रत्नागिरीत टेम्पोची धडक बसून दुचाकीस्वार गंभीर
शहरातील रस्त्यावर झाला भीषण अपघात
शहर पोलिस ठाण्यात गुन्हा दाखल
रत्नागिरी: शहरातील मारुती मंदिर ते आठवडा बाजार जाणाऱ्या मुख्य रस्त्यावर रुद्र हॉटेलसमोर एक भीषण अपघात झाला. भरधाव टेम्पोने दुचाकीला धडक दिल्याने ७३ वर्षीय वृद्ध दुचाकीस्वार गंभीर जखमी झाले आहेत. याप्रकरणी रत्नागिरी शहर पोलीस ठाण्यात टेम्पो चालकाविरुद्ध गुन्हा दाखल करण्यात आला. राजन जयवंत जाधव (वय ७३, रा. शंखेश्वर गार्डन, आरोग्य मंदिर, रत्नागिरी) असे या अपघातात गंभीर जखमी झालेल्या व्यक्तीचे नाव आहे.
दि. ५ मार्च रोजी दुपारी चारच्या सुमारास राजन जाधव हे आपल्या दुचाकीने मारुती मंदिरहून आठवडा बाजाराच्या दिशेने जात होते. याच वेळी टेम्पो चालक तवाब मोहसीन वाडकर (वय २२, रा. भाट्ये नवानगर, रत्नागिरी) टेम्पो घेऊन त्याच मार्गावरून जात होता. रुद्र हॉटेलसमोर आले असता, टेम्पो चालकाने रस्त्याच्या परिस्थितीचा अंदाज न घेता हयगयीने आणि वेगात वाहन चालवले. यामुळे टेम्पोची धडक दुचाकीला बसली आणि राजन जाधव खाली पडले.
दुर्दैवाने टेम्पोचे मागील डावे चाक जाधव यांच्या डोक्यावरून आणि कानावरून गेल्याने त्यांना अत्यंत गंभीर दुखापत झाली आहे. अपघात घडून काही दिवस उलटल्यानंतर, २१ मार्च रोजी रीतसर गुन्हा दाखल करण्यात आला. याबाबत शहर पोलिस ठाण्याचे पोलिस हवालदार दिनेश महादेव हरचकर यांनी फिर्याद दिली. त्यानुसार पोलिसांनी टेम्पो चालक तवाब वाडकर याच्याविरुद्ध गुन्हा दाखल केला.
Accident: गाडीचा कंट्रोल सुटला अन् थेट जगबुडीच्या…; खेडमध्ये घडला विचित्र अपघात
खेडमध्ये घडला विचित्र अपघात
मुंबई गोवा महामार्गावरील भरणे नजीकच्या नव्या जगबुडी पुलावर रत्नागिरीकडे जाणाच्या कार चालकाचे अचानक नियंत्रण सुटून कार कार थेट जगबुडी नदीच्या कठड्यावर जाऊन चढली. मात्र या घटनेत कोणतीही जिवितहानी झाली नाही. अपघात इतका भीषण होता की, कार थेट नदीकाठी असलेल्या कठड्यावर जाऊन अडकली. कारचा पुढील भाग मोठ्या प्रमाणात नुकसानग्रस्त झाला असून गाडीचे मोठे आर्थिक नुकसान झाले आहे. कोणालाही दुखापत झाली सुदैवाने नाही.
Accident News: भीषण ट्रक अपघात चालकाचा मृत्यू; राजापूरमधील घटना
हा अपघात घडताच महामार्गावरून जाणाऱ्या इतर वाहनचालकांनी आणि प्रवाशांनी तातडीने घटनास्थळी धाव घेतली. नेमका अपघात कसा झाला हे पाहण्यासाठी नागरिकांनी मोठी गर्दी केली होती. काही वेळासाठी महामार्गावरील वाहतूकही मंदावली होती. प्रत्यक्षदर्शीच्या मते, कारचा वेग जास्त असल्याने चालकाचे नियंत्रण सुटले आणि गाडी थेट कठड्याकडे झेपावली.
.png "Videos"){kind=small}
