Kankavli Crime: कणकवलीत प्रेमीयुगलाची धरणात उडी घेऊन आत्महत्या; धक्कादायक कारण उघड, नेमकं काय घडलं?

आत्महत्या करणाऱ्या तरुणाचे नाव सोहम चिंदरकर असे आहे. तो कणकवली तालुक्यातील कलमठ कुंभारवाडी येथील रहिवासी आहे. तर ईश्वरी राणे असे आत्महत्या करणाऱ्या तरुणीचे नाव आहे. कणकवली शहरातील बांधकरवाडी येथील रहिवासी आहे. तरुणाचा मोबाइल हरवला होता. त्या खाजगी गोष्टी आणि माहिती कोणाच्या हाती लागली तर आपली बदनामी होईल, या भीतीतून या दोघांनी टोकाचे पाऊल उचलल्याचे माहिती समोर आली आहे. जीवन संपवण्याबाबतचे व्हॉट्सअॅप चॅट समोर आले आहे.

सोहम आणि ईश्वराच्या चॅट मध्ये काय?

सोहम याने त्याच्या आईच्या मोबिलेमधून व्हॉट्सअॅपवरून ईश्वरी सोबत चॅट केले होते.‘माझा मोबाईल हरवला आहे. त्या मोबाईलमध्ये काही आक्षेपार्ह फोटो आणि व्हिडीओ आहेत. हा मोबाईल कोणाच्या हाती लागला तर माझी खूप बदनामी होईल. त्यामुळे मी जीवन संपवत आहे, असे सोहमने ईश्वरीला केलेल्या मेसेजमध्ये म्हटले आहे. त्यानंतर ईश्वरीने सोहमची खूप समजूत काढण्याचा प्रयत्न केल्याचं त्यांच्यात झालेल्या चॅटिंगमधून दिसून आलं आहे. पण जीवन संपवण्याच्या निर्णयावर ठाम असलेला सोहम हा ऐकण्याचा मन:स्थितीत नव्हता. समजून सांगून देखील सोहमने ऐकलं नाही, त्यानंतर तुझ्याशिवाय मी तरी एकटी कशी काय जगू? असा प्रश्न ईश्वरीने केला. त्यानंतर आपण दोघेही एकत्र जीवन संपवूया, असे सोहमला सांगितले.

कुटुंबियांना तरंगतांना आढळले मृतदेह

त्यानंतर या दोघांनीही जवळच असलेल्या तरंदळे येथील धरणाच्या पाण्यात उडी मारून जीवन संपवले. दोघेही घरातून बेपत्ता असल्याने शोधाशोध करत असलेल्या कुटुंबीयांना मेसेजच्या आधारावर जेव्हा शोध घेतला तेव्हा त्यांचे मृतदेह धरणाच्या पाण्यात तरंगताना आढळले होते. या घटनेमुळे जिल्ह्यात हळहळ व्यक्त केला जात आहे.

अमरावतीत मोठा घोटाळा; तारण म्हणून ठेवलेला माल परस्परच विकला, तब्बल साडेतीन कोटींची फसवणूक

संबंधित बातम्या