तरुणीसोबत भयानक कृत्य, आक्षेपार्ह फोटो आणि VIDEO ची धमकी दिली अन्…; फुलंब्रीतील संतापजनक घटना

कपडे बदलतानाचे फोटो आणि व्हिडीओ काढून ते व्हायरल करण्याची धमकी देत तरुणीला पाण्यात गुंगीचे औषध देत तिच्यावर अत्याचार केल्याचा प्रकार समोर आला आहे. याप्रकरणातील आरोपीला पोलिसांनी अटक केली आहे

छत्रपती संभाजीनगर : कपडे बदलतानाचे फोटो आणि व्हिडीओ काढून ते व्हायरल करण्याची धमकी देत तरुणीला पाण्यात गुंगीचे औषध देत तिच्यावर अत्याचार केल्याचा प्रकार समोर आला आहे. त्यानंतर अत्याचाराचा देखील व्हिडीओ काढून तो समाज माध्यांवर व्हायरल करण्याची धमकी देत तिच्यावर वारंवार अत्याचार केले. पीडितेला तरुणाचा भाऊ आणि वडिलांनी देखील मारहाण करत धमकी दिली. ही घटना १ एप्रिल ते १५ जुलै २०२६ दरम्यान एका हेअर ट्रान्सप्लांट सेंटर व फुलंब्रीतील एका हॉटेलवर घडली आहे. सरफराज मेहबूब गोनगावे, त्याचा भाऊ अरबाज गोनगावे, वडिल मेहबूब गोनगावे (सर्व रा. गल्ली क्रं.७, रहिमनगर, आजाद चौक) अशी आरोपींची नावे आहे. त्यांच्याविरोधात क्रांतीचौक पोलिस ठाण्यात गुन्हा दाखल करण्यात आला आहे.

विशेष म्हणजे गुन्हा दाखल होताच पोलिसांनी तपासाची चक्रे फिरवून मुख्य आरोपी सरफराज गोनगावे याला गुरुवारी राञी बेड्या ठोकल्या आहेत. पीडिता ही एका मेडिकल कॉलेजमध्ये फिजिओथेरपीची इंटर्नशिप सुरू करत आहे. सरफराज हा तिचा शाळेपासूनचा परिचित असून, जानेवारी २०२६ पासून ती आरोपी सरफराज याच्या हेअर ट्रान्सप्लांट सेंटरमध्ये काम करत होती. १ एप्रिल रोजी पीडिता क्लिनिकमध्ये कपडे बदलण्यासाठी गेली असताना सरफराजने तिच्या नकळत मोबाइलमध्ये फोटो व व्हिडीओ काढले. सरफराजने हे फोटो-व्हिडीओ पीडितेला दाखवून आपल्यासोबत रिलेशनशिपमध्ये राहण्यासाठी तगादा लावला. माञ पीडितेने नकार दिल्यानंतर फोटो व व्हिडीओ व्हायरल करून बदनामी करण्याची धमकी दिल्याचे फिर्यादीत म्हटले आहे. याप्रकरणी पोलिसांनी तपासाची चक्रे वेगाने फिरवत मुख्य आरोपीला गुरूवारी रात्री ताब्यात घेतले आहे. त्यामुळे तपासाला वेग येणार आहे.

गुंगीचे औषध देवून पीडितेवर अत्याचार

एप्रिलच्या अखेरीस सरफराजने पाण्यात काहीतरी मिसळून ते पीडितेला दिले. त्यानंतर ऑपरेटसाठी ऑपरेशन थिएटरमध्ये जायचे असल्याचे सांगितले. सुमारे चार तासांनी पीडिता शुद्धीवर आल्यानंतर तिच्यावर अत्याचार झाल्याचे समोर आले. सरफराजने अत्याचाराचे व्हिडीओ दाखवून ते व्हायरल करण्याची धमकी दिल्याचे फिर्यादीत नमुद आहे.

अन् वारंवार अत्याचार

पीडितेने कॉलेजला न जाता आपल्या क्लिनिकमध्येच काम करावे आणि आपण सांगेल त्याप्रमाणे वागावे, असा तगादा पीडितेकडे लावला. त्यानंतर १४ व १५ मे, २० मे आणि ३० मे रोजी व्हिडीओ व्हायरल करण्याची धमकी देत इच्छेविरुद्ध अत्याचार केला. २० मे रोजी फुलंब्री येथील एका हॉटेलमध्ये, तर ३० मे रोजी क्लिनिकमध्येच तिच्यावर अत्याचार केल्याचे देखील फिर्यादीत नमुद केले आहे.

हे सुद्धा वाचा : एकमेकींच्या प्रेमात होत्या दोन मैत्रिणी; समाजाचे टोमणे अन् मुलांशी लग्न करण्याचा दबावाला कंटाळत घेतला टोकाचा निर्णय

वडील-भावाकडून पीडितेला बेदम मारहाण

१५ जुलै रोजी सायंकाळी क्लिनिकमध्ये सरफराजसोबत पीडितेचे भांडण झाले. त्यावेळी सरफराजने तिचा मोबाइल घेतला. त्यानंतर त्याचा भाऊ अरबाज आणि वडील मेहबूब गोनगावे यांनी पीडितेला शिवीगाळ करून मारहाण केली. आमचे कोणी काही वाकडे करू शकत नाही, अशी धमकी दिल्याचेही तिने फिर्यादीत म्हंटले आहे. अरबाजने तिचा बुरखा फाडल्याचाही आरोप फिर्यादीत करण्यात आला आहे. त्यामुळे याप्रकरणी क्रांतीचौक पोलिस ठाण्यात गुन्हा दाखल करण्यात आला आहे. पुढील तपास उपनिरीक्षक आत्माराम घुगे करीत आहेत.