Beed Crime: संतापजनक! १० वर्षीय चिमुरडीवर ५० वर्षीय नराधमाचा आत्याचार, बीड येथील घटना

बीडच्या परळी तालुक्यात 50 वर्षीय व्यक्तीने 10 वर्षीय मुलीवर दोन वेळा अत्याचार केल्याची धक्कादायक घटना समोर आली. आरोपीने मुलीला जीवे मारण्याची धमकी दिली होती. पोलिसांनी POCSO अंतर्गत गुन्हा दाखल करून तपास सुरू केला.

• अल्पवयीन मुलीवर दोन वेळा लैंगिक अत्याचार
• दुकानात बोलावून घेत अत्याचार
• आरोपी विरोधात पॉक्सो अंतर्गत गुन्हा दाखल

बीड: बीड येथून एक धक्कादायक घटना समोर आली आहे. ५० वर्षीय नराधमाने एका अल्पवयीन मुलीवर अत्याचार केल्याचे समोर आले आहे. दोनवेळा दुकानात बोलावून अत्याचार केल्याचे समोर आले आहे. ही घटना बीड जिल्ह्यातील परळी ग्रामीण येथे घडली. आरोपी विरुद्ध पॉक्सो अंतर्गत गुन्हा दाखल करण्यात आला आहे.

काय घडलं नेमकं?

परळी तालुक्यातील एका गावात एका ५० वर्षीय नराधमाने दोनवेळा अत्याचार केल्याची घटना समोर आली आहे. पीडित मुलगी ही १० वर्षांची असून ती ५ वी वर्गात शिक्षण घेते. गावातील एका किराणा दुकानदाराने त्याच्या दुकानात बोलावून घेत तिच्यासोबत लैंगिक अत्याचार केला. हा घृणास्पद प्रकार दोन महिन्यापूर्वी देखील करण्यात आला. त्यानंतर नराधमाने अल्पवयीन मुलीला जीवे मारण्याची धमकी दिली. याच कारणामुळे या नराधमाने पुन्हा दोन महिन्यानंतर पीडितेवर अत्याचार केला.

वानवडीत रिक्षा अडवून ज्येष्ठाला लुटले; आरडाओरडा केला, पण…

पॉक्सो अंतर्गत गुन्हा दाखल

या घटनेनंतर कुटुंबीयांनी परळी येथील ग्रामीण पोलीस ठाण्यात धाव घेतली. आरोपी बालाजी पांचाळ याच्या विरोधात परळी ग्रामीण पोलीस ठाण्यात पोक्सो अंतर्गत गुन्हा दाखल करण्यात आला आहे. परिसरातील नागरिकांनी नराधमाला ताब्यात घेत पोलिसांच्या हवाली केले. या प्रकरणाचा अधिक तपास पोलीस करत आहेत.

धक्कादायक! एका ५ वर्षीय चिमुरडीवर १६ वर्षीय अल्पवयीन मुलाने केले लैंगिक अत्याचार; आरोपी ताब्यात

बीड जिल्ह्यातून एक धक्कादायक घटना समोर आली आहे. एका १६ वर्षीय मुलाने ५ वर्षीय चिमुरडीवर लैंगिक अत्याचार झाल्याची संतापजनक घटना समोर आली आहे. पोलिसांनी अल्पवयीन आरोपीला अटक केली आहे. हि घटना पेठ बीड पोलीस ठाण्याच्या हद्दीत घडली. या घटनेने परिसरात खळबळ उडाली आहे.

पीडित मुलगी तिच्या शेजारी राहणाऱ्या १६ वर्षीय मुलाच्या घरी गेली होती. तिथे आरोपीने चिमुरडीवर कथितरित्या अत्याचार केला. या घटनेनंतर घाबरलेल्या चिमुरडीने घरी परतल्यावर आपल्या आईला घडलेला प्रकार सांगितला. त्यानंतर मंगळवारी सकाळी पीडित मुलीच्या पालकांनी पेठ बीड पोलीस ठाणे गाठून तक्रार दाखल केली.

गुन्हा दाखल

पोलिसांनी तक्रार दाखल करताच मुलाला अटक केली. पीडित मुलीला वैद्यकीय तपासणीसाठी शासकीय रुग्णालयात पाठवण्यात आले आहे. आरोपीविरुद्ध संबंधित कलमान्वये आणि पॉक्सो कायद्यांतर्गत गुन्हा दाखल करण्यात आला आहे. पोलीस पुढील तपास सुरू करण्यात आला आहे. स्थानिक नागरिकांमध्ये तीव्र संताप असून आरोपीवर कठोर कारवाई करण्याची मागणी केली जात आहे.

पिस्तूल मित्रांना दाखविताना गोळी सुटली अन् थेट…; पुण्यातील घटनेनं खळबळ