Ashok Kharat : भोंदू अशोक खरातला 14 दिवसांची न्यायलयीन कोठडी, ताबा मिळावा म्हणून SIT चा अर्ज

भोंदू अशोक खरातला 14 दिवसांची न्यायलयीन कोठडी सुनावण्यात आलीय. खरातला दुसऱ्या गुन्ह्यात न्यायालयीन कोठडी झालीय. तर तिसऱ्या गुन्ह्यात SIT खरातचा ताबा घेण्यात येणार आहे.

Ashok Kharat News Marathi : नाशिकचा कुख्यात ठग अशोक खरात याच्या प्रकरणात एक नवीन आणि गंभीर वळण आले आहे.
भोंदू अशोक खरातला 14 दिवसांची न्यायलयीन कोठडी सुनावण्यात आलीय. खरातला दुसऱ्या गुन्ह्यात न्यायालयीन कोठडी झालीय. तर तिसऱ्या गुन्ह्यात SIT खरातचा ताबा घेणार असून त्यानंतर 24 तासाच्या आत पुन्हा त्याला कोर्टात हजर करणार आहेत.

दरम्यान, इंटरनेटवर लैंगिक अत्याचाराचे अश्लील व्हिडिओ वितरित आणि विकल्याच्या आरोपाखाली महाराष्ट्र सायबर सेलने माहिती तंत्रज्ञान कायद्याच्या (आयटी कायदा) कलम ६७ अंतर्गत गुन्हा दाखल केला आहे. सायबर सेल प्रमुखांनी स्पष्ट केले आहे की, पीडितांच्या गोपनीयतेचे उल्लंघन करून आर्थिक फायद्यासाठी व्हिडिओ पसरवणाऱ्यांना कोणत्याही परिस्थितीत सोडले जाणार नाही.

धक्कादायक! अशोक खरातच्या फार्म हाऊसवर जिल्हा परिषदेची उधळपट्टी, शासकीय राजवटीत ‘मुक्त उधळण’

तपासातून सर्वात धक्कादायक सत्य समोर आले आहे, अशोक खरात सोशल मीडिया आणि पॉर्नोग्राफिक साइट्सवर त्याच्याकडून लैंगिक अत्याचार होत असलेल्या महिलांचे व्हिडिओ विकत होता. मिळालेल्या माहितीनुसार, खरातशी संबंधित अंदाजे १५ ते १७ पॉर्नोग्राफिक व्हिडिओ फेसबुक, इंस्टाग्राम, टेलिग्राम आणि इतर प्लॅटफॉर्मवर प्रसारित झाले होते.

हे व्हिडिओ पाहण्यास इच्छुक असलेल्यांकडून प्रति व्हिडिओ १५ ते २० रुपये आणि काही प्रकरणांमध्ये ५० रुपयांपर्यंत शुल्क आकारले जात होते. पैसे मिळाल्यानंतर, एका लिंकद्वारे व्हिडिओ पाठवले जात होते. पोलिसांच्या मते, या घृणास्पद कृत्यामुळे केवळ गुन्हेगारीला प्रोत्साहनच मिळाले नाही, तर अनेक पीडितांची ओळखही उघड झाली, ज्यामुळे त्यांच्या गोपनीयतेचे आणि सामाजिक प्रतिष्ठेचे कधीही भरून न येणारे नुकसान झाले.

महाराष्ट्र सायबर सेलकडून कठोर कारवाई

महाराष्ट्र सायबर सेलचे प्रमुख यशस्वी यादव यांनी सांगितले की, या प्रकरणी एफआयआर दाखल करण्यात आला असून, ज्या चार विशिष्ट सोशल मीडिया लिंक्सद्वारे ही सामग्री पसरवली जात होती, त्या ओळखण्यात आल्या आहेत. तपास यंत्रणा आता हे डिजिटल रॅकेट चालवणाऱ्या खात्यांपर्यंत आणि व्यक्तींपर्यंत पोहोचण्याचा प्रयत्न करत आहे. त्यांनी आश्वासन दिले की, गुन्हेगारांना लवकरच अटक करून त्यांना कायद्याच्या कचाट्यात आणले जाईल.

Ashok Kharat Case : खरात प्रकरणी पोलिसांची मोठी कारवाई; तब्बल 4650 ‘त्या’ व्हिडिओ क्लिप्स हटवल्या