आयटी इंजिनिअरला तब्बल 62 लाखांचा गंडा
पिंपरी : बांधकाम प्रकल्पातील फ्लॅट बुकिंगच्या नावाखाली 5 ग्राहकांकडून तब्बल २९ लाख ३३ हजार न २०० रुपये घेत त्यापैकी केवळ ६ लाख २५ हजार २०० रुपये विकासकाला देऊन उर्वरित २३ लाख ८ हजार रुपये परस्पर वापरल्याचा प्रकार समोर आला आहे. याप्रकरणी रावेत पोलीस ठाण्यात सेल्स हेडविरोधात गुन्हा दाखल करण्यात आला आहे.
याप्रकरणी ऋषिकेश शिवाजी आहेर (वय ३०, व्यवसाय नोकरी, सध्या रा. पिंपळे निलख, पुणे, मूळ रा. नाशिक) यांनी रावेत पोलीस ठाण्यात फिर्याद दिली आहे. त्यानुसार, सारंग भारत बोरा (वय अंदाजे ३७, मूळ रा. अहिल्यानगर) याच्याविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, ३० एप्रिल २०२५ पासून आतापर्यंत पुनावळे येथील ‘१८ मॅग्निट्युड’ प्रकल्पात हा प्रकार घडला. आरोपी सारंग बोरा हा संबंधित प्रकल्पात विस्टेरिया रिअल व्हिजन प्रायव्हेट लिमिटेड कंपनीमार्फत सेल्स हेड म्हणून काम करत होता.
विकासक आणि कंपनीमध्ये सेल्स मँडेट एजंटबाबत कोणताही करारनामा झालेला नसतानाही आरोपीने फिर्यादीला प्रकल्पातील बी-१०५ क्रमांकाचा फ्लॅट बुक करण्यास सांगितले. त्यानुसार, ३० एप्रिल २०२५ ते १३ नोव्हेंबर २०२५ या कालावधीत फिर्यादीकडून रोख तसेच विविध बँक खात्यांद्वारे ऑनलाईन पद्धतीने एकूण २९ लाख ३३ हजार २०० रुपये घेतले. त्यापैकी केवळ ६ लाख २५ हजार २०० रुपये विकासक जी. डी. स्क्वेअर यांना देण्यात आले, तर उर्वरित २३ लाख ८ हजार रुपये आरोपीने स्वतःच्या वापरासाठी परस्पर घेतल्याचा आरोप तक्रारीत नमूद केले आहे.
चंदननगरमध्येही फसवणुकीचा प्रकार
पोलिसांच्या प्राथमिक तपासात आरोपीने प्रगती बिल्डकॉन कंपनीचा मालक असल्याचे सांगून विविध व्यावसायिक, हॉटेल व्यावसायिक तसेच महिलांना लग्नाचे आमिष दाखवून फसवणूक केल्याचे समोर आले आहे. छत्रपती संभाजीनगर, पुणे, सोलापूर, जळगाव आणि नाशिक जिल्ह्यांमध्येही अशा प्रकारच्या फसवणुकीचे प्रकार केल्याचे तपासात निष्पन्न झाल्याचे पोलिसांनी सांगितले. आरोपीविरुद्ध यापूर्वी भिगवण आणि विमानतळ पोलिस ठाण्यांत फसवणुकीचे गुन्हे दाखल असल्याची माहितीही पोलिसांनी दिली.
.png "Videos"){kind=small}
