सांगलीत पोलीस स्टेशन समोरच फ्री स्टाईल हाणामारी, नेमकं काय घडलं?

सांगलीत तीन दिवसांपूर्वी सत्यविजय चौकात किरकोळ कारणातून डोक्यात फरशी मारल्याच्या घटनेनंतर दोन्ही गट समोरासमोर आल्यामुळे वाद उफाळून आल्याचा प्रकार घडला आहे.

सौजन्य - नवराष्ट्र टीम

Follow Us:

Follow Us:

सांगली : सांगलीत तीन दिवसांपूर्वी सत्यविजय चौकात किरकोळ कारणातून डोक्यात फरशी मारल्याच्या घटनेनंतर दोन्ही गट समोरासमोर आल्यामुळे वाद उफाळून आल्याचा प्रकार घडला आहे. शहर पोलिस ठाण्यापासून हाकेच्या अंतरावर दुपारी हाणामारी झाली. त्यामुळे परिसरात गोंधळ उडाला. हाणामारीचा व्हिडीओ सर्वत्र ‘व्हायरल’ झाला आहे. सांगली शहर पोलिसांनी दोन्ही गटातील सात जणांविरुद्ध गुन्हा दाखल केला आहे.

संशयित शोएब रफीक गोलंदाज, जैद अब्दुल मुनाफ, सद्दाम सलीम मोमीन (रा. खणभाग, सांगली) व आयान नौशाद सुतार, नौशाद नबीलाल सुतार, इक्बाल सिकंदर तांबोळी, रफिक रसून शेख (चौघे रा. सावळवाडी, ता. मिरज) या दोन्ही गटातील सात जणांविरूद्ध गुन्हा दाखल झाला आहे. पोलिस हवालदार संदीप पाटील यांनी याबाबत फिर्याद दिली आहे.

संशयित शोएब गोलंदाज याचा भाऊ हुजेफ गाेलंदाज व त्याचा मित्र कलिम खान हे दिनांक १० रोजी सत्यविजय चौकात थांबले होते. त्यावेळी सावळवाडी येथील युसूफ शेख तेथे आला. हुजेफ याने त्याच्याकडे पाहिल्यानंतर, माझ्याकडे का पाहतोस म्हणून युसूफने बाजूला पडलेली फरशी उचलून हुजेफच्या डोक्यात मारली. याबाबत हुजेफने शहर पोलिस ठाण्यात गुन्हा दाखल केला आहे.

या गुन्ह्याच्या चौकशीच्या निमित्ताने दोन्ही गटांचे लोक पोलिस ठाणे परिसरात आले होते. तेव्हा तीन दिवसांपूर्वीच्या वादातून दोघे जण एकमेकाला भिडले. त्यांच्यात हाणामारी सुरू झाली. तेव्हा इतरांनी तत्काळ धाव घेत त्यांना आवरले. परंतु यामुळे परिसरात काही काळ तणाव निर्माण झाला होता. शहर पोलिसांनी तत्काळ घटनास्थळी धाव घेतली. दोन्ही गटातील तरुणांना शांत केले. या हाणामारीचा व्हिडीओ व्हायरल झाला आहे. पोलिसांनी दोन्ही गटातील सात जणांविरूद्ध मारामारी, झोंबाझोंबी करून सार्वजनिक शांततेचा भंग केला म्हणून गुन्हा दाखल केला.

हे सुद्धा वाचा : शिरवळमध्ये तरुणाची गळफास घेऊन आत्महत्या; चिठ्ठीतून धक्कादायक कारण समोर

दगडाने ठेचून मुलाचा खून

दरम्यान गेल्या काही दिवसाखाली नगर रस्त्यावरील वाघोली भागात वाघेश्वरनगर येथे एका अल्पवयीन मुलाचा लोखंडी रॉड तसेच दगडाने ठेचून खून केल्याची धक्कादायक घटना समोर आली आहे. मुलीला बोलत असल्याच्या रागातून हा खून झाल्याचे सांगण्यात आले आहे. प्रेमप्रकरणातून खून झाल्याने शहरात खळबळ उडाली आहे. गणेश वाघू तांडे (१७) असे हत्या झालेल्या अल्पवयीन मुलाचे नाव आहे. याप्रकरणी लक्ष्मण पेटकर (वय ६०), नितीन पेटकर (वय ३१) आणि सुधीर पेटकर (वय ३२) यांना ताब्यात घेण्यात आले आहे. याबाबत वाघोली पोलीस ठाण्यात गुन्हा नोंद करण्यात आला आहे. ही घटना मंगळवारी मध्यरात्री साडे बाराच्या सुमारास घडली आहे.

Web Title: In front of the sanglit police station a free style fight has taken place between two groups nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com