल्यानंतर नोकरी मिळणे होणार सोपे

अमेरिकेचे राष्ट्राध्यक्ष डोनाल्ड ट्रम्प यांनी स्थलांतर धोरणात मोठा बदल करण्याची घोषणा केली आहे. त्यांच्या नवीन व्हिसा कार्यक्रमामुळे परदेशी विद्यार्थ्यांसाठी अमेरिकेत शिक्षण पूर्ण केल्यानंतर नोकरी मिळणे अधिक सोपे होणार.

ट्रम्पच्या या निर्णयाने पहिल्यांदाच भारतीयांना धक्का बसला! परदेशी शिकणाऱ्या भारतीय विद्यार्थ्यांना शिक्षण पूर्ण केल्यानंतर नोकरी मिळणे सोपे होईल ( फोटो सौजन्य : सोशल मीडिया)

Follow Us:

Follow Us:

वॉशिंग्टन : अमेरिकेचे माजी राष्ट्राध्यक्ष डोनाल्ड ट्रम्प यांनी स्थलांतर धोरणात मोठा बदल करण्याची घोषणा केली आहे. त्यांच्या नवीन व्हिसा कार्यक्रमामुळे परदेशी विद्यार्थ्यांसाठी अमेरिकेत शिक्षण पूर्ण केल्यानंतर नोकरी मिळणे अधिक सोपे होणार आहे. विशेषतः भारतीय विद्यार्थ्यांना याचा मोठा फायदा होईल.

ट्रम्प यांच्या नवीन धोरणाची घोषणा

अमेरिकेच्या अध्यक्षपदाच्या दुसऱ्या टर्मच्या पहिल्या कॅबिनेट बैठकीनंतर बोलताना ट्रम्प यांनी त्यांच्या नवीन ‘गोल्ड कार्ड’ कार्यक्रमाबाबत माहिती दिली. या नव्या योजनेअंतर्गत, उच्च शिक्षण पूर्ण केलेल्या कुशल परदेशी व्यावसायिकांना अमेरिकेत काम करण्याची संधी मिळेल. “भारतातील, चीनमधील, जपानमधील आणि विविध देशांतील विद्यार्थी हार्वर्ड, व्हार्टन स्कूल ऑफ फायनान्ससारख्या प्रतिष्ठित संस्थांमध्ये शिक्षण घेतात. त्यांना अमेरिकन कंपन्यांकडून नोकरीची ऑफर मिळते. मात्र, विद्यमान स्थलांतर धोरणांमुळे ही ऑफर रद्द केली जाते,” असे ट्रम्प यांनी सांगितले.

जागतिक घडामोडी संबंधित बातम्या वाचण्यासाठी येथे क्लिक करा : Donald Trump : ट्रम्प यांचा आणखी एक घातक निर्णय; आणणार 227 वर्षे जुना धोकादायक कायदा

भारतीय विद्यार्थ्यांना मोठा दिलासा

सध्याच्या अमेरिकन इमिग्रेशन धोरणांमुळे अनेक भारतीय विद्यार्थी शिक्षण पूर्ण केल्यानंतर आपल्या मायदेशी परतण्यास भाग पाडले जातात. ट्रम्प यांनी याकडे लक्ष वेधत म्हटले की, “हे पदवीधर भारतात परततात आणि यशस्वी उद्योजक बनतात. त्यांनी कंपन्या स्थापन केल्या आणि हजारो लोकांना रोजगार दिला. हे अमेरिकेसाठी आर्थिक नुकसान आहे.” ट्रम्प सरकारने याआधी स्थलांतरितांसाठी कठोर धोरणे स्वीकारली होती. मात्र, या नव्या निर्णयामुळे भारतीय विद्यार्थ्यांना शिक्षणानंतर अमेरिकेत स्थायिक होण्याची मोठी संधी मिळू शकते.

गोल्ड कार्ड: अमेरिकेत काम करण्यासाठी विशेष संधी

नवीन ‘गोल्ड कार्ड’ कार्यक्रम अंतर्गत, इच्छुकांना ५ दशलक्ष रुपये (सुमारे ६०,००० डॉलर्स) भरून अमेरिकन नागरिकत्व मिळविण्याचा मार्ग उपलब्ध होईल. तसेच, विद्यमान EB-5 व्हिसा कार्यक्रमातही काही महत्त्वाचे बदल केले जातील. हा विशेष व्हिसा कार्यक्रम विद्यमान प्रणालीपेक्षा वेगळा आणि अधिक प्रगत असेल. तो मुख्यतः कुशल व्यावसायिक आणि पदवीधरांना लक्षात घेऊन तयार केला जाईल, जेणेकरून अमेरिकन कंपन्यांना अत्याधुनिक कौशल्य असलेल्या व्यक्तींना नोकरी देणे सुलभ होईल.

कुशल व्यावसायिकांसाठी सुवर्णसंधी

“आम्हाला अशा लोकांना देशात आणावे लागेल जे कुशल आहेत. ते आपल्या देशासाठी अधिक चांगले ठरतील,” असे ट्रम्प यांनी स्पष्ट केले. त्यामुळे भारतीय विद्यार्थ्यांसाठी अमेरिकेत शिक्षण घेतल्यानंतर रोजगाराच्या संधी मोठ्या प्रमाणावर उपलब्ध होणार आहेत.

नव्या धोरणाचे संभाव्य परिणाम

ट्रम्प यांच्या या निर्णयामुळे

भारतीय विद्यार्थ्यांसाठी अमेरिकेत शिक्षण पूर्ण केल्यानंतर नोकरी मिळणे सोपे होईल.

अमेरिकेच्या अर्थव्यवस्थेला कुशल व्यावसायिक मिळतील.

अमेरिकन कंपन्यांना आंतरराष्ट्रीय प्रतिभेचा लाभ घेता येईल.

भारतीय तरुणांसाठी परदेशात करिअर घडवण्याचा नवीन मार्ग खुले होईल.

जागतिक घडामोडी संबंधित बातम्या वाचण्यासाठी येथे क्लिक करा : पृथ्वीवरचा अनमोल दुर्मिळ खजिना जगात कुठे दडला आहे? 10 मोठ्या देशांची यादी आली समोर, ट्रम्पचा त्यावरही डोळा

मोठी संधी उपलब्ध होणार 

डोनाल्ड ट्रम्प यांच्या या नव्या स्थलांतर धोरणामुळे भारतीय विद्यार्थ्यांना मोठी संधी उपलब्ध होणार आहे. अमेरिकेतील उच्च शिक्षण पूर्ण केल्यानंतर तिथेच नोकरी मिळवणे आणि स्थायिक होणे आता अधिक सोपे होणार आहे. त्यामुळे भविष्यात मोठ्या प्रमाणावर भारतीय विद्यार्थी आणि व्यावसायिक अमेरिकेच्या नवीन व्हिसा योजनेचा लाभ घेऊ शकतात.

Web Title: Trump tightened us immigration but offered citizenship via a 5m gold card scheme nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com