crime (फोटो सौजन्य: SOCIAL MEDIA )
डोंबिवलीतून एक संतापजनक बातमी समोर आली आहे. एका हाय प्रोफाइल सोसायटीत राहणाऱ्या अल्पवयीन तरुणीला इंस्टाग्राम आणि स्नॅपचॅटच्या माध्यमातून आरोपीने जाळ्यात ओढले. तिचे अश्लील व्हिडीओ काढून हे व्हिडीओ वायरल केल्याचे समोर आले आहे.
मिळालेल्या माहिती नुसार, आरोपी चिराग गावंडे आणि पीडित यांची ओळख मैत्रीतून झाली आणि नंतर ती मैत्री प्रेमसंबंधात रूपांतरित झाली. त्यानंतर आरोपीने तरुणीचे अश्लील फोटो काढले. एवढ्यावर न थांबता त्याने तिच्याकडून वारंवार अश्लील व्हिडिओची मागणी केली. व्हिडिओ न दिल्यास इंस्टाग्राम व स्नॅपचॅटवर फोटो व्हायरल करण्याची धमकीही त्याने दिली. धमकीला घाबरून अल्पवयीन तरुणीने काही व्हिडीओ आरोपीला पाठवले आणि आरोपीने हे व्हिडीओ सोशल मीडियावर व्हायरल केले आहे. या प्रकरणानंतर कुटुंबाला प्रचंड मानसिक धक्का बसला आहे. मुलीचे अश्लील फोटो व व्हिडिओ आई-वडिलांच्या मोबाईलवर पोहोचल्याने घरच्यांनी धाव घेत मानपाडा पोलीस ठाण्यात तक्रार नोंदवली. पोलिसांनी तात्काळ गुन्हा दाखल करून तपास सुरू केला आहे.
या घटनेमुळे पालकांमध्ये भीतीचे वातावरण निर्माण झाले असून डोंबिवलीत खळबळ उडाली आहे. स्थानिकांच्या मते, अल्पवयीन मुलांच्या मोबाईल वापरावर नियंत्रण आणि सतत लक्ष ठेवणे अत्यंत गरजेचे आहे. पोलीस प्रशासनाकडून आरोपीविरुद्ध कठोर कारवाईची मागणी होत असून तरुणींनी अनोळखी व्यक्तींशी सोशल मीडियावर संवाद साधताना अधिक सावधगिरी बाळगण्याचे आवाहन करण्यात येत आहे.
धक्कदायक! आधी इंस्टाग्रामवर मैत्री नंतर ब्लॅकमेलिंग, शेवटी व्हिडिओ कॉल करुन तरुणीने संपवले जीवन
कल्याण तालुका पोलीस ठाण्याच्या हद्दीत एक धक्कदायक घटना घडली आहे. सोशल मीडियाच्या माध्यमातून ओळख झाली. त्यानंतर हीच ओळख प्रेमसंबंधात बदलली. त्यानंतर यात बालमेलींग सुरु झाली. अखेर एका तरुणीने गळफास घेऊन आत्महत्या केली आहे. मिळालेल्या माहितीनुसार, मृतक तरुणीची ओळख आरोपी ऋतिक रोहने याच्याशी शाशल मीडियावर झाली. सुरुवातीला मैत्री झाल्यानंतर ती प्रेमात बदलली. या नात्याचा गैरफायदा घेत आरोपीने तिच्याकडून दागिने घेतले. एवढेच नाही तर तिचे व्हिडीओ रेकॉर्ड करून सोशल मीडियावर टाकण्याची धमकी देण्यात आली. याच मानसिक दबावाला आणि सततच्या त्रासाला कंटाळून पीडित तरुणीने थेट व्हिडीओ कॉलदरम्यान गळफास घेऊन जीवन संपवले.
या घटनेनंतर तरुणीच्या कुटुंबीयांनी पोलिसात धाव घेतली. प्राथमिक तपासात समोर आले आहे की, आरोपी ऋतिक रोहनेने केवळ मृतक तरुणीलाच नव्हे तर इतर काही मुलींनाही अश्याच प्रकारे फसवल्याचा संशय आहे. त्यामुळे पोलिसांनी त्याला ताब्यात घेऊन सखोल चौकशी सुरु केली आहे. कल्याण ग्रामीण आणि टिटवाळा पोलीस या प्रकरणाचा तापास करत असून आरोपीविरुद्ध गुन्हा दाखल करण्यात आला आहे.
.png "Videos"){kind=small}
