Chhatrapati Sambhajinagar Crime: तू तक्रार केलीस तर तुला बघून घेतो…; मेकअप आर्टिस्टवर भररस्त्यात प्राणघातक हल्ला

छत्रपती संभाजीनगर शहरातून एक धक्कदायक आणि खळबळजनक घटना समोर आली आहे. दोन तरुणांनी एका मेकअप आर्टिस्टवर रस्त्यातच जीवघेणा हल्ला केल्याचे समोर आले आहे. या प्रकरणी पोलिसांनी दोघांविरुद्ध गुन्हा दाखल केला आहे.

छत्रपती संभाजीनगर: छत्रपती संभाजीनगर शहरातून एक धक्कदायक आणि खळबळजनक घटना समोर आली आहे. दोन तरुणांनी एका मेकअप आर्टिस्टवर रस्त्यातच जीवघेणा हल्ला केल्याचे समोर आले आहे. या प्रकरणी पोलिसांनी दोघांविरुद्ध गुन्हा दाखल केला असून पुढील तपास करीत आहे. ही घटना शहरातील उद्धवराव पाटील चौकात 20 सप्टेंबर रोजी सायंकाळी घडली आहे. जुन्या वादाने हा हल्ला करण्यात आल्याचे समोर आले आहे.

Mumbai Crime: भिवंडीतून फिलिस्तीनला पैसे पाठवण्याचा संशय; एटीएसकडून तीन संशयित दहशतवादी ताब्यात

नेमकं काय घडलं?

हा हल्ला संजीत संजित संजय थोरात (वय 24, रा. भारतमातानगर, एन-12) यांच्यावर झाल्याचे समोर आले आहे. ते व्यवसायाने मेकअप आर्टिस्ट आहेत. हल्ला झालेल्या दिवशी थोरात हे आपल्या दुचाकीचे पंक्चर काढण्यासाठी उद्धवराव पाटील चौकात गेले होते. त्याचवेळी शेखर पोतदार (वय 34, रा. बी सेक्टर, टीव्ही सेंटर) व प्रज्वल राजपूत (वय 25) हे दोघे तेथे आले. जुन्या भांडणाचा विषय काढून त्यांनी थोरात यांना अडवले व शिवीगाळ करत मारहाण करण्यास सुरुवात केली.

तू पोलिसांत तक्रार केलीस तर…

हा हल्ला एवढा अचानक झाला की संजीत थोरात यांना कळलच नाही की होत काय आहे. त्यांनी प्रतिकार करत “मला का मारत आहात?” असा जाब विचारला.त्यावर संतापलेल्या शेखर पोतदार यांनी थोरात यांना धमकी दिली की, “तू पोलिसांत तक्रार केलीस तर तुला बघून घेतो.” एवढ्यावर न थांबता पोतदार यांनी हातातील कडे काढून थोरात यांच्या डोक्यावर जोरदार वार केला. यामुळे थोरात गंभीर जखमी झाले. त्यानंतर आरोपी प्रज्वल राजपूत यांनी हातातील संजित थोरात यांच्या डोक्यावर आणखी एक प्राणघातक हल्ला केला. सलग वारांमुळे थोरात यांना गंभीर दुखापत झाली असून त्यांना तातडीने रुग्णालयात दाखल करण्यात आले.

आधीही धमकावले

या घटनेनंतर थोरात यांनी थेट बेगमपुरा पोलीस ठाण्यात धाव घेत तक्रार नोंदवली. पोलिसांनी शेखर पोतदार आणि प्रज्वल राजपूत या दोघांविरुद्ध मारहाण, जीवघेणा हल्ला व धमकावणे यासह भारतीय दंड विधानातील संबंधित कलमान्वये गुन्हा दाखल केला आहे. घटनेमुळे परिसरात एकच खळबळ उडाली असून भीतीचे वातावरण निर्माण झाले आहे. आरोपींची आधीही भांडणाचा मुद्दा उपस्थित करून धमकावले असल्याची माहिती पोलीस तपासातून समोर आली आहे. या प्रकरणाचा पुढील तपास उपनिरीक्षक देशमुख करीत आहेत. आरोपींना अटक करून त्यांच्याकडून चौकशी करण्यात येणार असल्याची माहिती पोलिसांनी दिली आहे.

Mumbai Crime: पुजाऱ्यानेच केला तरुणीचा विनयभंग; गुन्हा दाखल होताच देवासमोरच घेतला फास