वारीला जाणाऱ्या एका १७ वर्षीय मुलीवर लैंगिक अत्याचार झाल्याची धक्कादायक घटना घडल्याची समोर आली होती. ही घटना पुणे जिल्ह्यातील दौंड तालुक्यातील चिंचोली येथे ही धक्कादायक घटना घडली आहे. वारीला जातांना नेमकं काय घडलं याची महत्वाची माहिती पोलिसांनी दिली आहे.
वारीला जातांना काय घडलं?
पुणे ग्रामीणचे पोलीस अधिक्षक संदीपसिंह गिल यांनी याघटनेची माहिती दिली आहे. पीडित कुटुंब पंढरपूरला जाण्यासाठी निघालं होत. ड्रायव्हरला चहा प्यायची असल्याने दौंड तालुक्यातील स्वामी चिंचोली येथे गाडी थांबवली. यावेळी दोन तरुण मोटरसायकलवरुन आले आणि त्यांनी सगळ्यांच्या डोळ्यात मिरचीपूड टाकून सोन लुटलं. कोयत्याचा धाक दाखवण्यात आला आणि आरोपींनी कुटुंबाला धमकी दिली आणि त्यांच्याकडील सर्व दागिने घेतले. तसेच त्यांच्यासोबत असणाऱ्या १७ वर्षीय मुलीचं लैंगिक शोषण करण्यात आलं. असे संदीपसिंह गिल यांनी सांगितले. ही घटना सोमवारी (दि. 30 जून 2025) पहाटेच्या सुमारास घडली. या घटनेमुळे दौंडमध्ये एकच खळबळ उडाली आहे. या प्रकरणी दौंड पोलीस ठाण्यात गुन्हा दाखल करण्याचे काम सुरू आहे. पोलीस अज्ञातांचा शोध घेत आहे.
याघटनेचा महाराष्ट्र विधानसभेत तीव्र निषेध
दौंडचे आमदार राहुल कुल यांनी महाराष्ट्र विधानसभेत या घटनेचा तीव्र निषेध केला. त्यांनी मागणी केली की, “संबंधित आरोपींना लवकरात लवकर अटक करावी, त्यांच्या विरुद्ध कठोरात कठोर कारवाई व्हावी आणि या घटनेतील पीडितांना त्वरित न्याय मिळावा यासाठी खटला जलदगती (फास्ट ट्रॅक) न्यायालयात चालवावा.” तसेच, दौंड तालुक्यातील पोलिसांची संख्या अपुरी असल्याने, दौंड व यवत या दोन पोलीस स्टेशनचे विभाजन करून पाटस येथे नवीन पोलीस स्टेशन मंजूर करावे आणि आवश्यक मनुष्यबळ तातडीने उपलब्ध करून द्यावे, अशीही मागणी आमदार राहुल कुल यांनी केली आहे.
