Jalna Crime: स्वतःचा मृत्यू दाखवण्यासाठी तरुणाचा खून; विम्याच्या पैशांसाठी रचला थरारक कट, पोलिसांचा मोठा खुलासा

जालना जिल्ह्यात कार जळून व्यक्तीचा मृत्यू झाल्याची घटना सुरुवातीला अपघात मानली जात होती. मात्र पोलिस तपासात हा नियोजनबद्ध खून असल्याचे उघड झाले. विम्याची रक्कम आणि कर्जातून सुटका मिळवण्यासाठी नितीन गवळीने एका तरुणाचा खून करून मृतदेह कारमध्ये जाळल्याचा आरोप आहे. दोन आरोपी अटकेत असून मुख्य सूत्रधार फरार आहे.

• कार जळण्याची घटना अपघात नसून नियोजनबद्ध खून असल्याचे तपासात निष्पन्न.
• विम्याची रक्कम मिळवण्यासाठी आणि कर्जातून सुटकेसाठी स्वतःच्या मृत्यूचा बनाव रचल्याचा आरोप.
• दोन आरोपी अटकेत; मुख्य सूत्रधार नितीन गवळीचा शोध सुरू.

जालना: जालना जिल्ह्यातून एक धक्कादायक घटना समोर आली आहे. 31 मे 2026 रोजी एका कारचा अपघात झाला होता. अपघातावेळी कारला आग लागली होती. आणि या आगीत एका व्यक्तीचा मृत्यू झाला होता. सुरुवातीला हा प्रकार अपघाताची वाटत असल्याने पोलिसांनी अकस्मात मृत्यूची नोंद केली होती. मात्र, जालना पोलिसांनी केलेल्या तांत्रिक आणि कौशल्यपूर्ण तपासानंतर या घटनेमागील अत्यंत धक्कादायक सत्य समोर आली आहे. हा प्रकार अपघात नसून एक नियोजनबद्ध हत्या केल्याचा प्रकार समोर आला आहे.

काय नेमकं प्रकरण?

नितीन प्रभाकर गवळी असे या प्रकरणातील आरोपीचे नाव आहे. त्याने हा सगळा प्रकार विम्याची मोठी रक्कम मिळवण्यासाठी आणि कर्जाच्या विळख्यातून सुटका करून घेण्यासाठी स्वतःच्या मृत्यूचा बनाव रचला. या कटासाठी त्याने अमित राजू फुलारे आणि आकाश गवळी या दोघांना सोबत घेऊन नाशिक येथील संदीप चौहाण या तरुणाचा गळा दाबून निर्घृण हत्या केली. त्यानंतर संदीपचा मृतदेह कारमध्ये ठेवून तो वाहनासह जाळून टाकण्यात आली. जेणेकरून मृतदेह नितीनचाच आहे असे सगळ्यांना वाटेल.

Uttarpradesh Crime: शेजाऱ्याची हैवानीयत! अल्पवयीन मुलीवर लैंगिक अत्याचार, पीडित गर्भवती

या गुंतागुंतीच्या प्रकरणाचा छडा लावतांना जाफ्राबाद पोलीस ठाण्यात भारतीय न्याय संहिता (BNS) कलम 103 (1), 62 (2) (अ), 238 (अ) (ब) व 3 (5) अन्वये गंभीर गुन्हा दाखल करण्यात आला आहे. आतापर्यंत या प्रकरणात दोन आरोपींना पोलिसांनी अटक केली आहे. मुख्य सूत्रधार नितीन प्रभाकर गवळी याचा शोध घेण्यासाठी एक विशेष पथक काम करत आहे. सदर गुन्ह्यातील जळालेल्या मृतदेहाची ओळख पटवण्यासाठी सध्या डीएनए तपासणीची प्रक्रिया सुरू आहे.

दारूसाठी पैसे न दिल्याने मावस भावाची निर्घृण हत्या; जालन्यात खळबळ

जालना जिल्ह्यातील एक धक्कादायक घटना समोर आली आहे. दारूसाठी पैसे न दिल्याने मावस भावाची निर्गुण हत्या केल्याचे समोर आले आहे. याप्रकरणी पोलिसांनी आरोपीला अटक केली असून या घटनेने परिसरात संताप व्यक्त केला जात आहे. हा घडलेला प्रकार मंठा शहरातील जवाहरलाल कॉलनी परिसरात घडल्याचे सांगितले जात आहे.

चोरीच्या आरोपावरुन दलित मुलीला गावभर फिरवलं, झाडाला बांधून केली बेदम मारहाण; आरोपीवर तक्रार दाखल