Beed Crime: नातवानेच केली आजीची हत्या; आई वडीलदेखील जखमी; पैश्यासाठी केला वार

बीडच्या परळी येथे एक धक्कादायक घटना समोर आली आहे. नशेच्या आहारी गेलेल्या नातवाने पैश्यासाठी आजीवर जीवघेणा हल्ला केला. तर त्याला रोखण्यासाठी आलेलय आई- वडीलसुद्धा गंभीर जखमी झाले आहेत.

Follow Us:

Follow Us:

बीडच्या परळी येथे एक धक्कादायक घटना समोर आली आहे. नशेच्या आहारी गेलेल्या नातवाने पैश्यासाठी आजीवर जीवघेणा हल्ला केला. तर त्याला रोखण्यासाठी आलेलय आई- वडीलसुद्धा गंभीर जखमी झाले आहेत. दरम्यान, जखमी झालेल्या आजीला परळीहून आंबाजोगाईला उपचारासाठी घेऊन जात असतांना रस्त्यातच मृत्यू झाला आहे. मृत्यू झालेल्या आजीचं नाव जुबेदा इब्राहिम कुरेशी (वय 80) असं मृत्यू झालेल्या आजीचं नाव आहे. हल्ला करणारा नातू हा केवळ २० वर्षाचा होता. आरोपी नातवाचा नाव रमजान कुरेशी असं आहे. ही घटना तलाब कट्टा (फुलेनगर) परिसरात घडली. दरम्यान, या घटनेनंतर हल्लेखोर नातवाला संभाजीनगर पोलिसांनी शिताफीने ताब्यात घेतले आहे.

2BHKसाठी पतीकडून तगादा; सासूसमोर जावयाने पत्नीला जीवे मारण्याचा केला प्रयत्न; संभाजीनगरमधील संतापजनक घटना

नेमकं काय घडलं?
मिळालेल्या माहितीनुसार, जुबेदा इब्राहिम कुरेशी या 80 वर्षीय वृद्ध महिला घरी होत्या. त्यांचा नातू अरबाज रमजान कुरेशी (वय 20 वर्षे) हा नशेच्या अवस्थेत घरी आला आणि आजीकडे पैशाची मागणी करु लागला. आजीने पैसे देण्यास नकार दिल्यामुळे संतप्त झालेल्या अर्ब्जने हातातील सत्तूरने थेट त्यांच्या तोंडावर वार केला. या भयंकर हल्ल्यात आजीची मरणासन्न अवस्था झाली. तसेच त्याची आई समिना रमजान कुरेशी व वडील रमजान इब्राहिम कुरेशी तातडीने धावून आले, मात्र आरोपीने त्यांच्यावरही शस्त्राने हल्ला करत त्यांना गंभीर जखमी केले. त्यानंतर अरबाज सत्तूर हातात घेऊन घटनास्थळावरून पळून जाण्याचा प्रयत्न करीत होता.

घटनेची माहिती मिळताच संभाजीनगर पोलीस घटनासाठली दाखल झाले. संभाजीनगर पोलीस ठाण्याचे पोलीस निरीक्षक धनंजय ढोणे आणि त्यांच्या सहकाऱ्यांनी घटनास्थळी धाव घेतली. १५ मिनिटात पोलिसांनीं आरोपीला ताब्यात घेण्यात आले. विशेष म्हणजे, आरोपीकडे धारदार शस्त्र असतानाही त्यांनी अतिशय शिताफीने आणि धाडसाने ही कारवाई केली.

दरम्यान, गंभीर जखमी झालेल्या आजीला उपचारासाठी अंबेजोगाईला घेऊन जात असतांना आजीचा मृत्यू झाला आहे. गंभीर जखमी आई- वडिलांवर प्राथमिक उपचारानंतर अंबाजोगाई येथील रुग्णालयात हलवण्यात आले आहे. या घटनेने संपूर्ण तलाब कट्टा परिसरात एकच खळबळ उडाली आहे. पोलिसांनी घटनेची नोंद घेतली असून पुढील पोलीस प्रक्रिया सुरू आहे. अद्याप या प्रकरणी गुन्हा दाखल करण्यात आलेला नाही.

Navi Mumbai Crime: मुस्लिम कुटुंबावर धारधार शस्त्राने प्राणघातक हल्ला, १२ जण गंभीर जखमी; नवी मुंबईतील धक्कदायक प्रकार

Web Title: Beed crime grandson kills grandmother parents also injured stabbed for money

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com