Mumbai Crime:“मी तुझ्या आईला मारलं” मुलाला व्हिडिओ कॉलवर सांगितलं; बाटलीने मारहाण करून ओढणीने गळा आवळत पत्नीची हत्या

मुंबईतील धारावी येथे जादूटोण्याच्या संशयातून ५८ वर्षीय व्यक्तीने पत्नीची हत्या केल्याची धक्कादायक घटना उघडकीस आली. बाटलीने मारहाण करून ओढणीने गळा आवळत खून केल्यानंतर आरोपीने मुलाला व्हिडिओ कॉल करून गुन्ह्याची कबुली दिली.

• धारावीमध्ये जादूटोण्याच्या संशयातून पतीने पत्नीची हत्या.
• बाटलीने मारहाण करून ओढणीने गळा आवळत खून.
• खून केल्यानंतर मुलाला व्हिडिओ कॉल करून दिली कबुली; पोलिसांनी आरोपीला अटक.

मुंबई: मुंबई येथील धारावी परिसरातून एक धक्कादायक आणि हादरवून टाकणारी घटनास अमोर आली आहे. एका ५८ वर्षीय भंगार विक्रेत्याने आपला पत्नीची अत्यंत निर्घृणपणे हत्या केल्याची धक्कादायक घटना समोर आली आहे. एव्हडेच नाही तर त्याने हत्या केल्यांनतर आपल्या मुलाला व्हिडीओ कॉल करून मी तुझ्या आईला मारलं असे सांगितले. जादूटोणाच्या संशयातून पत्नीची हत्या केली.

काय घडलं नेमकं?

आरोपीचं नाव अमृत मेघा सोलंकी (५८) असे आहे. तर मृत्यू झालेल्या पत्नीचे नाव सुरजबेन सोलंकी (५२) असे आहे. हे दोघेही दाम्पत्य धारावी कोळीवाडा येथील जांबा पास्कल चाळीत सोबत राहत होते. १३ मार्च रोजी दुपारी २:३० च्या सुमारास अमृताने आपल्या पत्नीच्या डोक्यात पाण्याची बॉटल मारून आणि नंतर ओढणीने गळा आवळून तिची हत्या केली.

Madhyapradesh Crime: संतापातून हिंसाचार! अंगणवाडी सेविकेवर अत्याचाराच्या आरोप, वादात आईचा जीव गेला

त्यांनतर बुधवारी एका नातेवाईकांच्या अंत्यविधीला जाण्यासाठी शिवराम वडिलांना घेण्यासाठी घरी पोहोचला. घर आतून बंद होते आणि वारंवार हाक मारूनही प्रतिसाद मिळत नव्हता. शिवरामने वडिलांना फोन केला तेव्हा अमृताने व्हिडीओ कॉल उचलण्यास सांगितले. व्हिडीओ कॉल सुरु होताच शिवरामला जे दृश्य दिसले ते बघून त्याला मोठा धक्का बसला. अमृत रक्ताने माखलेल्या अवस्थेत होता. अमृताने कॅमेरा फिरवून रक्ताच्या थारोळ्यात पडलेल्या पत्नीचा मृतदेह दाखवला आणि ओरडून सांगितले, “सगळ्यांना बोलाव, मी तुझ्या आईला बाटलीने मारून आणि गळा दाबून संपवलं आहे.

शिवरामचा आरडाओरडा ऐकून शेजारी तिथे जमा झाले, त्यांनी पोलिसांना याचे पाचारण केले. धारावी पोलिसांनी घटनास्थळी धाव घेत सुरजबेन याना सायन रुग्णालयात नेले, मात्र डॉक्टरांनी त्यांना मृत घोषित केले.

जादूटोण्याचा संशय

शिवराम सोलंकी (३३) याने दिलेल्या तक्रारीनुसार त्याचे वडील गेल्या तीन वर्षांपासून आईचा छळ करत होते. “आई आणि मुले मिळून माझ्यावर ‘करणी’ (जादूटोणा) करतात आणि मुले फक्त आईलाच साथ देतात,” असे अमृताला वाटायचे. त्याने आपल्या मुलांना घरात येण्यासही बंदी घातली होती. ११ मार्च रोजी झालेल्या एका वादात अमृतने “एके दिवशी मी तुझ्या आईला मारून टाकीन,” अशी धमकीही दिली होती.

आरोपी अटकेत

पोलिसांनी ‘भारतीय न्याय संहिता’ (BNS) कलम १०३ अंतर्गत खुनाचा गुन्हा दाखल केला आहे. अमृत सोलंकीला पोलिसांनी अटक केली आहे. या प्रकरणाचा अधिक तपास पोलीस करत आहे.

Uttar Pradesh Crime: पतीशी भांडण, राग मुलावर; आईने 5 महिन्यांच्या बाळाची निर्घृण हत्या, नंतर मृतदेह…