६० वर्षीय पत्नीचा संशयावरून खून
कोल्हापूर : गेल्या काही दिवसांपासून गुन्हेगारीच्या घटनांमध्ये वाढ होताना दिसत आहे. किरकोळ कारणावरून खून, खुनाचा प्रयत्न यांसारखे गुन्हे घडत आहेत. असे असताना कोल्हापुरातील हुक्केरी तालुक्यात एका धक्कादायक घटना समोर आली. कणंगला येथे जीवलग मित्राचाच दगडाने ठेचून मित्राने खून केला. या घटनेने एकच खळबळ उडाली.
आनंदा ऊर्फ देमानी सुरेश डुकरे (वय २०, रा. सेनापती कापशी, ता. कागल) असे हत्या झालेल्या तरुणाचे नाव आहे. आनंदाचे वडील सुरेश डुकरे हे मूळचे कर्नाटकातील कारवार जिल्ह्यातील होमनाळी गावचे रहिवासी आहेत. गवंडी कामाच्या निमित्ताने वीस वर्षांपूर्वी ते सेनापती कापशी येथे स्थायिक झाले. त्यांचा मुलगा आनंदा शाळा सोडून वडिलांसोबत गवंडी काम करत होता. आनंदाची संशयित अल्पवयीनशी मैत्री झाली. वर्षभरापासून संशयित अल्पवयीन हा आनंदाच्याच घरी जेवण व राहण्यासाठी होता.
घरात कोणीही नसताना घरफोडी
गेले सहा-सात महिने तो कामानिमित्त बाहेर गेला होता. त्यानंतर पुन्हा अलीकडे काही दिवसांपासून हे दोघे कापशी परिसरात एकत्रच फिरत होते. दोघांची खास मैत्री असल्याने विविध ठिकाणी कामे घेऊन दोघे एकत्रच काम करत होते. रविवारी आनंदाचे आई-वडील पाहुण्यांच्या गावी गेले होते. ती संधी साधून आनंदा व संशयित अल्पवयीनाने घरातील तिजोरी फोडून किरकोळ दागिने व काही रोख रक्कम चोरून दोघेही कापशीहून निपाणीमार्गे कणंगला येथे गेले.
दोघांनी मिळून दारू प्यायली अन्…
मद्य प्राशन करून दोघेही सरकारी दवाखान्याच्या पाठीमागील शेतवडीत बोलत बसले होते. सेनापती कापशी गावाकडे परत येण्यावरून त्यांच्यात वाद झाला. यानंतर जोरदार झटापट झाली. त्यातच अल्पवयीन मित्राने रागाच्या भरात आनंदा याला दगडाने ठेचून मारल्याने त्याचा जागीच मृत्यू झाला. याप्रकरणी मुरगूड पोलिसांत नोंद झाली आहे. त्यानुसार, अल्पवयीन मुलाला सेनापती कापशी येथे ताब्यात घेऊन संकेश्वर पोलिसांच्या हवाली केले आहे.
संशयिताला पोलिसांनी घेतले ताब्यात
आनंदाचा मृत्यू झाल्यानंतर संशयित रात्रभर कणंगला येथे थांबला होता. सकाळी तो सेनापती कापशी येथे आल्यानंतर मुरगूड पोलिसांनी त्याला ताब्यात घेतले. याबाबत संकेश्वर पोलिस ठाण्यात गुन्हा नोंद झाला आहे.
.png "Videos"){kind=small}
