Beed Crime: अंतरवाली सराटीतून परतताना भीषण अपघात; उभ्या ट्रकला कारची धडक, इंदापूरच्या मराठा आंदोलकाचा मृत्यू, दोघे गंभीर

मराठा आरक्षण आंदोलनाला पाठिंबा देऊन अंतरवाली सराटीतून इंदापूरकडे परतणाऱ्या आंदोलकांच्या कारचा बीडमधील मांजरसुंबा येथे भीषण अपघात झाला. उभ्या ट्रकला कारची धडक बसल्याने रामचंद्र जमदाडे यांचा मृत्यू झाला, तर दोघेजण गंभीर जखमी झाले आहेत.

• अंतरवाली सराटीहून परतताना मांजरसुंबा येथे कारचा भीषण अपघात झाला.
• रामचंद्र शंकर जमदाडे यांचा जागीच मृत्यू, दोन सहकारी गंभीर जखमी.
• जखमींच्या उपचाराची जबाबदारी बीडच्या मराठा समन्वयकांनी घेतली.

बीड: मराठा आरक्षणाच्या मागणीसाठी अंतरवाली सराटी येथे सुरू असलेल्या आंदोलनात सहभागी होऊन घरी परतणाऱ्या मराठा आंदोलकांवर काळाने घाला घातला आहे. आंदोलन संपवून इंदापूरकडे निघालेल्या आंदोलकांच्या कारचा बीड जिल्ह्यातील मांजरसुंबा परिसरात भीषण अपघात झाला. रस्त्याच्या कडेला उभ्या असलेल्या ट्रकला कारने पाठीमागून जोरदार धडक दिल्याने एका आंदोलकाचा जागीच मृत्यू झाला, तर दोघे गंभीर जखमी झाले आहेत. या घटनेमुळे इंदापूर तालुक्यासह संपूर्ण मराठा समाजात शोककळा पसरली आहे.

कारचा मोठा चुराडा

मनोज जरांगे पाटील यांनी उपोषण मागे घेतल्यानंतर आंदोलनस्थळावरून परतणाऱ्या रामचंद्र शंकर जमदाडे, संतोष माने आणि बिपीन मोरे यांच्या कारला हा अपघात झाला. अपघाताची तीव्रता इतकी भीषण होती की कारचा मोठा चुराडा झाला आणि रामचंद्र जमदाडे यांचा जागीच मृत्यू झाला. तर इतर दोघांवर रुग्णालयात उपचार सुरू आहेत.

Chhatrapati Sambhajinagar: तू माझ्या मित्राच्या बहिणीला का छेडतोस?; संशयातून 17 वर्षीय विद्यार्थ्याची चाकूने भोसकून हत्या

घटनेची माहिती मिळताच बीडमधील मराठा समन्वयकांनी तातडीने रुग्णालयात धाव घेतली आणि दोन्ही जखमींना बीडमधील एका खाजगी रुग्णालयात उपचारासाठी दाखल केले. बीडच्या मराठा समन्वयकांनी या जखमींच्या संपूर्ण उपचाराची जबाबदारी घेतली आहे. या दुर्दैवी घटनेमुळे इंदापूर तालुक्यासह संपूर्ण मराठा समाजात मोठी शोककळा पसरली आहे.

शासकीय मदत आणि नोकरीची मागणी

मराठा आरक्षणाच्या लढ्यात सहभागी झालेल्या एका आंदोलकाचा असा अपघाती मृत्यू झाल्याने बीडमधील मराठा समन्वयकांनी मृत रामचंद्र जमदाडे यांच्या कुटुंबाला शासनाने तात्काळ आर्थिक मदत करावी आणि त्यांच्या कुटुंबातील सदस्याला शासकीय नोकरीत सामावून घ्यावे,” अशी मागणी सरकारकडे केली आहे. बीड पोलीस या प्रकरणी पुढील तपास करत आहेत.

सावत्र आई-मुलाच्या अनैतिक संबंधांचा थरारक शेवट; एकाने विष घेतलं, तर दुसरीने गळफास घेत संपवलं जीवन

बीड येथून एक धक्कादायक घटना समोर आली आहे. सावत्र आई आणि मुलाच्या अनैतिक संबंध होते. बदनामीच्या भीतीने मुलाने विष प्रश्न करून, तर प्रियकराच्या मृत्यूचा धक्का सहन न झाल्याने सावत्र आईने रुग्णालयाच्या परिसरातच झाडाला गळफास घेत आत्महत्या केल्याचे समोर आले आहे. या घटनेने परिसरात खळबळ उडाली आहे.

हडपसरमधील अवैध हातभट्टी दारूवरुन शिवसेना आक्रमक; शेकडो लिटर गावठी दारूचा साठा नष्ट