Image
Trainee IPS Officers: भारतीय पोलीस सेवा (IPS) मधील नवीन प्रशिक्षणार्थी (ट्रेनी) अधिकाऱ्यांना आपापल्या कॅडरमध्ये प्रोबेशन आणि त्यानंतर नियुक्तीसाठी पाठवण्यापूर्वी केंद्रीय गृह मंत्रालयाशी जोडले जाईल. अधिकाऱ्यांनी बुधवारी सांगितले की, असे पहिल्यांदाच केले जात आहे. अधिकाऱ्यांच्या माहितीनुसार, ७८ व्या नियमित भरती बॅचमध्ये १५१ ट्रेनी अधिकारी सामील आहेत, ज्यामध्ये शेजारील देशांच्या १६ परदेशी अधिकाऱ्यांचाही समावेश आहे. या बॅचने अलीकडेच सरदार वल्लभभाई पटेल राष्ट्रीय पोलीस अकादमीमध्ये पहिल्या टप्प्यातील प्रशिक्षण पूर्ण केले आहे. सूत्रानुसार, २०२५ च्या या बॅचला गृह मंत्रालयाशी जोडण्यासाठी गुरुवारी विज्ञान भवनात एका कार्यक्रमाचे आयोजन केले जाणार आहे.
आयपीएस अधिकाऱ्यांच्या या बॅचच्या दीक्षांत परेडला संबोधित करताना केंद्रीय गृह सचिवांनी १७ ऑक्टोबर रोजी केंद्रीय गृहमंत्री अमित शाह यांचा संदेश वाचून दाखवला होता. यामध्ये दहशतवादाला अजिबात सहन न करण्याची भूमिका, वेळेत कारवाई आणि गुप्तचर यंत्रणांमधील चांगला समन्वय यावर भर देण्यात आला होता. या बॅचची पासिंग आऊट परेड १७ ऑक्टोबर रोजी झाली होती. गृह मंत्रालयाने २०२३ मध्ये जारी केलेल्या आयपीएस प्रशिक्षण मार्गदर्शक तत्त्वांनुसार, अकादमीमधील प्रशिक्षण पूर्ण झाल्यानंतर अधिकाऱ्यांना त्यांच्या वाटप केलेल्या राज्यात पुढील प्रशिक्षण दिले जाते. या प्रशिक्षणाचा कालावधी केंद्र सरकार संबंधित राज्य सरकारशी चर्चा करून ठरवते.
नवीन व्यवस्थेमुळे आयपीएस अधिकाऱ्यांच्या पारंपारिक प्रशिक्षण क्रमात बदल झाला आहे. मात्र, ट्रेनी आयपीएस अधिकाऱ्यांना आधी गृह मंत्रालयाशी जोडण्याचा नेमका उद्देश काय आहे आणि यामुळे त्यांना कसा फायदा होईल, हे अधिकाऱ्यांनी अद्याप स्पष्ट केलेले नाही.
हैदराबादच्या सरदार वल्लभभाई पटेल राष्ट्रीय पोलीस अकादमीत आयपीएसच्या ७८ व्या रेग्युलर भरती बॅचची (२०२५) पासिंग आऊट परेड १७ ऑक्टोबर रोजी झाली होती. आयपीएस प्रोबेशनर्सच्या या परेडमध्ये भारतातील १३५ नवीन अधिकाऱ्यांव्यतिरिक्त नेपाळ, भूतान आणि मालदीवच्या १६ परदेशी अधिकाऱ्यांचा सहभाग होता. परेड कार्यक्रमात नवीन आयपीएस अधिकाऱ्यांच्या मार्चिंगच्या दर्जाबाबत सोशल मीडियावर प्रश्न उपस्थित होऊ लागले होते. अनेकांनी परेड दरम्यान काही आयपीएस प्रोबेशनर्सच्या हातांच्या हालचालीत (स्विंग) झालेल्या चुकीवरून ताशेरे ओढले. काहींनी याचा संबंध कमी शिस्तीशी जोडला, तर काहींनी मार्चिंग पथकातून जोश, होश आणि समन्वयाचा अभाव असल्याचे म्हटले.
JEE Main 2027: जेईई मेन फॉर्ममध्ये चूक झाली आहे का? आता एनटीएने दिली नवीन फॉर्म भरण्याची मुभा!
Ans: ७८ व्या बॅचच्या १५१ ट्रेनी आयपीएस अधिकाऱ्यांना आपापल्या कॅडरमध्ये जाण्यापूर्वी केंद्रीय गृह मंत्रालयाशी अटॅच केले जाणार आहे.
Ans: या बॅचमध्ये एकूण १५१ अधिकारी असून त्यात १३५ भारतीय आणि नेपाळ, भूतान व मालदीवचे १६ परदेशी अधिकारी सामील आहेत.
Ans: ही अकादमी हैदराबाद येथे असून १७ ऑक्टोबर रोजी ७८ व्या रेग्युलर भरती बॅचची पासिंग आऊट परेड पार पडली.
.png "Videos"){kind=small}
