गतिमंद तरुणीवर सामूहिक अत्याचार;
वर्धा : गतिमंद तरुणीवर सामूहिक अत्याचार करण्याची घटना वर्धा रेल्वेस्थानक आवारात गुरुवारी (दि.24) सकाळी उघडकीस आली. पोलिसांनी दिवसभर तपास करून ऑटोरिक्षाचालकांसह ५ संशयितांना अटक केल्याची माहिती आहे. नागपूर जिल्ह्यातील बेला परिसरातील १९ वर्षीय तरुणी बुधवारी मध्यरात्रीच्या सुमारास वर्धा रेल्वेस्थानकात आली. त्यावेळी तिची आसामच्या एका तरुणाशी ओळख झाली.
काही वेळ बोलणे झाल्यानंतर ती रेल्वेप्लॅटफॉर्म परिसरातून बाहेर आली. रात्री २. ३० वाजता ऑटोरिक्षाचालकाने या एकट्या तरुणीला पाहून सलगी करण्याचा प्रयत्न केला. त्यानंतर तो तिला ऑटोरिक्षात बसवून शहरातील छत्रपती शिवाजी महाराज चौक परिसरात घेऊन गेला. दरम्यान, त्याने आपल्या साथीदारांनाही बोलावून घेतले. तिथे तिच्यावर सामूहिक अत्याचार केला. त्यानंतर तिला पुन्हा रेल्वेस्थानक परिसरात सोडून दिले. काही वेळानंतर पुन्हा २ तरुणांनी तिला गाठून बोलण्यात गुंतवले. त्यानंतर ते तरुण तिला रेल्वेब्रिज परिसरात घेऊन गेले. तिथे तिच्यावर पुन्हा अत्याचार केला.
दरम्यान, सकाळी ती जेव्हा रेल्वेस्थानक परिसरात आली, तेव्हा आसाम येथील तरुणाच्या काहीतरी अघडित घडल्याचे लक्षात आले. त्याने जीआरपी पोलिसांना माहिती दिली.
सीसीटीव्ही फुटेजवरून काढला संशयितांचा माग
गतिमंद तरुणीवर अत्याचार झाल्याची माहिती मिळताच पोलिसांनी तपास सुरू केला. तपासादरम्यान ती ऑटोरिक्षामध्ये बसून जात असल्याचे सीसीटीव्ही फुटेजमध्ये दिसून आले. सीसीटीव्ही फुटेज व अन्य माहितीच्या आधारे जीआरपी पोलिसांनी ऑटोचालकासह ५ जणांना ताब्यात घेतले आहे. घटनेची माहिती मिळताच वरिष्ठ रेल्वे पोलिस अधिकारी वर्धा येथे दाखल झाले आहेत.
मावस भावाकडूनच अल्पवयीन मुलीवर अत्याचार
वाळूज एमआयडीसी परिसरातील जोगेश्वरी भागात अल्पवयीन मुलीवर तिच्याच २० वर्षीय मावस भावाने लैंगिक अत्याचार केल्याचा प्रकार समोर आला आहे. अत्याचाराच्या काळात मुलगी १७ वर्षे चार महिन्यांची होती. या घटनेनंतर ती गर्भवती राहिल्याचे वैद्यकीय तपासणीत स्पष्ट झाले. उपचारादरम्यान गर्भपात झाल्यानंतर हा प्रकार उघडकीस आला. पीडित मुलीने दिलेल्या तक्रारीवरून वाळूज एमआयडीसी पोलिसांनी संशयिताविरुद्ध पोक्सोसह विविध कलमांनुसार गुन्हा दाखल केला आहे.
.png "Videos"){kind=small}
