Mumbai Crime News: आधी गुंगीच औषध दिल,बेशुद्ध अवस्थेत केला सामूहिक अत्याचार आणि…; मॉडेल अटकेत

अंधेरीत 22 वर्षीय विद्यार्थिनीला कोल्ड ड्रिंक मधून गुंगीचं औषध देऊन बेशुद्ध करून दोन पुरुषांनी सामूहिक अत्याचार केला. स्ट्रगलिंग मॉडेल सुषमा राव अटकेत; दोन आरोपी फरार. पोलिस तांत्रिक पुराव्यावरून शोध घेत आहेत.

• 22 वर्षीय विद्यार्थिनीवर सामूहिक अत्याचार
• कोल्ड ड्रिंकमध्ये गुंगीचं औषध मिसळून बेशुद्ध केले
• स्ट्रगलिंग मॉडेल अटकेत; दोन आरोपी फरार

मुंबई: मुंबई येथून एक धक्कादायक घटना समोर आली आहे. एका २२ वर्षीय महाविद्यालयीन विद्यार्थिनीवर सामूहिक लैंगिक अत्याचार झाल्याची धक्कदायक घटना समोर आली आहे. पीडितेला कोल्डड्रिंकमध्ये गुंगीचं औषध देण्यात आलं. त्यानंतर तिच्यावर दोघांनी अत्याचार केला. एवढेच नाही तर पीडितेच्या अश्लील व्हिडीओ आणि फोटो देखील काढले. याप्रकरणी पोलिसांनी एका स्ट्रगलिंग मॉडेलला अटक केली आहे. तर दोन आरोपी फरार आहे. त्यांचा शोध पोलीस घेत आहे.

Crime News: पुणे शहरात वाढले घरफोडींचे प्रमाण; ‘या’ परिसरातून लाखोंचा ऐवज लंपास

नेमकं काय घडलं?

पोलिसांनी दिलेल्या माहिती नुसार अटक केलेल्या आरोपीचं नाव सुषमा राव (वय वर्षे ३१) असे आहे. पीडित विद्यार्थिनी मुबईतील अंधेरी परिसरातील रहिवासी आहे. ती सुषमाच्या कार्यालयात गरम मसाला उत्पादनांच्या मार्केटिंग विक्रीसाठी पार्ट टाईम जॉब करत होती. सुषमाने पीडितेला सांगितले की, तिचे कार्यालय अंधेरी पूर्वेकडील जेबीनगर येथील एका लॉजमध्ये काही दिवसांसाठी भाड्याने घेतलेल्या खोलीत चालू आहे. या ठिकाणी केवळ सुषमा आणि पीडिता या दोघीच काम करत होत्या.

याच ठिकाणी सुषमाने पीडित तरुणीला गुंगीचं औषध मिसळून कोल्ड ड्रिंक प्याला दिले. ते पिल्यानंतर पीडित बेशुद्ध पडली. त्यांनतर सुषमाने तिच्या दोन साथीदारांना बोलावले आणि त्यांनी तरुणीवर सामूहिक लैंगिक अत्याचार केला. जेव्हा पीडितेला जाग आली तेव्हा तिच्या शेजारी ते दोन पुरुष दिसले. एवढेच नाही तर सुषमाने पीडितेला तिचे अश्लील फोटो आणि व्हिडीओ काढलेले दाखवले. हे पाहून पीडित घाबरली आणि तात्काळ घटनास्थळावरून पळ काढला. तिने रात्री उशिरा अंधेरी पोलिसांकडे या घटनेबाबत तक्रार नोंदवली.

मुख्य आरोपी अटकेत, दोन फरार

तक्रार मिळताच पोलिसांनी कारवाई करायला सुरुवात केली. त्यांनी आरोपी सुषमा राव आणि आरोपी तिच्या दोन अनोळखी साथीदारांविरुद्ध सामूहिक बलात्कार, गुंगीचं औषध देणे आणि विनयभंग आदी कलमांखाली गुन्हा दाखल केला आहे. पोलिसांनी सुषमा राव हिला अटक केली आहे. तिची चौकशी पोलीस करत आहे. तसेच अत्याचार करणारे दोन आरोपी हे फरार आहे. त्यांचा देखील शोध घेण्यात येत आहे. पोलीस लॉजमधील सीसीटीव्ही फुटेज आणि तांत्रिक पुराव्यांच्या आधारावर आरोपींचा शोध घेत आहे. या घटनेमुळे परिसरात एकच खळबळ उडाली आहे.

Mumbai Crime : ७२ वर्षीय वृद्धाला ट्रेडिंगच्या नावाखाली ३५०,०००,००० रुपयांची फसवणूक