Amravati Crime: लग्नाच्या दोन महिन्यांतच हत्या! आधी दारु पाजली, नंतर क्रूरतेने पत्नीची हत्या केली; का केली हत्या?

आरोपी पती सनी हा भूजल सर्वेक्षणच्या पाणीपुरवठा आणि स्वच्छता विभागात कार्यरत आहे. नीलिमा हिच्या पती आणि मुलाच्या मृत्यूनंतर ती एकटी राहत होती. दोन महिन्यापूर्वीच तिने सनी सोबत लग्न केले होते. परंतु ते दोघे सोबत राहत नव्हते. त्यांनतर तिने त्याला त्याच्या घरी घेऊन जाण्याचा आग्रह करीत होती. यालाच तो कंटाळला होता.

३० नोव्हेम्बरला रात्री सनी नीलिमाच्या घरी दारूच्या बाटल्या घेऊन गेला. दोघांनीही मद्यपान केले. त्यानंतर ती महिला झोपी गेली. ती गाढ झोपेत असतांना सनीने तिच्या डोक्यावर दगडाने वार केले आणि तिच्या मानेवर चाकूने वार करून हत्या केली. हत्येनंतर सनी मागच्या दाराने बाहेर पडला.

त्यानंतर या घटनेची माहिती मिळताच पोलीस घटनास्थळी दाखल झाले. पोलिसांनी पंचनामा करत या घटनेचा तपास करायला सुरुवात केली. पोलिसांना सुरुवातीपासूनच संशय सनीवर होता. गुन्हे शाखेने त्याचा मोबाइल लोकेशन, कॉल डिटेल्स आणि घरातील डीव्हीआरची तपासणी सुरू केली. तपासात सनीचा मोबाइल दोन दिवस एकाच ठिकाणी असल्याचे दिसून आले. हत्येच्या वेळीदेखील तो नीलिमाच्या घरात असल्याचे लोकेशनवरून स्पष्ट झाले. या रक्तरंजित हत्येच्या घटनेननंतर पोलिसांनी तपासाचे चक्र गतिमान करत मारेकरी सनी उर्फ नितीन इंगोलेंचा शोध घेतला व त्याला अटक केली. सध्या तो पोलिसांच्या ताब्यात असून पोलीस या घटनेचा अधिक तपास करत आहे.

Chhatrapati Sambhajinagar: लग्नाचं आमिष! 3 लाख घेत कोर्टात नोटरी लग्न… आणि सासरी जाताना नवरी अर्ध्या रस्त्यात फुर्रर्र!

संबंधित बातम्या