पूर्ववैमनस्यातून दोघांवर चाकू हल्ला; दोन जणांवर गुन्हा दाखल
पुणे : बँकेबाहेर थांबलेल्या सुरक्षा रक्षकाच्या छातीवर बसून चाकूच्या धाकाने जिवे मारण्याची धमकी देत पैशांची मागणी केल्याचा धक्कादायक प्रकार गुलटेकडी भागात गुरुवारी मध्यरात्री घडला आहे. याप्रकरणी मार्केटयार्ड पोलिसांनी गुन्हा दाखल करून अल्पवयीन मुलाला ताब्यात घेतले आहे. याबाबत विजय गायकवाड (५५, रा. शिवदर्शन) यांनी तक्रार दिली आहे. गुरुवारी (दि.१२) मध्यरात्री साडेतीनच्या सुमारास ही घटना घडली.
पोलिसांच्या माहितीनुसार, गुलटेकडी भागात दिनांक कराड अर्बन बँकेची शाखा आहे. गायकवाड हे तिथे सुरक्षा रक्षक म्हणून काम करतात. गुरुवारी रात्री ते बँकेच्या बाहेर त्यांची ड्युटी करत होते. रात्री साडेतीनच्या सुमारास अल्पवयीन आरोपी तिथे आला. त्याने सुरक्षारक्षक गायकवाड यांना चाकूचा धाक दाखवून त्यांच्याकडे पैशांची मागणी केली. त्यांना मारहाण करीत त्यांच्या छातीवर बसून जिवे मारण्याची धमकी दिल्याचे तक्रारीत म्हंटले आहे. घटनेनंतर पसार झालेल्या अल्पवयीन आरोपीला पोलिसांनी ताब्यात घेतले. संबंधित अल्पवयीन त्यांच्याकडे चहा देण्यासाठी नेहमी यायचा. पैशांसाठी त्याने हे कृत्य केल्याचे प्राथमिक तपासात दिसून येत आहे.
हे सुद्धा वाचा : नौदलात भरतीच्या आमिषाने फसवणूक; तब्बल १७ जणांना घातला गंडा
राज्यात गुन्हेगारीचे प्रमाण वाढले
राज्यात गुन्हेगारीचे प्रमाण मोठ्या प्रमाणात वाढले आहे. दरम्यान गेल्या काही दिवसाखाली छत्रपती संभाजीनगरमध्ये जुन्या भांडणाच्या कारणातून 26 वर्षीय तरुणाचा धारदार शस्त्राने खून करण्यात आला. ही घटना सोमवारी (दि.2) सायंकाळी हसूल परिसरातील कारागृहाच्या बाजूच्या मैदानावर घडली. दिनेश उर्फ बबलू परमानंद मोरे (वय 26, रा. चेतनानगर, हसूल) असे मृत तरुणाचे नाव आहे. याप्रकरणी आरोपी अनिकेत गायकवाड व गणेश सोनवणे यांची नावे समोर आली असून, शोधासाठी चार पथके रवाना झाली. या हत्येप्रकरणामुळे परिसरात एकच खळबळ उडाली आहे.
दोन तरुणांवर कोयत्याने वार
गेल्या काही दिवसाखाली भरदुपारी कर्वे रस्त्यावरील प्रसिद्ध महाविद्यालय परिसरात फिल्मीस्टाईल टोळक्याने हातात कोयते घेऊन पाठलाग करत दोन तरुणांवर कोयत्याने वार केले. यात एका तरुणाची प्रकृती चिंताजनक असून, त्याच्यावर अतिदक्षता विभागात उपचार सुरू आहेत. तर, दुसऱ्याला डोक्यात वार करून जखमी केले आहे. भरदुपारी घडलेल्या याघटनेमुळे महाविद्यालय परिसरात चांगलाच गोंधळ निर्माण झाला होता. धक्कादायक म्हणजे, मैत्रिणीबद्दल अफवा पसरवतोय या संशयावरून टोळक्याने वार केले आहेत. घटनेची माहिती मिळताच परिमंडळ एकचे उपायुक्त संदिपसिंह गिल्ल व डेक्कन पोलीस घटनास्थळी दाखल झाले. पोलिसांनी जखमी असलेल्या तरुणांकडे चौकशी केली आहे. त्यानुसार गुन्हा दाखल करण्याची प्रक्रिया सुरू आहे. दरम्यान, पसार झालेल्या तरुणांचा शोध घेतला जात आहे.
.png "Videos"){kind=small}
