नागपुरात ढोंगी बाबाचा भयंकर पराक्रम! अल्पवयीन मुलीवर बलात्कार, पीडिता गरोदर आढळल्याने खळबळ

लातूरमध्ये कुंडलीतील दोष दूर करण्याच्या आणि पूजा करण्याच्या बहाण्याने १७ वर्षीय मुलीचे लैंगिक शोषण केल्याचा गंभीर आरोप समोर आला आहे. या प्रकरणी पोलिसांनी आरोपीविरोधात POCSO कायद्यानुसार गुन्हा दाखल करून त्याला अटक केली आहे. मुलगी गर्भवती असल्याचे वैद्यकीय तपासणीत समोर आल्यानंतर हा प्रकार उघडकीस आला.

• कुंडलीतील दोष दूर करण्याच्या बहाण्याने अत्याचार केल्याचा आरोप
• मुलगी गर्भवती असल्याचे समोर आल्यानंतर प्रकरण उघडकीस
• POCSO अंतर्गत गुन्हा दाखल; आरोपीला पोलिसांनी अटक केली

लातूरमधून ढोंगी बाबाचे आणखी एक प्रकरण समोर येत आहे. नाशिकमधील खरात प्रकरण शांत झाल्यांनतर आता पुन्हा नव्या ढोंगी बाबाची काळी बाजू समोर आली आहे. मिळालेल्या माहितीनुसार, या ढोंगी बाबने किशोरवयीन मुलीचे लैंगिक शोषण केले ज्यात ती गरोदर झाल्याचे समोर आले. सांगितले जात आहे की, ढोंगी बाबाने कुंडलीतील दोष करण्याच्या आणि पूजा करण्याच्या बहाण्याने मुलीवर बलात्कार केला. हे प्रकरण आता पोलिसांपर्यंत पोहचले असून आरोपी बाबाला अटक करण्यात आली आहे.

Crime News: सोशल मीडिया इन्फ्लुएन्सर निधीच्या मृत्यूने खळबळ; आईने केले गंभीर आरोप

काय आहे संपूर्ण प्रकरण?

अनेकदा धार्मिक विधींच्या नावाखाली आणि जीवनातील दोष दूर करण्याच्या बहाण्याने ढोंगी बाबा भोळ्या लोकांना आपली शिकार बनवतात. अशीच घटना लातूरमध्येही घडली. आरोप आहे की, १७ वर्षांच्या किशोरवयीन मुलीच्या कुंडलीत दोष असून तो दोष दूर करणार आहे असं सांगून ढोंगीने तिच्यावर बलात्कार केला. हद्द तर तेव्हा पार झाली जेव्हा यातून मुलगी गरोदर झाली. पोलिसांनी सध्या मुलीच्या जबाबावर तक्रार दाखल केली असून आरोपीला आपल्या ताब्यात घेतले आहे.

गुन्हा दाखल

या प्रकरणात विवेकानंद पुलिस स्टेशनमध्ये रामेश्वर हनमंतराव रामदासी उर्फ रामेश्वर महाराज या ढोंगी बाबा विरोधात POCSO एक्ट अंतर्गत गुन्हा दाखल करण्यात आलेला आहे. पोलिसांनी आरोपीला अटक केली असून कोर्टाने त्याला चार दिवसांच्या पोलिस कोठडीची शिक्षा सुनावली आहे.

तक्रारीत काय म्हटलं गेलं?

पोलिसांकडे केलेल्या तक्रारीनुसार, आरोपी रामेश्वर महाराज मागील अनेक महिन्यांपासून पूजेसाठी मंदिरात जात होता. यादरम्यान त्याची ओळख पिडित मुलीच्या वडिलांशी झाली. याच ओळखीच्या जोरावर त्याचे घरात येणे-जाणे सुरु झाले. त्याने सांगितले की, मुलीच्या कुंडलीत दोष असून ते दोष दूर करण्यासाठी एक पूजा करावी लागेल. जून महिन्यापासून आरोपी मुलीच्या घरी पूजा करण्यासाठी येत होता. यादरम्यान त्याने मुलीवर बलात्कार केला. तथापि, याची माहिती कुटुंबियांना नव्हती.

Baramati Crime: माळेगाव हादरले! गजबजलेल्या राजहंस चौकात दोन तरुणांवर कोयत्याने प्राणघातक हल्ला

मुलीच्या पोटात वेदना होत असल्याने तिला रुग्णालयात दाखल करण्यात जिथे सर्व घटनेचा खुलासा झाला. डाॅक्टरांनी स्पष्ट केले की, मुलगी गरोदर आहे. यानंतर पोलिसात तक्रार दाखल करण्यात आली आणि पोलिसांनी आरोपी रामेश्वर महाराजला आपल्या ताब्यात घेतले. इतरही अशा घटनेत आरोपीचा समावेश आहे का हे शोधून काढण्यासाठी पोलिस सध्या त्याची क्राईम हिस्ट्री तपासत आहेत.