हल्लेखोर डरपोक, कुठेतरी लपून बसतात अन्…; टायगर श्रॉफ गोळीबार प्रकरणावर मुख्यमंत्र्यांची प्रतिक्रिया

बॉलिवूड अभिनेता टायगर श्रॉफ याच्या गाडीवर मोठा हल्ला झाला आहे. टायगर श्रॉफवरील हल्ल्याची जबाबदारी बिश्नोई गँगने स्वीकारली आहे. या गोळीबारानंतर मुख्यमंत्री देवेंद्र फडणवीस यांनी प्रतिक्रीया दिली आहे.

• जुहू परिसरात टायगर श्रॉफच्या गाडीवर गोळीबार 
• हल्ल्याची जबाबदारी बिश्नोई गँगने स्वीकारल्याची माहिती
• मुख्यमंत्री देवेंद्र फडणवीस यांनी दिली प्रतिक्रीया

मुंबई : बॉलिवूड अभिनेता टायगर श्रॉफ याच्या गाडीवर मोठा हल्ला झाला आहे. या हल्ल्याने एकच खळबळ उडाली. जुहू परिसरात गोळीबार करण्यात आला आहे. अभिनेता फुटबॉल मॅच खेळून घरी जात असताना हा हल्ला झाला आहे. तीन हल्लेखोरांनी हा हल्ला केल्याची माहिती आहे. काही व्हिडीओमध्ये गोळीबार करताना हे हल्लेखोर स्पष्ट दिसत आहेत. टायगर श्रॉफवरील हल्ल्याची जबाबदारी बिश्नोई गँगने स्वीकारली आहे. या गोळीबारानंतर मुख्यमंत्री देवेंद्र फडणवीस यांनी प्रतिक्रीया दिली आहे. “पोलिसांनी आरोपींचा शोध सुरु केला आहे, त्यांचे आकाही शोधून काढतील. त्यामुळे मी निश्चितपणे सांगीन की, अशा प्रकारच्या घटना सहन केल्या जाणार नाहीत. पोलिसांना उघडपणे कोणी चॅलेंज देऊ शकत नाहीत” असा इशारा मुख्यमंत्री फडणवीस यांनी दिला आहे.

 

“हे डरपोक लोक आहेत. कुठेतरी लपून बसतात. तिथून वल्गना करतात. त्यांच्यात हिम्मत नाही. हे एकप्रकारे भाड्याचे लोक आहेत. भाड्याच्या लोकांच्या आधारावर ऑपरेट करणारे लोक आहेत” असं फडणवीस म्हणाले. “निश्चितपणे पोलिसांना यात चॅलेंज येतं ते हे महाराष्ट्रातून ऑपरेट करत नाहीत. देशाच्या बाहेरुन ऑपरेट करतात. केंद्र सरकारच्या ज्या एजन्सी आहेत, त्यांच्याशी संपर्क साधून महाराष्ट्र आणि देशाबाहेरुन ऑपरेट करणाऱ्या या गँगना मुंबई पोलीस नेस्तनाबूत करतील” असं देवेंद्र फडणवीस म्हणाले.

“अशा कुठल्याही गँगला घाबरण्याचं कारण नाही. हे डरपोक लोकांचं कार्य आहे. हे घाबरणारे लोक आहेत. कुठेतरी लपून बसतात. तिथून कम्युनिकेशनचा वापर करुन धमक्या देत असतात. आम्ही प्रत्येक धमकी गांभीर्याने घेतो” असं मुख्यमंत्री फडणवीस म्हणाले. “मुंबई पोलीस प्रोफेशनल पोलीस फोर्स आहे. आजपर्यंत मुंबई पोलिसांनी दाखवून दिलय की, अशा प्रकारचे जे गुन्हेगार आहेत, त्यांना मुंबई पोलीस जेरबंद केल्याशिवाय राहणार नाहीत. त्यामुळे निश्चितपणे सांगेन, कोणी घाबरण्याचं कारण नाही” असं मुख्यमंत्री देवेंद्र फडणवीस म्हणाले.

हे सुद्धा वाचा : औंधमध्ये १८ वर्षीय तरुणावर लोखंडी हत्याराने हल्ला, लाथाबुक्क्यांनीही मारहाण; नेमकं काय घडलं?

“शेवटी घटना गंभीर आहे, या घटनेच्या अनुषंगाने जे जे करण्याची गरज आहे, ते ते केलं जाईल. टायगर श्रॉफ यांना सुरक्षा आहे. त्यांनी ती सुरक्षा काही कारणाने मागे ठेवली होती. त्यांच्यासोबत सुरक्षा कवच नव्हतं. अशावेळी त्यांच्यावर हल्ला झाला. त्या संदर्भातील माहिती पुढे येईल, असंही मुख्यमंत्री फडणवीस म्हणाले. टायगर श्रॉफ यांचेशी माझे बोलणे झाले. मी टायगर श्रॉफ यांना अश्वस्त केले आहे की ते कुठलीही चिंता करू नये. ज्यांनी हे केलंय त्यांना आम्ही शोधून काढणार, असं देवेंद्र फडणवीसांनी साांगितलं.