Pune Accident : जुन्नरमध्ये डीजेच्या गाडीनं ढोलताशा पथकातील सहा तरुणांना चिरडलं, २१ वर्षीय तरुणाचा मृत्यू

जुन्नर: जुन्नरमधून एक हृदय पिळवटून टाकणारी घटना समोर आली आहे. माजी जिल्हा परिषद अध्यक्ष देवराम लांडे यांच्या वाढदिवसानिमित्त शोभायात्रा काढण्यात आली होती. यात डीजे वाहन उतारावरती असतानाच तो तरुणांच्या अंगावर चढला.

जुन्नर: जुन्नरमधून एक हृदय पिळवटून टाकणारी घटना समोर आली आहे. माजी जिल्हा परिषद अध्यक्ष देवराम लांडे यांच्या वाढदिवसानिमित्त शोभायात्रा काढण्यात आली होती. त्यात डीजे आणि ढोल पथकाचा आयोजन देखील करण्यात आलं होत. यात डीजे वाहन उतारावरती असतानाच डीजे वाहन ढोल-ताशा पथकातील युवकांच्या अंगावर आले. यात ६ जण गंभीर जखमी झाले आहे तर एका तरुणाचा मृत्यू झाल्याची माहिती समोर आली आहे.

सोलापुरात पुन्हा हिंसाचार! ‘एकच बैठक’ लावण्यावरून वाद आणि थेट कला केंद्राबाहेर गोळीबार

नेमकं काय घडलं?

मिळालेल्या माहितीनुसार, देवराम लांडे यांच्या वाढदिवसाच्या निमित्ताने जुन्नर शहरात बुधवारी शोभायात्रेचे आयोजन करण्यात आले होते. या शोभायात्रेत डीजे वाहन ढोल-ताशा पथक आणि गोफनृत्य पथक हे देखील सहभागी होते. ही शोभायात्रा जुन्नर बाजार समितीतून धान्य बाजाराकडे येत असताना उतारावरती असतानाच डीजे वाहनाचे नियंत्रण सुटले. त्याचवेळी वाद्याच्या आवाजामुळे काहींना वाहन येत असल्याचं समजलंच नाही. डीजे वाहन हे ढोल- ताशा पथकातील युवकांच्या अंगावर आले. त्यात आदित्य काळेला डीजे वाहनाने फरफटत नेलं, तर गोविंद काळे, विजय केदारी, सागर केदारी, बाळू काळे आणि किशोर घोगरे हे या घटनेमध्ये जखमी झाले आहेत.डीजे वाहन पुढे जाऊन बाजार समितीच्या प्रवेशद्वारातील वॉचमनच्या खोलीवर जाऊन आदळले.

स्पर्धा परीक्षाची करत होता तयारी

मुलांना उपचारासाठी रुग्णालयात नेले असता त्यावेळी उपचारादरम्यान आदित्य काळे (वय 21) याचा मृत्यू झाला. आदित्य हा औद्योगिक प्रशिक्षण संस्थेत शिक्षण घेत होता आणि स्पर्धा परीक्षांचा अभ्यास करत होता. तो परिवारात एकुलता एक मुलगा असून, त्याचे वडील सुरेश काळे हे खामगावचे माजी उपसरपंच आहेत.त्याची आई-वडील मोलमजुरी करतात. आदित्यच्या मृत्यूनंतर संतप्त आदिवासी ठाकर समाजबांधवांनी जुन्नर पोलीस ठाण्यात आयोजक आणि डीजे वाहनचालकावर गुन्हा दाखल करून अटक करण्याची मागणी करत धरणे आंदोलन केले.

गुन्हा दाखल

पोलिसांनी दिलेल्या माहितीनुसार, वाहनाचे ब्रेक नादुरुस्त झाले किंवा चालकाचे वाहनावरील नियंत्रण सुटले याचा शोध घेण्यात येत आहे. याप्रकरणी आयोजक देवराम लांडे, अमोल लांडे, डीजे मालक सौरभ शेखरे आणि चालक नामदेव रोकडे यांच्यावर जुन्नर पोलिस ठाण्यात गुन्हा दाखल करण्यात आला आहे. ही घटना काल (बुधवारी दि.10) दुपारी 3 वाजण्याच्या सुमारास जुन्नरमध्ये घडली.

प्रशासनावर आरोप

बंदी असलेल्या डीजे वाहनाचा शोभायात्रेत समावेश का करण्यात आला? शोभायात्रेसाठी आणि वाद्य वाजंत्र्यासाठी पोलिसांची परवानगी घेतली होती का? याबाबत चौकशीची मागणी करण्यात येत आहे. तसेच डीजे वाहनाचा परिवहन विभागाचा परवाना आणि वाहन रस्त्यावर चालवण्यास योग्य आहे का, याची तपासणी झाली नसल्याचे समोर आले आहे. जुन्या वाहनांत बदल करून डीजे वाहन तयार केले जाते, याकडे पोलिस प्रशासन दुर्लक्ष करते, असा आरोप होत आहे.

Beed crime: बीडमध्ये भीषण अपघात! हायवा ट्रकची बुलेटला धडक, सरपंच आणि नातीचा जागीच मृत्यू तर…