Chhatrapati Sambhajinagar Crime: गोदावरीत पोत्यात सापडलेले गूढ उकलले; मूकबधीर सासऱ्याची झोपेत हत्या; भाचा-जावईच निघाला मारेकरी

पैठण तालुक्यात गोदावरी नदीत पोत्यात सापडलेला मृतदेह मूकबधीर कृष्णा धनवडे यांचा असल्याचे निष्पन्न झाले. कौटुंबिक वादातून भाचा-जावई व साथीदारांनी झोपेत हत्या करून मृतदेह नदीत फेकल्याचा उलगडा झाला.

• गोदावरी नदीत पोत्यात, दोरीने बांधलेला मृतदेह आढळला
• भाचा-जावई सागर केसापुरे व साथीदारांकडून हत्या
• झोपेत हत्या करून मृतदेह नदीत टाकल्याची कबुली

छत्रपती संभाजीनगर: छत्रपती संभाजीनगर जिल्ह्यातील पैठण तालुक्यातील पाटेगाव परिसरातील गोदावरी नदीपात्रात चार दिवसांपूर्वीच एक संशयास्पद मृतदेह आढळून आल्याचे समोर आले होते. दोरीने हात पाय बांधलेल्या अवस्थेत पोत्यात मृतदेह आढळून आला होता. पोलिसांनी या मृतदेहाची ओळख पटवून आरोपीला अटक केली आहे. पोत्यात सापडलेल्या मृतदेहाचे गूढ उकलले आहे. विशेष म्हणजे कारागृहातील एका कायद्यामुळे हा प्रकार समोर आला आहे.

Kolhapur crime: अर्धा गुंठासाठी मुलाकडून आई-वडिलांची निर्घृण हत्या; आधी डोकं ठेचलं, नसा कापल्या, नंतर…

काय नेमकं प्रकरण?

पैठण तालुक्यातील पाटेगाव परिसरातील गोदावरी नदीपात्रात चार दिवसांपूर्वीच एक संशयास्पद मृतदेह आढळून आला होता. पोत्यात गुंडाळलेला हा मृतदेह दोरीने हातपाय बांधलेल्या अवस्थेत आढळला. मृतदेह बेवारस असल्याने हा मृतदेह कोणाचा हे शोधणे कठीण झाले होते. पोलिसांनी आपला तपास पथक सक्रिय केले. तपासादरम्यान पोलिसांनी परिसरातील बेपत्ता व्यक्तींच्या नोंदी तपासले. आजूबाजूच्या गावात चौकशी केली. तपासादरम्यान पैठण पोलीस हे शेवगाव पोलिस ठाण्यात गेले. अंमलदार बलवीरसिंग बहुरे यांनी समयसूचकता दाखवत जवळील कारागृहातील काही कैद्यांना मृतदेहाचे छायाचित्र दाखवले. त्यापैकी एका कैद्याने मृत व्यक्ती कृष्णा असल्याची माहिती दिली. यामुळे तपासाला निर्णायक दिशा मिळाली. दोन दिवसांच्या अथक परिश्रमानंतर हा मृतदेह गदेवाडी येथील कृष्णा पंढरीनाथ धनवडे (वय 38) यांचा असल्याचे निष्पन्न झाले.

धक्कादायक माहिती समोर

पोलिसांनी कृष्णा पंढरीनाथ धनवडे यांच्या कुटुंबीयांशी संपर्क साधल्यानंतर मृतदेहाची ओळख पटली. कृष्णा हे मूकबधीर होते. ते अनेकदा घरातून निघून जात असत आणि दीर्घकाळाने परतत असत. मोबाईल फोन नसल्यामुळे कुटुंबीयांनी त्यांच्या बेपत्ताची तक्रारही दिली नव्हती. कृष्णा हा दारूच्या नशेत आई-वडील, मूकबधीर बहिण आणि बाळंतपणासाठी घरी आलेल्या भाचीला मारहाण करत असल्याचे उघड झाले. या सततच्या त्रासामुळे घरात तणावाचे वातावरण होते. यावरून पोलिसांना कृष्णाच्या भाचे-जावई सागर रामेश्वर केसापुरे (वय 20, रा. देऊळगाव राजा) यांच्यावर संशय बळावला.

आरोपीला अटक

पोलिसांनी देऊळगाव राजा येथे जाऊन सागर केसापुरे याला ताब्यात घेतले. चौकशीत सागरने गुन्ह्याची कबुली दिली. १५ डिसेंबरच्या रात्री तो सासरी गेला तेव्हा झोपेत असलेल्या कृष्णाचा मित्र ऋषिकेश गायकवाड (वय 22, रा. दुधड) आणि एका अल्पवयीन साथीदाराच्या मदतीने हत्या केल्याची कबुली दिली. हत्या केल्यानंतर मृतदेह पोत्यात भरून गोदावरी नदीत टाकण्यात आला. या प्रकरणी पोलिसांनी मुख्य आरोपींसह एका अल्पवयीनाला ताब्यात घेतले आहे. पोलीस पुढील तपास करत आहे. या घटनेने परिसरात खळबळ उडाली आहे.

Amravati Crime: अमरावतीत जुन्या वैमनस्याचा रक्तरंजित बदला; 19 वर्षीय तरुणाची चाकूने भोसकून निर्घृण हत्या