Akola Crime: अकोल्यातील बेपत्ता 3 अल्पवयीन मुलं सापडले; मुंबईच्या ट्रेनमधून तिघांना घेतले ताब्यात; मुलं गेली कुठे आणि कशी?

अकोल्यातील बेपत्ता तीन अल्पवयीन मुलांचा अखेर शोध लागला. मित्राच्या वाढदिवसानिमित्त घरातून बाहेर पडलेले हे तिघे झोप लागल्याने ट्रेनने मुंबईपर्यंत पोहोचले. तांत्रिक तपासातून त्यांना भुसावळ स्टेशनवरून सुरक्षित ताब्यात घेतले

• अकोल्यातील तीन १५ वर्षीय मुलं सोमवारी रात्रीपासून बेपत्ता
• मुलांची शेवटची लोकेशन भुसावळ स्टेशन परिसरात मिळाली
• LCB आणि GRP/RPF च्या मदतीने पोलिसांनी त्यांना सुरक्षित ताब्यात घेतले

अकोला: अकोल्यातून तीन अल्पवयीन मुलं सोमवारी रात्रीपासून अचानक बेपत्ता झाली होती. या घटनेने शहरात मोठी खळबळ उडाली होती. तिघेही संध्याकाळी मित्राच्या वाढदिवसासाठी घराबाहेर पडले. मात्र ते रात्री उशिरापर्यंत परतले नाही. कुटुंबीयांनी शोधाशोध केली तेव्हा त्यांना ते सापडले नाही. शेवटी कुटुंबीयांनी तात्काळ पोलीस ठाण्यात धाव घेतली. पोलिसांनी शोधमोहीम राबवत या तिघांना भुसावळ स्थानकातून ताब्यात घेतले. मात्र ही मुले जात कुठे होती? काय घडलं नेमकं? जाणून घ्या.

Crime News: कोकणातील ‘या’ नदीतून अवैध वाळू उपसा; पोलिसांनी तिघांना थेट…

नेमकं काय घडलं

आशिष, आदित्य आणि दर्शन (सर्वांचे वय 15) हे तिघे सोमवारी संध्याकाळी मित्राच्या वाढदिवसासाठी घराबाहेर पडले. मात्र, रात्री उशिरापर्यंत ते परतले नाहीत. कुटुंबीयांनी रात्रभर शोध घेऊनही त्यांचा काहीच पत्ता न लागल्याने त्यांनी तत्काळ सिटी कोतवाली पोलीस स्टेशनमध्ये तक्रार नोंदवली. पोलिसांनी मुलांचा शोध घायला सुरुवात केली.

रेल्वे स्टेशन, बसस्थानके आणि शहरातील प्रमुख ठिकाणी तपासणी सीसीटीव्ही फुटेज, मोबाईल लोकेशन मित्रपरिवाराची चौकशी पोलिसांनी सुरू केली. तांत्रिक तपासातून मिळालेल्या माहितीनुसार, ही मुलं शेगाव दर्शनासाठी घरून निघाली होती, पण ट्रेनमध्ये झोप लागल्यामुळे ती मुंबईपर्यंत पोहोचली. सोशल मिडोइयावर त्यांचे फोटो शेअर करत मदतीचे आवाहन करण्यात आले होते. दरम्यान मुलांची शेवटची लोकेशन भुसावळ रेल्वे स्टेशन परिसरात असल्याची माहिती पोलिसांना मिळाली.

तातडीने स्थानिक गुन्हे शाखा (LCB) आणि रेल्वे पोलीस (GRP/RPF) यांच्या मदतीने भुसावळ रेल्वे स्टेशनवर सापळा रचला. पोलिसांनी अतिशय शिताफीने कारवाई करत तिन्ही मुलांना सुरक्षित ताब्यात घेतले. या पथकाने केलेल्या जलद आणि धडाकेबाज कामगिरीमुळे बेपत्ता झालेल्या मुलांना केवळ काही तासांतच शोधणे शक्य झाले. पोलिसांच्या धडाकेबाज कामगिरीचे सर्वत्र कौतुक होत आहे. कुटुंबियांना मुले सापडल्याची माहिती मिळताच सुटकेचा निश्वास टाकला.

अकोल्यात सावकारीचा त्रास जीवघेणा! 20% व्याज, धमक्या आणि जमीन बळकावली

अकोला जिल्ह्यातील पातूर शहरातून एक हृदयपिळवटून टाकणारी घटना समोर आली आहे. पातुरमध्ये सावकारीच्या जाळ्यात अडकल्यामुळे एका तरुणाने आत्महत्या केल्याचे समोर आले आहे. आत्महत्या करण्यापूर्वी तरुणाने व्हिडीओ रेकॉर्ड करून ठेवले. या व्हिडिओत तरुणाने गंभीर आरोप केले. या घटनेने संपूर्ण परिसरात खळबळ उडाली आहे. या प्रकरणी मृतकाच्या भावाने गुन्हा दाखल केला असून दोन जणांविरुद्ध आत्महत्येस प्रवृत्त केल्याचा गुन्हा दाखल केला आहे.

Pune Sahyadri Hospital Vandelised: रुग्णाच्या मृत्यूवरून संताप, हडपसरमध्ये सह्याद्री हॉस्पिटलची तोडफोड