Captain Ashok Kharat च्या साम्राज्यावर हातोडा; बंगल्यातून सहा लाख अन् मीरगाव येथून पिस्तूल हस्तगत

महाराष्ट्राच्या राजकीय वर्तुळात खळबळ उडाली आहे. नाशिकमध्ये स्वयंघोषित धार्मिक नेता आणि अंकशास्त्रज्ञ कॅप्टन अशोक खरात याच्या अटकेमुळे हा गदारोळ निर्माण झाला आहे.

• कॅप्टन खरातवर गुन्हा दाखल
• कर्मयोगी नगरातील घरातून ६ लाख रुपयांची रोकड
• सिन्नर येथील फार्महाऊसवरून एक पिस्तूल जप्त

नाशिक : कॅप्टन खरातवर गुन्हा दाखल झाल्यानंतर कर्मयोगी नगरातील घरातून ६ लाख रुपयांची रोकड आणि सिन्नर येथील फार्महाऊसवरून एक पिस्तूल जप्त केले आहे. या कारवाईमुळे खरात आणि त्याच्या टोळीच्या मुसक्या आवळण्यास सुरुवात झाली आहे.

एसआयटीने गुरुवारी (दि. १९) खरातच्या विविध मालमत्तांवर छापे टाकले. सिन्नरमधील त्याच्या फार्महाऊसवर शस्त्रास्त्रे लपवून ठेवल्याची माहिती पोलिसांना मिळाली होती, त्यानुसार तिथे धाड टाकली असता एक बेकायदेशीर पिस्तूल हस्तगत करण्यात आले. तसेच नाशिकमधील त्याच्या निवासस्थानातून रोख ६ लाख रुपये जप्त करण्यात आले आहेत. ही रक्कम खंडणीतून आली होती का, याचा तपास आता सुरू आहे. खरात आणि त्याच्या टोळीच्या दहशतीमुळे अनेक पीडित समोर येण्यास घाबरत होते. मात्र, आता एसआयटीच्या कारवाईमुळे अनेक तक्रारदार पुढे येण्याची शक्यता आहे. जप्त केलेले पिस्तूल कोणाचे आहे आणि त्याचा वापर यापूर्वी कोणावर गोळीबार करण्यासाठी झाला होता का, याची ‘बॅलेस्टिक’ चाचणी केली जाणार आहे.

गाडीचा कंट्रोल सुटला अन् थेट जगबुडीच्या…; खेडमध्ये घडला विचित्र अपघात

कुटुंबीयांची दादागिरी; गुन्हा दाखल होणार

कॅप्टन अशोक खरात याला अटक केल्यानंतर त्याचे एक एक कारनामे उघड़कीस येत आहेत, त्याच प्रमाणे त्याच्या अटकेचा बरार आणि पोलिसांनी बाळगलेली गुप्तता ही चर्येचा विषय ठरली आहे. अटकेसाठी गुन्हे शाखेच्या पथकाने अशोक खरात याचे घर गाठले त्यावेळी खरातच्या घराच्या परिसरात चोर गुसल्याच कारण पुढे केले. त्यात एक पथक घरात घुसून शोध घेत होते तर दुसरे पथक खरात पळून जाणार नाही, याची खबरदारी घेत बाहेर पहारा देत होते. ज्यावेळी अशोक खरात घरातच असलयाची खात्री पटली तेव्हा गुन्हे शाखेच्या पथकाने त्याला ताब्यात घेतले, यावेळी खरात आणि त्याच्या कुटुंबियानी चिगाण्णा घालून पोलिसांना दमदाटी करण्यास सुरवात केली.

तसेच एक दोन फोन लावून दबाव टाकण्याचा प्रयत्न केला, मात्र पोलीसानी कोणत्याही दशावाला बळी न पडता, खरातला अटक केली. दरम्यान, गुरुवारी (दि. १९) सकाळी खरातवी पत्नी तसेच मुलाकडून काही माध्यम प्रतिनिधीना दमदाटी केली, अंगावर पाणी व चप्पाला फेकणे, कुत्रे सोडले आदी करताना अश्लिल शिवीगाळ केली. या प्रकरणी अंबड पोलिस ठाण्मशत स्वतंत्र गुन्हा दाखल करण्याचे काम सुरू होते.

नाशिक पोलीस गुन्हे शाखेच्या एका वरिष्ठ पोलीस अधिकाऱ्याने सांगितले की, खोट्या आमिषाने एका २७ वर्षीय महिलेवर बलात्कार आणि लैंगिक अत्याचार केल्याप्रकरणी मंगळवारी अशोक खरातविरुद्ध प्रथम माहिती अहवाल (FIR) दाखल करण्यात आला आहे. पीडितेने तिच्या तक्रारीत म्हटले आहे की, वैवाहिक समस्यांमुळे तिने अशोक खरातकडे सल्ला मागितला होता, त्यानंतर ती त्याच्या संपर्कात आली. त्याने तिला फसवले आणि तिच्या सर्व समस्या हळूहळू सुटतील असे आश्वासन देऊन तिच्यावर लैंगिक अत्याचार केले. याच बहाण्याने त्याने २०२२ ते २०२५ दरम्यान तिच्यावर अनेक वेळा बलात्कार केला.

अशोक खरातवर भारतीय दंड संहितेच्या (IPC) कलम ६४ (बलात्कार) आणि ६९ (फसवणूक किंवा खोट्या आश्वासनाने लैंगिक संबंध) तसेच महाराष्ट्र नरबळी आणि इतर अमानवीय, दुष्ट आणि अघोरी प्रथा आणि काळी जादू प्रतिबंधक कायदा, २०१३ च्या कलम ३ अंतर्गत गुन्हा दाखल करण्यात आला आहे.

Ashok Kharat Case: नीरज जाधवचा खंडणीचा मोह अन् खरातचा खेळ खल्लास! वाचा नाशिक क्राईमची थरारक इनसाईड स्टोरी