दिवाळीच्या फटाक्यांवरून तुफान राडा! तरुणीचा विनयभंग अन् कुटुंबीयांना मारहाण; नेमकं काय घडलं?

मलकापूर तालुक्यातील बेलाड येथे फटाके फेकण्याच्या कारणावरून झालेल्या वादातून २ गटांत हाणामारी झाल्याची घटना घडली आहे. यावेळी तरुणीचा विनयभंगही केला आहे. या घटनेनं मोठी खळबळ उडाली आहे.

• दिवाळीच्या फटाक्यांवरून तुफान राडा!
• तरुणीचा विनयभंग अन् कुटुंबीयांना मारहाण
• नेमकं काय घडलं?

मलकापूर : राज्यासह देशभरात गुन्हेगारी वाढली असून, वाढत्या गुन्हेगारीमुळे नागरिकांमध्ये दहशत निर्माण होत आहे. अशातच आता मलकापूर तालुक्यातील बेलाड येथे फटाके फेकण्याच्या कारणावरून झालेल्या वादातून २ गटांत हाणामारी झाल्याची घटना घडली आहे. या प्रकरणी घराजवळ फटाके उडवण्यास विरोध केल्याचा राग मनात धरून मारहाण करत तरुणीचा विनयभंग केल्याप्रकरणी ४ जणांविरोधात मलकापूर शहर पोलिस ठाण्यात पॉक्सो कायद्यासह विविध गंभीर कलमांन्वये गुन्हा दाखल केला.

 

संतोष अरुण संबारे (वय ४५, रा. गायत्रीनगर, अकोला) हे दिवाळीच्या सुट्टीनिमित्त गावी आले होते. रविवारी रात्री ७.३० वाजताच्या सुमारास आरोपी दीपक माणिकराव संभारे (वय २२), रोशन माणिकराव संभारे (वय २५), हरीश श्रीकृष्ण संभारे (वय २४) आणि पप्पू अरुण संभारे (सर्व रा. बेलाड, ता. मलकापूर) हे त्यांच्या घरासमोर हातात फटाके घेऊन ते घराच्या दिशेने फेकत होते. यावेळी त्यांना माझ्या घराकडे फटाके टाकू नका, असे सांगितले असता या गोष्टीचा राग आल्याने आरोपी रोशन याने बुक्क्याने मारहाण केली. तसेच आरोपी दीपक संभारे याने नाकाखाली व डोळ्याखाली बुक्क्याने मारले. भांडण सोडवण्यासाठी पुतण्या धावून आला असता, सर्व आरोपींनी त्याला चापटाबुक्क्यांनी मारहाण केली.

हे सुद्धा वाचा : राज्यात १५ हजार शिक्षकांची मेगा भरती होणार; परिचारिका पदांचीही भरती; सुनेत्रा पवार यांची माहिती

तरुणीला मारली मिठी

यावेळी आरोपी पप्पू संभारे याने पुतण्याच्या डोक्यात हातातील कड मारल्याने त्याच्या डोक्याला गंभीर जखम झाली. तर वाद सोडवण्यासाठी संतोष यांची मुलगी तिथे आली असता, आरोपी पप्पू संभारे याने तिच्या साडीचा पदर ओढला, ज्यामुळे ती खाली पडली. ती उठून उभी राहिली असता आरोपी रोशन संभारे याने तिला वाईट उद्देशाने मिठी मारली. यानंतर आरोपी तिथून पळून गेले. या प्रकरणी तक्रारीवरून आणि मेडिकल सर्टिफिकेटच्या आधारे मलकापूर शहर पोलिस ठाण्यात गुन्हा दाखल करण्यात आला आहे. पुढील तपास पोलिस उपनिरीक्षक सतीश बेले करीत आहेत.

हे सुद्धा वाचा : नांदुरामध्ये दरोडेखोरांचा थरार! इंडस टॉवरवर चोरी करताना अलार्म वाजला; सुरक्षा रक्षकांनी तिघांना पकडले