(फोटो सौजन्य-सोशल मीडिया)
सायबर पोलिसांकडून मिळालेल्या माहितीनुसार, सुशिलकुमार शिवाजी सर्डे त्यांचं वय ४५ वर्षे, रा. समर्थ नगर, धाराशिव यांना २० जानेवारी रोजी मोबाईलवर लिंक पाठवण्यात आली होती. त्यानंतर आरोपीने व्हॉट्सअॅपवर संपर्क साधून ट्रेडिंगमध्ये गुंतवणूक केल्यास भरभरुन मोठा परतावा मिळेल असे भासवले. सुरुवातीला विश्वास संपादन करून अधिक नफ्याचे आमिष दाखवत वेळोवेळी गुंतवणूक करण्यास प्रवृत्त केलं. या मोहाला बळी पडल्यानंतर परिणाम फसवणूकीपर्यंत गेला.
२० जानेवारी ते ९ मार्च या कालावधीत फिर्यादीकडून विविध व्यवहारांद्वारे एकूण ६३,५०,००० रक्कम उकळण्यात आली. मात्र नफा न मिळाल्याने आणि संपर्क तुटल्याने आपली फसवणूक झाल्याचे लक्षात आल्यानंतर ६ एप्रिल रोजी सायबर पोलीस ठाण्यात तक्रार दाखल करण्यात आली.
या तक्रारीवरून सायबर पोलीस ठाण्यात कलम ३१८(४) तसेच माहिती तंत्रज्ञान (सुधारित) अधिनियम २००० चे कलम ६६(सी) व ६६(डी) अन्वये गुन्हा नोंदविण्यात आला आहे आणि आरोपीचा शोध सुरु आहे. आणि केसचा तपासही केला जात आहे.
दरम्यान अनोळखी लिंक, व्हॉट्सअॅप संदेश किंवा ‘हाय रिटर्न’ देण्याचे आश्वासन देणाऱ्या ऑनलाइन गुंतवणूक योजनांपासून दूर राहावे. कोणतीही गुंतवणूक करण्यापूर्वी संबंधित प्लॅटफॉर्मची खातरजमा करावी. असे जाणकारांचे म्हणणे आहे.
