Jalgaon Crime : जळगावात फिल्मी स्टाईल चोरी; अल्पवयीन मुलाने केलं फिट आल्याचं नाटक, मदतीला धावताच चोरटयांनी केला हात साफ

जळगाव जिल्ह्यातील पाचोरा शहरात फिल्मी स्टाईल चोरीची धक्कादायक घटना समोर आली आहे. नूराणी नगर भागात चोरट्यांनी फिल्मी पद्धतीने दोन लाख रुपयांची रोकड लंपास केल्याचे समोर आले आहे.

Follow Us:

Follow Us:

जळगाव जिल्ह्यातील पाचोरा शहरात फिल्मी स्टाईल चोरीची धक्कादायक घटना समोर आली आहे. नूराणी नगर भागात चोरट्यांनी फिल्मी पद्धतीने दोन लाख रुपयांची रोकड लंपास केल्याचे समोर आले आहे. एका अल्पवयीन मुलाचा वापर करून मुख्याध्यापकांकडून सेवानिवृत्त शिक्षकाच्या ताब्यात रोकड चोरली गेली. हा संपूर्ण प्रकार सीसीटीव्ही कॅमेऱ्यात कैद झाला असून, पाचोरा पोलिसांनी तपास सुरू केला आहे.

Mumbai Crime: अखेर कुशीनगर एक्सप्रेसमध्ये सापडलेल्या मुलाच्या मृतदेहाचा गूढ उकलल; नेमकं काय घडलं ?

नेमकं काय घडलं?

याबाबत मिळालेल्या माहितीनुसार, स्थानिक जेडीसीसी बँकेतून एका मुख्याध्यापकांनी शाळेसाठी संगणक खरेदीसाठी आणि बांधकाम मिस्त्रीला देण्यासाठी दोन लाख रुपये काढले होते. ही रक्कम त्यांनी सेवानिवृत्त शिक्षक शेख खलिल शेख नुरा यांच्या ताब्यात दिली. शेख खलिल यांनी ही रोकड आपल्या दुचाकीच्या डिक्कीत ठेवली आणि घराकडे निघाले.

ते घरी पोहोचताच, त्यांनी आपल्या घराच्या कंपाऊंडमध्ये दुचाकी लावली आणि तेवढ्यात रस्त्यावर एक लहान मुलगा अचानक खाली पडून फिट आल्याचा नाट्यमय अभिनय करून लागला. खालील शेख हे तत्काळ मदतीसाठी त्या मुलाकडे धावले. त्याच्यावेळी त्यांच्या दुचाकीची चावी दुचाकीलाच राहिली होती.

ते त्या मुलाजवळ गेले असता काही क्षणांतच दोन अनोळखी इसम दुचाकीवर तेथे आले. त्यांनी शेख खालील यांना मुलाला पाणी द्या’ असा सल्ला देत त्यांचे लक्ष अधिक विचलित केले. शेख खलिल घरात पाणी आणायला गेले तेव्हा त्या चोरट्यांनी संधीचा फायदा घेत चोरट्यांनी डिक्कीतील दोन लाख रुपये चोरले. त्यानंतर अल्पवयीन मुलासह तिघांनीं मिळून सिनेस्टाईलने पळ काढला.

ही संपूर्ण घटना परिसरातील सीसीटीव्हीत कैद झाली आहे. पाचोरा पोलिसांनी अज्ञात चोरट्यांविरोधात गुन्हा दाखल केला असून,परिसरातील इतर सीसीटीव्ही फुटेज आणि तांत्रिक पुराव्याच्या आधारे आरोपींचा शोध सुरु आहे. या घटनेमुळे परिसरात एकाच खळबळ उडाली आहे.

परभणीत दोन गटात राडा; लाठ्याकाठ्यांनी केली गेली मारहाण, कारण आलं समोर…

परभणीत दोन गटांत वाद झाल्याचे समोर आले. दोन गटांमध्ये असलेला वाद आता उफाळून आला असून, दोन्ही गट आमनेसामने आले होते. यानंतर एकमेकांना लाठ्याकाठ्या व लोखंडी रॉडने बेदम मारहाण करण्यात आली. यात आठ जण जखमी झाले असून, दोनजण गंभीर जखमी झाले आहेत. यातील जखमींना उपचारासाठी तातडीने रुग्णालयात दाखल करण्यात आले.

जिंतूर शहरात ही घडली. यातील जखमींना परभणी येथे उपचारासाठी दाखल करण्यात आले आहे. परभणीच्या जिंतूर शहरातील कुरेशी मोहल्ला येथे घडलेल्या या घटनेने परिसरात तणावाचे वातावरण पसरले होते. शहरातील कुरेशी मोहल्ला परिसरात दोन गटात वाद होता. या आपसी वादातून दोन गटात तुंबळ हाणामारी झाल्याची घटना घडली. या हाणामारीत एकमेकांना लाठ्याकाठ्या आणि लोखंडी रॉडने मारहाण केली गेली. एकमेकांवर असलेल्या रागातून ही हाणामारी झाल्याची माहिती मिळत आहे.

दरम्यान, दोन्ही गट समोरासमोर आल्याने झालेल्या हाणामारीत आठ ते दहाजण जखमी झाले आहेत. यातील दोन जणांना डोक्यात मार असल्याने गंभीर स्वरूपाची दुखापत झाली आहे. गंभीर जखमी झालेल्या दोघांना पुढील उपचारासाठी परभणी येथे हलवण्यात आले आहे.

Karnatak Crime: विवाहित प्रेयसीच्या तोंडात टाकले ज्वलनशील पदार्थ, नंतर केली निर्घृण हत्या

Web Title: Film style theft in jalgaon

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com