प्रेमविवाहानंतर पोलिस ठाण्याच्या गेटवर दोन्ही गट भिडले, तुंबळ हाणामारी; 30 जणांवर गुन्हा
पोलिसांनी दिलेल्या माहितीनुसार, मलठण (ता. शिरूर) येथील एका तरुणीने गावातील तरुणासोबत प्रेमविवाह केला. विवाहानंतर नवदाम्पत्याने पोलिसांना माहिती देण्यासाठी शिरूर पोलिस ठाणे गाठले. त्यावेळी पोलिस ठाण्याजवळील एसटी स्थानक परिसरात दोन्ही कुटुंबांतील सदस्य एकत्र आले. सुरुवातीला त्यांच्यात शाब्दिक वाद झाला.
परिस्थिती लक्षात घेऊन पोलिसांनी हस्तक्षेप केला. दोन्ही गटांना पोलिस ठाण्यात येऊन तक्रार देण्याची विनंती करण्यात आली. मात्र, काही वेळातच दोन्ही बाजूचे लोक पोलिस ठाण्याच्या प्रवेशद्वाराजवळ एकाचवेळी जमले. यावेळी पुन्हा वादाला सुरुवात झाली आणि त्याचे रूपांतर हाणामारीत झाले. दोन्ही गटांतील सदस्यांनी एकमेकांवर हल्ला केल्याने परिसरात गोंधळाचे वातावरण निर्माण झाले. परिस्थिती चिघळत असल्याचे पाहून पोलिसांनी तातडीने हस्तक्षेप करत संबंधितांना ताब्यात घेतले.
हे सुद्धा वाचा : दोन महिन्यांपूर्वी तरुणाचे अपहरण, आता पोलिसांत तक्रार; गेवराईतील घटनेनं खळबळ
पोलिस अंमलदाराच्या फिर्यादीवरून गुन्हा
या प्रकरणी पोलिस अंमलदार सोनू मलीधर तावरे (वय ३०, रा. शिरूर) यांनी शिरूर पोलिस ठाण्यात फिर्याद दिली. त्यानुसार गणेश उत्तम लकडे, अक्षय आनंदा शिंदे, माक्का कोळपे, सुनील कोळपे यांच्यासह अनेक जणांची नावे गुन्ह्यात समाविष्ट आहेत. तसेच अनोळखी ११ जणांविरुद्धही गुन्हा दाखल करण्यात आला आहे. या प्रकरणात एकूण ३० जणांविरुद्ध गुन्हा नोंदविण्यात आला असून, पुढील तपास पोलिस उपनिरीक्षक राहुल भागवत करीत आहेत. प्रेमविवाहाच्या पार्श्वभूमीवर दोन कुटुंबांतील वाद थेट पोलिस ठाण्याच्या प्रवेशद्वारापर्यंत पोहोचल्याने या घटनेची परिसरात चर्चा सुरू आहे.
Ans: मलठण येथील तरुणीने गावातील तरुणासोबत प्रेमविवाह केला. त्यानंतर दोन्ही कुटुंबीयांमध्ये वाद होऊन हाणामारी झाली.
Ans: शिरूर पोलिस ठाण्याजवळील एसटी स्थानक परिसरात वाद सुरू झाला. त्यानंतर पोलिस ठाण्याच्या प्रवेशद्वाराजवळ दोन्ही गटांमध्ये हाणामारी झाली.
Ans: शिरूर पोलिसांनी दोन्ही गटांतील एकूण ३० जणांविरुद्ध गुन्हा दाखल केला असून, पुढील तपास पोलिस उपनिरीक्षक राहुल भागवत करीत आहेत.
.png "Videos"){kind=small}
