Andhra Pradesh: लग्नाला नकार दिल्याचा संताप; 19 वर्षीय तरुणाने अल्पवयीन मुलीचा थेट चिरला गळा

आंध्र प्रदेशातील कडप्पा जिल्ह्यात 19 वर्षीय तरुणाने लग्नाला नकार दिल्यामुळे 16 वर्षीय मुलीचा घरात घुसून चाकूने गळा चिरून खून केला. अतिरक्तस्रावामुळे तिचा मृत्यू झाला; आरोपीला पोलिसांनी अटक केली.

• लग्नासाठी दबाव; नकारानंतर मुलीचा खून
• घरात घुसून चाकूने गळा चिरला
• आरोपी अटकेत; पोलिसांचा तपास सुरू

आंध्र प्रदेश: आंध्र प्रदेश येथून एक संतापजनक आणि हृदयद्रावक घटना समोर आली आहे. एका १९ वर्षीय तरुणाने अल्पवयीन मुलीचा गळा चिरून हत्या केल्याची धक्कादायक घटना समोर आली आहे. मुलीने लग्नासाठी नकार दिल्याने त्याने हत्या केल्याचे समोर आले आहे.

कराडजवळ सह्याद्री एक्सप्रेसवर दरोडा; सिग्नलमध्ये छेडछाड करून रेल्वे थांबवली अन्…

काय नेमकं प्रकरण?

या प्रकरणातील आरोपीचे नाव व्यंकटेश (१९ वर्ष) असे आहे. तो मृतक १६ वर्षीय मुलीचा छळ करत होता. तिच्याकडे लग्नासाठी तगादा लावत होता. ती केवळ आपल्या पालकांच्या पसंतीच्या व्यक्तीशी लग्न करेल असे मुलीने स्पष्टपणे सांगितले. त्याने तिचा छळ करणे थांबवले नाही. शुक्रवारी सकाळी जेव्हा मुलीचे आई- वडील घराबाहेर गेले होते तेव्हा ती घरात एकटीच होती. त्यावेळी व्यंकटेश जबरदस्तीने घरात घुसला आणि याच कारणावरून तिच्याशी भांडण करू लागला. त्यांच्यात वाद वाढला आणि त्याने खिशातला चाकू काढला आणि मुलीचा गळा चिरला. मुलगी मदतीसाठी ओरडली आणि जमिनीवर कोसळली, तेव्हा व्यंकटेशने घटनास्थळावरून पळ काढला.

शेजाऱ्यांनी मुलीला रक्ताच्या थारोळ्यात पाहिले, त्यांनी तिला तातडीने रुग्णालयात नेले आणि तिला कडप्पा येथील राजीव गांधी इन्स्टिट्यूट ऑफ मेडिकल सायन्सेस (RIMS) मध्ये हलवण्याची तयारी सुरू असतानाच अतिरक्तस्रावामुळे तिचा मृत्यू झाला. पोलिसांनी गुन्हा दाखल करून मुलीचा मृतदेह पोस्ट मार्टमसाठी कडप्पा येथे पाठवला, त्यानंतर तो नातेवाईकांच्या ताब्यात देण्यात आला.

आरोपी अटकेत

आरोपी व्यंकटेश हा पळून जाण्याच्या प्रयत्नात होता. मात्र हत्येच्या काही तासांतच पोलिसांनी व्यंकटेशला अटक केली. मुलीच्या कुटूंबाने आणि नातेवाईकांनी महिला संघटनांच्या प्रतिनिधींसह खाजीपेट येथे आंदोलन केले आणि मुलीसाठी न्याय व व्यंकटेशसाठी कठोर शिक्षेची मागणी केली. पोलीस या घटनेचा सखोल तपास करत असून कारवाई सुरु आहे.

सेल्फी घेणं जीवावर बेतलं! एकीला वाचवायला गेली अन् धबधब्यात बुडून तीन तरुणींचा मृत्यू; घटनेचा लाईव्ह Video Viral

आपला क्षणीक आनंद आपल्या जीवावर कसा बेतू शकतो ते तुम्हाला आजचा व्हिडिओ पाहून समजेल. सोशल मिडियावर अलिकडे एका धक्कादायक घटनेचा व्हिडिओ वेगाने शेअर केला जात आहे. घटना फार गंभीर असून यात तीन तरुणींचा जागीच जीव घेल्याची माहिती आहे. मुख्य म्हणजे या घटनेचा लाईव्ह थरार आता इंटरनेटवर शेअर करण्यात आला आहे. सदर घटना ही आंध्र प्रदेशातील अल्लुरी सीताराम राजू जिल्ह्यातून समोर आली असून अनंतगिरी मंडळात गुरुवारी ही घटना घडली. मुलागुम्मी गावाजवळच्या धबधब्यात चार मुली मजा करण्यासाठी गेल्या आणि यातच वाहून, पाण्यात बुडून त्यांचा मृत्यू झाला.

Crime News : बापानेच केला 6 वर्षीय चिमुकल्याचा निर्घृण खून; मृतदेह फेकला कृष्णा नदीत अन्…